薛家燕手拖孫仔跳舞助慶 聯同七公主姊妹向仙姐拜年 

薛家燕手拖孫仔跳舞助慶 聯同七公主姊妹向仙姐拜年
日理萬機嘅薛家燕只要見到孫仔Julian就完全被融化，兩嫲孫手拖手出席活動，聯同一大班小朋友跳舞，年紀小小嘅Julian仲口齒伶俐同大家拜年，家燕姐話日前到澳門出騷時，Julian都有跟埋一齊去，佢仲讚嫲嫲唱歌好聽，原來只要聽到《皆大歡喜》就會起舞。
喺情人節大年初二嘅時候，同七公主嘅姊妹一齊去到仙姐白雪仙屋企拜年，幾位姊妹結義金蘭超過半世紀，感情不變，家燕姐話因為陳寶珠同沈芝華喺大年初一已經向仙姐拜年，所以大年初二只得佢同蕭芳芳、馮素波同王愛明，大家就好好奇問點解唔見馮寶寶，家燕姐就解釋因為Bobo喺馬來西亞居住，多謝大家關心姊妹，佢指Bobo生活好好。家燕姐話難得見到仙姐，大讚對方好精神好靚，又好有心準備咗好多糕點、麵、點心同粥照待大家，佢話最難得係撞到阿姐汪明荃同家英哥羅家英。
雖然聲沙情況仍然康復當中，不過家燕姐都冇放慢腳步，呢個月尾就會去馬來西亞雲頂，聯同黎耀祥、陳展鵬、馬德鐘、胡定欣以及自己一班學生去表演。
#薛家燕 #孫仔julian #皆大歡喜 #七公主 #白雪仙 #拜年 #馬來西亞雲頂
#TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0