今次我喺倫敦住嘅第二間酒店呢,就係非常之有歷史嘅Langham朗廷酒店啦,其實香港人聽Langham,大概第一件事就諗起疫情嗰時住到爛晒嘅尖沙咀嗰間,但喺我心目中,真正嘅Langham其實只有英國呢一間架啫,因為其餘世界各地嘅Langham啊Cordis都只不過係佢而家母公司鷹君收購後將佢嘅酒店Property冠名贊助,但講到最享負盛名嘅,永遠只有呢一間喺英國嘅百年老店。
其實我本來都好抗拒啲舊酒店,一來啲嘢一舊就易壞,二來一舊嘅酒店就會更易遇到都市傳說,好似我個英國朋友一聽到我住呢間酒店第一件事就問我佢哋有無比我住一間好出名嘅,但今次非但好Impressed佢哋嘅保育功夫,全程仲瞓得好舒服添。
總括黎講,今次住呢間Langham其實令我開左眼界,第一次見識英式嘅豪華同埋服務水準,好有禮但Dignified嘅服務態度,其實某程度上都要嗰個地方有咁嘅水土同埋有咁嘅客先可以生存到。就好似本來佢哋安排左S Class車我黎酒店,結果等咗幾分鐘先發現原來佢哋比左架Range Rover LWB 我,我同佢講Sorry I didn’t know it was you,個司機笑住望下架車再答左句 ; Even Better。英國人就係對英式奢華有呢份Pride 。
26 авг 2024