試乜都得《慈出片》EP1【再食就中槍】ft. 肥豪：「你真心7就要順應天命」｜試當真 

後記Essay： 真心好多謝肥豪受邀拍攝《慈出片》EP1 原來拍飲食清談節目，對我嚟講真係越級挑戰，需要好好嘅主持、控場、品評技巧、味覺敏銳度同正向心理…… 力有不逮嘅我前一晚緊張到通頂冇瞓 度咗好多正經訪問問題，點知出到嚟完全不像預期 拍咗問咗三、四粒鐘都未問晒…… 但誤打誤撞地，傾傾吓計俾肥豪治癒到鼓勵到🫶發現佢真係好有智慧又溫暖🫶 簡直係喺我迷失中嘅一盞明燈唔係講笑，相信你講嘅嘢我會畢生受用，當第時我又冇自信嘅時候會click返呢條片提醒自己🫡 同樣地，呢個節目同ASMR一樣咁赤裸 =_=…. 我近期唔穩定嘅心理+精神狀態+負面能量，明明我唔想俾其他人知但依家釋放晒，完全係表露無遺，果然係呃唔到觀眾？？ 所以都好多謝肥豪俾咗好多方向同建議我改進，等他朝一日我學有所成後，再同師父正經做訪問/食嘢…… 同埋多謝幕後吐槽團隊為我指點迷津，呢一種拍攝模式意外地令我了解多咗自己（有幾咁9kick……） 最後想特別鳴謝餐廳Thailand Wok，原本諗住話拍試玩毛當日我誤闖餐廳，所以想再去拍飲食節目嚟謝罪 餐廳贊助咗我哋咁多好西，我竟然冇好好介紹到……？？ 以下係當日食過嘅菜式，不分先後： 頂級蘭王蛋香葉辣肉碎炒飯 飛天炒通菜 超足料鍾仔黃金咖喱炒藍青口 香葉爆炸肉蟹** 金磚蒜蓉多士** （痴線點咖喱勁香勁入味，食咗三舊 火山排骨**（啖啖肉又惹味，食咗三舊 肉碎生菜包 泰式明爐魚 泰式炒金邊粉 多謝老細陪我哋試當真，祝你哋生意興隆，開咗分店後，假以時日我再拍多集正經介紹……🤝？？ 下一集我一定會以「阿慈2.0」姿態展人🤝🤝

肥豪真係幾大智慧，食嘢就諗食嘢，食物係好就照講，mindfulness啲fd嚟，唔單止阿慈要學，我都要🙏🏽

肥豪好勁... 講到哂阿慈爭o既野... 仲好真心. 好好人呀肥豪. 多謝你拍呢條片呀

「X你做自己都難咁你做咩好呀？」 看似粗俗，查實好有深度。顛撲不破卻知易行難，勁佩服肥豪既敏銳同真誠，十分值得反思。

肥豪已經好俾面，隔離係夢雨已經開波😂

其實呢個系列要繼續做落去 唔係要訪問嘉賓 而係要比每個嘉賓點醒阿慈 又可以比觀眾睇住慈 一步一步慢慢成長 呢個可能就係呢條片嘅最好睇位置 B t w 支慈❤

ED就係阿修哥冇法教到亞慈。 肥豪兄掂呀!😅🎉 真心柒E句很精準❤

牙慈愧疚感好重 但其實佢好想努力顧及人地既感受 牙慈應該要學肥豪咁 大方咁接納自己負面 多d了解自己 同埋‘’有肥豪我就睇‘’😂

肥豪好好呀，講嘢有point，好睇👍🏻 見到阿慈咁迷失都有啲心酸，加油呀，支慈！

睇到眼濕濕，發覺放心做自己真係唔易，好怕其他人唔鐘意，聽完智者肥豪嘅話覺得有理，阿慈加油

呢個節目不如叫慈食飯, 然後每一集都搵啲人陪阿慈食餐飯，教佢人生道理。 而阿慈需要嘅，除咗嘉賓同埋Nero嘅專業吐糟節目效果，仲有喺低潮位置自行調整狀態嘅能力。

原來肥豪都幾有深度👏🏻👏🏻👏🏻

睇番阿慈之前所有嘅演出---舞台劇、劇場、校花校草記者會主持、悉尼老鼠 其實全部都好好睇 即係話只要阿慈係有自信嘅話就會好睇 唔好因為試玩毛嘅反應而迷失左原本做得好嘅自己

睇完之後好想同慈講,一開始你加入試當真中意睇你係中意睇你既真 去到近排發覺你諗得太多令到你既真愈來愈收埋或者想強行自己包裝佢 所以變到唔太好睇,希望你知道如果想將唔中意你既人變到中意你 其實反而會令原本中意你既人變得唔中意你,最後得不償失 加油牙慈!!!

我想睇全片😂 究竟呢3.5hrs傾左啲乜…

肥豪是智者😍尊敬 阿慈主持都好cute丫 訪談唔容易 但呢個都可以係一種風格😆

估唔到肥豪咁識諗嘢！勁有哲理！ 呢集其實係肥豪訪問阿慈多啲😂 慈慈就係諗太多，知道你用心想做好件事，但有啲適得其反 試下go with the flow 加油，第日睇番就會見到自己嘅進步！💪💪💪

今集出奇地好睇，吸引之處就係一個‘真’字 雖然我相信啊慈一開頭冇諗過會係咁拍😂 不過化學作用嘅嘢有時真係好難講， 今集內容唔單止係啊慈你嘅問題，反而呢種懷疑自己嘅感覺我哋每一個人都會遇過，let’s chill 啊慈期待你嘅成長，試當‘真’！ BTW 多謝晒今集嘅主持人肥豪，你講嘢同你食嘢一樣咁好睇

呢集離奇咁好睇👍 覺得阿慈自帶一種「不穩定性」，會令一件事裂變出一個無法預計嘅化學作用。 例如：葵扇Q嗰集，game嚟講好老實阿慈真係玩到不知所謂，但正因為係咁，最後逼到陳栢宇講出咗成集之中我認為最有養份嘅一段話「你唔可以對信任你嘅人玩心理遊戲」，呢啲對白真係就算度得出，演員都未必講到咁好咁自然咁有力量； 到呢集同肥豪拍嘅食嘢片，睇阿慈嘅留言佢到呢一刻都仲好真心咁覺得下次要主持好個「飲食清談節目」、仲歉哂疚咁喺度補介紹菜式、仲不斷檢討自己做得唔夠好...唔係咁囉，呢一集好好睇囉～肥豪同埋幕後們講咗好多含金量高嘅point囉，依家即係個主持令啲嘉賓同班幕後突變咗做真正嘅主持😂吹撚漲～ 所以阿慈真係奇葩嚟，佢錯錯哋咁就係啱，唔駛好痛苦好艱難咁去追求王道嘅好，但亦唔好特登去錯，go with the flow做自己，只要真係真心就ok，無人取代到。 阿慈係被綜藝之神眷顧住嘅人，同時亦真係睇得到佢嘅用心同盡力。類似一將功成萬骨枯咁，啲對手同成條team都被佢玩到謝煩到嬲，但卻有意想不到嘅節目效果。我好明肥豪講鬧佢唔落係點解😂

肥豪好有智慧🥹好鍾意佢

依集勁正！如果我想睇飲食節目我去睇【再食就中風】就得啦，但反而依集因爲阿慈「主持得唔好」，令大家進入到肥豪嘅哲學觀，作爲觀眾我都有種同阿慈一齊學習嘅感覺！支慈！！

阿慈做咗完美下把位，托到肥豪做咗智者 再一次用錯嘅方法令大家認識肥豪😂😂😂 期待你下一條片

越活躍既人越容易唔開心，哩句真係好中。

肥豪真係大智慧，係咁袋錢俾阿慈，多謝肥豪既格言

肥豪一講飲講食，有人生哲理，又識品嚐食物

支慈你! 就係鐘意睇你夠真 , 以後慢慢就會愈做愈好 , 唔洗擔心 同埋你今條訪問片 都達成到目標, 就係令觀眾了解肥豪更多 👍

阿慈要袋穩肥豪同你講嘅嘢，慈加油，比多啲信心自己

肥豪嘅脂肪下面，所隱藏嘅係大智慧

肥豪最好睇嘅係佢嘅做人睇法，既簡單又直接講出重點，唔會做作或故意討好其他人，欣賞敢言嘅肥豪

其實淨係睇過肥豪嘅少少片段，睇埋今個節目，見到正面嘅佢，見到點樣積極做好自己份內事嘅佢，very good!!🎉

肥豪講野有文有路~

其實阿慈你好正，要練習多啲欣賞自己，感受多啲生活上嘅美好❤加油啊😊

笑死😂全程無訪問過變左討教 期待下集！！

阿慈其實唔使咁mind 你成功係因為有人仲肯睇同講 肥豪好正 中point到爆

阿慈真係好鳩🤣🤣🤣 好鍾意成餐飯個vibe 聽肥豪講嘢好似個人都豁達左😝

聽肥豪講嘢好好聽，基本上肥豪係自動波被訪問😆中間仲係NERO做咗主持。。。

肥豪講得好好, Nero都講得好岩 呀慈真係唔知咩事太極端😂 慈出片可能可以繼續做 呢個氣氛正常D

肥豪作客帶番住阿慈

希望慈慈放鬆啲喇 take到肥豪嘅說話💛 呢條片個flow 幾好好舒服 唔錯 最後老細好笑😂

肥豪真係好好👍🏻 不過受訪者好似變左阿慈😂

其實看阿慈一條條片咁成長都幾得意😂

牙慈唔好咁苛責自己呀，我都經歷緊自我懷疑，但係過左份係搞唔撚掂，情緒精神同集中力都差左，結果又自責自己，搞清楚自己應該點樣存在係我地都必要嘅掙扎，加油呀慈！大家都加油！

慈 試下去放鬆一排 可能需要啲時間去從新裝備好自己 其實睇你宜家嘅狀態同早排嘅熊仔頭好似 所以抑鬱呢個問題都離你不遠 希望你可以係鏡頭前後都可以做到自己鍾意嘅自己

肥豪真係一個好樂觀嘅人，讓我睇通咗啲嘢

其實真係唔係想做hater 但睇住一個由頭到尾都唔知自己做緊咩既人，真係幾辛苦 其實好多人已經就住阿慈既玻璃心去留言。 但反而因為咁，佢永遠都聽唔到其實有咩差。 嗰種「唔知自己做咩好」唔係效果，係真係完全冇做到拍片、主持、玩game要做既嘢。 拍節目做主持，訪問嘉賓、介紹嘢食，最後都係得嘉賓講。 之前玩game，好多時都唔知自己做緊咩，連個game點玩都未知，冇諗過去了解點玩先。 如果係天資唔夠轉數唔快，都可以用努力去補掛？ 玩game之前問團隊拎規則睇咗先問定人先？咩地方可以做效果，大概都會易啲好睇啲 訪問嘉賓大可以一早寫定有咩問題要問，知道拍食嘢大概了解咗menu有咩再介紹？ 唔係想否認阿慈既努力，先天資質既嘢唔講，後天可以做既嘢真係唔係太睇到有做盡 即係討fans呵返同愛護既同時，會唔會係未盡力 如果係已經盡咗力都係咁，係咪要諗下係咪真係適合做幕前？ 肥豪講得啱嫁，其實內心戲唔係咁多人想知，除非係你既死忠 一係，就係你既個人魅力已經好有內容。一係，就努力去準備內容。 唔係只會一直辛苦制作團隊，浪費佢地心機去carry

肥豪真係好禮貌

每個人都有唔同性格，唔同思維，有啲人發光點係鬆容既表面易於表達，有啲人發光點唔顯見。好似影一張合照，總會有人天生企中間好好睇- -如果全張相都係呢種人其實佢地都會被比較；正常一張合照應該有好多種人，裡面有天生好睇而被喜愛既靚仔靚女，亦有因冷面而被喜愛既笑匠，亦有表現好Mean而被喜愛既Boss，亦有一出場就一語中的而被喜愛但唔岩出鏡既人，亦都可以有騰雞但被喜愛既傻大姐。如果自我打擊太大唔好覺得輸左，尤其鐘意思考既人好易會被影響，搵方法休息，個結打緊左你一直拉會越緊，慢慢去放鬆佢先解得開；同時多啲睇下同自己處境/形態相似既人點樣接受自己個結進而將佢變成亮點(簡單意見即係好多節目既騰雞傻大姐都係受人喜愛既，你可能拿捏下點樣係騰雞狀態下多幾種姿態去增加戲劇性)。

呢種咁有進步空間嘅片令我好想阿慈繼續努力，加油！

校花校草同埋EA Exam真係驚都已經塵埃落定之後，下個試當真大project應該要係"倪安慈啟蒙計劃" 唔係要改造佢，而係要點通佢

12:28 若這一束吊燈傾瀉下來🤣

肥豪真係好正，講嘢無敵中

期待下個慈出片 真心為妳上左堂心靈雞湯而開心

其實慈慈最緊要休息多啲 好好放鬆一下 消化下最近既野 再重新上路就可以了～G慈！

阿慈好得意 試下比多啲信心自己 加油

見到阿慈有啲kick真係feel到佢用心但驚不討好 唔緊要架 比信心你 慢慢學習同多啲欣賞自己❤加油

學修咁講,要講既已經太多人講左,同講得太多,係時候停一停比自己沈澱下消化下,梳理好自己既情緒,思維.如果唔係都只係浪費緊自己同人地既時間同精神,迷失本身冇問題,但迷失既時候再不斷迫自己荒不擇路咁衝就好大問題

我覺得今集好睇, 可以繼續做落去, 每集請唔同嘉賓返黎唔係受訪, 係屌醒阿慈. 好睇!

作為慈慈fans，都想講兩句。 我哋欣賞你有盡力成長嘅態度，而且睇得出你係有潛質去表現好嘅一面比人睇。衣種努力同相信自己係慈慈你最好睇嘅地方。 而唔好睇嘅地方，就係認錯/認衰。一黎無人鐘意睇人認錯，除非係好唔鍾意個個人，所以認錯係點都唔好睇。二黎好多時人認錯比人感覺係「唔想比人鬧」，而唔係「真係明錯咩」。 其中一個比較明顯嘅例子係拍「今際之國」時，啊修講你轉髮型嘅原因係因為「原諒值」。追「原諒值」係好柒，因為你假定左自己係唔好，而唔努力做更好，反而努力希望觀察接受你嘅唔好。咁樣比你追到，都係「接受到」，而唔係「好睇」。 作為一個觀眾，其實無咩資格比建議你，同埋都擔心愈多建議會令你愈迷失。 唔想講加油，因為知道你已經好努力去令自己加油。想鼓勵你可以放慢去感受為你好嘅人（例如修、肥豪）對你嘅支持同照顧，唔好太快想「定義」自己。 ❤

係咪誤闖人地舖頭嘅補償呀

求出全片3.5小時!

肥豪的心靈雞湯很高質，支持支持

肥豪 真心respect

諗咗一陣，最後都按咗 Like，不過係俾肥豪同 Nero 嘅。 P.S. 另外想讚下剪接同後製，成個 flow 同 FH 啲片嘅風格都幾似，連彈出來嗰啲字同音效都好 FH，我相信係因為肥豪今次份量好重所以特登做呢個 style。我覺得後製好勁，可以隨心轉換另一個風格。👍🏻

肥豪講得又幾好。。。希望阿慈可以正面d，我有睇曬都拍得唔差。加油

肥豪 真係好正，好有佢自己一套哲理😅

好正，希望可以成為長壽節目，同埋祝牙慈早日搵番自己

還想說也帶太多前世(?)的記憶，果然是來謝罪的嗎。w 身為一個愛吃鬼，認為肥豪說得完全正確～ 要嘛就不要吃，要嘛在允許自己吃的時候就不要想那麼多♪ 不然你既沒控制到、又沒享受到，不是雙重打擊嗎？ - - 不過從忘記介紹菜色開始，相信你已經在享受了。XD 加油！阿慈 期待你的2.0、3.0、4.0…… 最後要讚一下，肥豪大師指點迷津一流！（拇指）

真心好好,呢個vibe好正

講真 睇完先發現條片有20min 其實過得好快 傾下計都可以好好睇 唔一定要跟所謂嘅影片程序 同埋見到你哋不斷係咁食 其實已經好吸引 食好嘢係會想享受 唔係想評述 呢啲先係真實反應

其實條片出到黎效果好好睇，我過程中睇得好投入，不知不覺間就睇完一條20分鐘嘅長片，雖然可能阿慈係主持上仲有進步空間，但個人覺得呢條片我睇得非常舒服，阿慈加油🙈🙈

但就係中意呀慈咁9😂 17:25

見到試當真好支慈！ 派出Nero阿Ted咁大件事！ 仲有火柴！

我想講以前嘅牙慈係好睇嘅，好記得以前謝票場成日沖出嚟柒、又好快反應咁抽修哥水、最記得係俾人話似鮑魚之後勁快反應，呢啲都係非常有特色！！！ 可能俾人教得多、屌得多，而家有少少矯枉過正🫠個人覺得阿慈而家係要做返自己多啲，唔好咁拘謹、唔好博表演、唔好怕柒！！！

豈有此理，講到做得好差，但我竟然睇晒了, 估吾倒見倒甘多真實同真摯ge野，好似坐埋一齊聽甘，其實都幾好啊😂 阿慈加油❤💪🏽

肥豪大智慧

其實我覺幾好睇(應該係因為剪得好睇），不過內容方面，自己好多時都同慈有種負面思想又或者覺得同人講嘢時唔同channel又load下唔知點俾反應，所以反而有種共鳴感同埋都覺肥膏既意見同分享好有用。既使Feel到自己比其他人有幾多不足，都會鬧自己又同人講自己係抵屌抵鬧既，但其實個一面都係自己既一部份，而如果啊慈無呢一面，我都唔會睇到呢條片，呢廿分鐘本身諗住睇食野但又得到一d啟發，純講飯野我反而未必睇足廿分鐘呢。加油啊慈

意外地好睇，可以繼續拍

follow your heart做自己👍

加油呀！阿慈，做得唔好諗太多，做咩都唔會有人係100%喜歡，但肥豪有樣野講得好啱架，妳嗰種真心seven真係好seven, 唔係笑妳架，初心同純真唔係個個人都有，要keep住呀～❤❤❤

其實點解要係咁搬啊慈上鏡頭面前奚落佢，要教咪背後教。拍攝途中三句唔埋兩句就話佢錯先搞到條片唔好睇，由佢flow落去對啊慈嘅受眾嚟講會更好睇，要改嘅嘢咪拍完之後再指導，下次進步觀眾一定會睇到的。啊慈加油，做自己。

係㗎， 阿慈你真係唔好成日一開始就否定自己。。。其實會唔會係你怕人哋話你，所以就先打定輸數，就好快覺得自己真係做唔到？ 你要慢慢肯定返自己，建議你可以真係問吓試當真嘅同伴，到底佢哋欣賞你啲乜嘢，到底佢哋覺得你可以點樣改善得更好。 人唔會有完美，但係識得欣賞自己，同埋識得點樣做得更好，你一定會變得更好！ 所以與其係成日話自己一定係做得唔好，不如問吓身邊嘅人，覺得有邊部份欣賞，覺得邊部份可以改善，咁你自己諗改善方法嘅同時，都可以問吓對方有咩建議。 即係負面咁講，點樣唔會做得咁衰vs正面咁講，我點樣可以做得更出色😊 支持你❤

主持依家嘢真係好考反應，丫慈加油

幾好睇😊

建議下次到呀慈去返肥豪既再食就中風 想睇肥豪同時面對 呀慈+夢雨😆 肥豪好似玩緊拍地鼠機咁 左右雨邊不停塞住夢雨同呀慈

未睇前係好期待㗎，點知完咗都好似冇睇過咁既？

全集最好笑原來係個老細😂

見到肥豪好開心

一開始以為條片會好伏，點知越睇越舒服。

鏡頭前做自己最難既點係將自己培養成一個有吸引力既人，好多幕前本身無咩斤兩當然無辦法響鏡頭前做返自己。

其實幾好,幾REAL 會支持你!

丫慈有用心做，大家睇到，祝你越做越好

我好鍾意睇ca慈做謝票場主持 亦希望可以睇到你地做 祝福呀慈早日搵番迷失嘅自己

一開始放番試玩毛啲片, 揀番間餐廳去拍其實幾聰明, 只係缺乏一啲好既切入位去個訪問度,搞到成條片好尷尬, 好彩肥豪好有耐性,用心分享點做幕前,條片都未至於太難睇

肥豪好叻！成集帶住阿慈 👍🏼 阿慈超級緊張！同平時玩遊戲真係兩個人，加油呀！第一次柒咗唔緊要，之後做返好啦！再唔係就柒到宇宙盡頭！柒到全世界都愛你！加油加油 💪🏼💪🏼💪🏼

今際之國 真。結局！ 雖然阿慈表現都真係差 但結果誤打誤撞 引到肥豪講好多野 又幾好睇 可以試下繼續跟住呢個form拍落去

好想睇三個半鐘阿慈成長片段。

睇得好開心 :)

其實真係諗太多野, 連真心多謝一個人都要心理準備去諗點樣多謝, 然後出黎個句就係一個人地睇到係演出黎GE多謝, 聽個個人就會覺得假同唔真誠,, 雖然人地可能唔CARE你個多謝, 但係會搞到自己係一個之後唔知人地仲會唔會教你野GE地步~~不過加油! 支持你面對自己~=]

其實幾好睇, 睇食野變左探討人生

其實做訪問,除非個主持天生有咁上下口才,人生有番咁上下經歷,唔係都幾難打天才波,搵人訓練下先好上陣,用表演去訓練好容易消耗完觀眾耐性