試映劇場《戴帽英雄》｜試當真 

每個人都有屬於自己嘅尊嚴同堅持 其他人唔會明白 只有你自己先會知道自己堅持緊啲乜 同埋捍衛緊啲乜

Ern9呢個look幾掂😂

為左守護脆弱既公義同下一代,不惜同代表法律既律師爭執, 甚至被黑警衛殘害致死, 犧牲都在所不惜……真心Salute 各位戴帽英雄

yanny個 shot對應返個場境

為咗守護雞蛋 即使眾叛親離 受盡屈辱同誤解 過份暴力 甚至失去生命 仍然堅持… Salute

今次條片真係大製作 動用到咁多演員 拍咗咁多外景 頭2-3分鐘都仲笑緊豪哥 但睇到中段就明白 捍衛自己既原則根本無錯 (哭

人生就是保護自己認為對的事

Ellen:[其實今次條橋呢,係有一日出街戴帽太熱,講左句,雞蛋都焗得熟啊,之後覺得幾好笑,就拍左出黎]

火柴仔最後由攝影師比豪哥呢份執著而join埋戴帽黨, 好感動 今次隻蛋裂痕effect , 加埋secu 武打動作場面, 超大製作👍👍

為左守護小生命，堅持自己既原則，但被眾人恥笑，被人話係無謂自尊心，甚至被某啲人亂棍毆打....

狗衝入嚟睇 Btw ,隻蛋可以經歷足三段愛情先孵化，咁豪哥又真係幾鐘意戴帽。一隻蛋好似大約十幾日就可以成功孵化，有料呀豪哥，十幾日媾掂三個女神，帽而無憾.

Err9 同阿發角色設定好適合、好正~加油~

嘩Ernest今集好靚仔 帶咗眼鏡之後好有氣質👍🏻😂 希望以後可以見多啲Ernest 呢個look

捍衛自己認為岩既事係無錯 當然係指有良心既事喇 ps: Ernest 西裝look勁有型，好好J

致敬臺灣新浪潮《兒子的大玩偶》其中嘅短篇〈小琪的那頂帽子〉

嗚呀！陣容鼎盛呀！

最尾嘅雀仔聲...搞到我隻貓搵咗好耐

好笑又有意義

明明係所有嘢都同除帽無關，但係啲人就係唔鍾意見到其他人有堅持

每天外你多一些嘅結局係咪就係因為一頂帽而分咗手😂😂 5:38 Yanny世一！！！！

咁多句flashback豪哥都冇失控，係聽到Yanny個句先失控。啊！豪哥最愛都係Yanny...

高質👍🥺🥺🥺

6:55 要慶幸仲有一班儘管唔相識，但同是戴帽中人，會永遠記得這「戴帽英雄」的犧牲。 諗起魯迅《藥》入面，烈士夏瑜犧牲所流下的鮮血， 雖然被用作做人血饅頭、雖然連他生母都唔認同佢，覺得佢係「無辜」， 但慶幸夏瑜墳前仍有無名的同路中人為他放下一個紅色花圈。 . 0:11 而其實一開始電話對話中「帽唔怕戴，最緊要除得快」，已經揭示咗豪哥並唔係孤單嘅，有一班同係戴帽、愛惜生命（鳥蛋）嘅人， 係聽筒後面遭受着同樣的壓逼同掙扎。

我諗起一句名言：規矩是為了被打破而存在的!

不要再打了😭 豪哥😭

全台幕後演技都有進步！

豪哥：頂帽係我條村嘅尊嚴😡

堅持 值唔值得 只有自己知。行落去發現 好多同路人

好多時人就係為左一時嘅方便同埋群眾壓力，而放棄自己嘅堅持 例如打針同埋用安心出行

好正！載帽米根本就冇錯！(如果唔阻住人嘅)守住自己嘅原則！

大製作，好嘢👍🏻

好嘢喔！睇試當真之前睇試當真小牧味屋廣告😹

一條片入面，試當真三條女(仔)畀豪哥溝(通)晒 btw，睇得出阿發一直為咗演繹考車官呢個角色特別留鬚，respect

到死都再守衛住嘅嘢唔使同人交代，其他人都應該尊重人哋守護緊嘅嘢

LD發！好嘢！

so deep🙇‍♀️ tks for not forgetting the values that is actually important

最認同個句 無謂既自尊心

堅持

雖然每次睇完都有種我到底睇左D乜野既感覺....但好笑得黎又有深度~

【超譯試當真】《戴帽英雄》與《裝傻的Locker》 追巴氏：喺死唔除帽嘅豪哥，以及扮傻嘅Locker之間，睇落好有矛盾，但其實都係用自己嘅方法守護緊尊嚴。 ****** 喺《戴帽英雄》入面，一直戴帽嘅豪哥先後遇上三件事，分別係影證件相、考車牌同埋入法庭。呢三件事都同「規矩」好有關，而豪哥同規矩衝撞嘅程度令條片形成層次。影證件相，攝影師並唔係有咩權力嘅人，所以都只係提一提，豪哥堅持就會過骨；考官係直接執行權力嘅人，佢有權力令豪哥考唔到車，而豪哥面對衝突，都選擇唔退，話會投訴LD發，而且回擊「從來無聽過考車要除帽呢個白痴規矩」，更加選擇以此吿上法庭。去到法庭門口一幕，權力嘅對決就來得更加直接喇。 豪哥面對「除帽」呢個於佢而言無理嘅要求，選擇據理力爭，就算對自己嘅律師都講出Yes but嘅條件：「我可以按照你所講嘅去做，但係你唔可以搞我頂帽」。帽入面有乜，到呢一刻都未知，但除帽意味住嘅，顯然就係放低人嘅個體尊嚴。喺法庭保安、律師同埋豪哥嘅呢一段戲之間，都幾直白咁表現咗出黎： 「法庭係一個莊重嘅地方，你咁樣係唔尊重緊個官。」 「法庭就要尊重，我就唔使尊重嘅？」� 原本豪哥為咗堅持戴帽，都打算唔吿就咁算數，但律師爆咗一句「不如你同頂帽拍拖啦」，就成為豪哥爆發嘅導火線。豪哥諗起嘅，係呢幾年有幾多或親或疏嘅人攻擊佢，有善意嘅有惡意嘅，但全部都造成傷害，因此到呢一刻，豪哥捉住律師嘅衣領發嬲。律師嘅衣領係一種借代，佢背後係一種體制，一種貌似公平公正嘅文明制度，佢哋可以合法地將你玩殘、貶低，甚至折磨你。著住藍色制服毆打豪哥嘅，其實不過係呢套暴力制度嘅執行人吧？暴力制度不倒，就算豪哥唔畀人打死，佢一樣係受傷嘅。 出Logo前一幕，背景音樂係莊嚴而憂傷嘅銅管演奏，係豪哥嘅輓歌。律師終於除到豪哥頂帽，裡面無咩外國勢力，亦無咩恐怖武器，而係一隻即將孵化嘅蛋。 ****** 事隔一週，試當真試映新片《裝傻的Locker》。片段入面嘅Locker做緊嘅嘢，好似同戴帽英雄完全相反，Locker面對珈其嘅要求，所有嘢都好似好順從。擺埋個打火機入微波爐？好呀；放埋個Hard-disk同埋呀修隻Game入去？好呀。「叮幾耐？」 Locker嘅扮傻技巧咁樣用，幾乎係去到一個Passively Agressive嘅地步。《聖經》紀錄耶穌上山對門徒講，「有人強逼你走一里路，你就同他走二里」，當時耶穌所處嘅以色列其實係被羅馬以「一國兩制」統治，羅馬士兵係有特權要求民眾幫佢哋孭重嘢行一里。當你去到話主動行第二里，其實係會嚇親人--哇屌，你係咪痴撚線？到底你做緊乜？做咩聽話聽到咁樣？去到一個咁嘅地步，其實你實現緊嘅嘢就超越咗順從了。當Locker似乎無得揀嘅時候，佢就用呢一招，令到珈其買佢怕。Locker作為在下者，係咪就此顛覆咗個權力關係？唔係，但佢一直用扮傻呢個行動，向其他人釋放緊一啲訊息。Locker每一次嘅扮傻，都會再呆一呆，然後加返個禮貌笑容；作為在上者你都無乜得講啲乜嘢，但作為有共同經歷嘅群體，你就好知道個笑容代表乜嘢。 政治學及人類學大師James Scott提出咗一個「隱藏文本理論」解釋呢件事。佢研究嘅係支配（Domination）同抵抗（Resistance）嘅微妙關係，原來人唔係下下就去革命，亦唔係下下真係順從，如果弱勢嘅人發現自己根本無能力明面咁反抗，其實好正常地都會選擇表面順從，但弱勢者往往會透過呢啲表示順從嘅「公開文本」之間做好多暗示，透過不同嘅偽裝去傳遞「隱藏文本」。Locker嘅微笑，就係一種隱藏文本，當你係同路人，就知道佢嘅語氣同微笑如何透露出一種不情不願，而James Scott話，呢個某程度都係一種抵抗。 作者喺片段更加好有心思咁留低更多嘅地方畀大家解讀。首先喺微波爐一事之後，非常煞有介事地等珈其同Locker講：「其實香港依家都越來越好吖......日子都要過㗎，其實繼續咁樣，都幾好啊，你話係咪呀。」Locker附和後除咗報以微笑，更加好似《Lost in Translation》最後一幕咁，同珈其講咗一句觀眾聽唔到嘅嘢。有朋友話嗰句嘢令人聯想到「嗰八隻字」，我就覺得其實如果係八隻字，佢一定係「依家好好，我好鍾意」喇，你話係咪呢😊？ ****** 雖然兩套嘢歌頌嘅嘢睇落好似唔同，Locker同豪哥嘅應對態度，都可以話差天共地，但佢哋一致嘅係，豪哥同Locker其實都喺度守護緊自己嘅尊嚴。《戴帽英雄》嘅片尾係豪哥死後，同佢志同道合嘅「戴帽黨」悼念佢。豪哥對佢哋幾個黎講，可能係一種勇氣嘅榜樣，而片名之所以有「英雄」二字，大概都係因為佢嘅抗爭勇氣，係激勵緊好多人，亦為整個群體保存氣節。 《裝傻的Locker》嘅片尾，係看似非常唔關事嘅微波爐爆炸以及「中秋節點蠟燭」，但就係咁唔關事，當中嘅隱藏意義先可以存留。喺Locker同珈其講關於香港嘅對話時，背後嘅黃色大燈係一直照住佢哋兩個。 諗起兩句台詞。 第一句係2013年嘅《一代宗師》： 「憑一口氣，點一盞燈。有燈就有人。」 第二句，都係2013年，係《逆權大狀》嘅片尾： 「岩石碎了化為沙土，雞蛋碎了卻能孵成生命。」 #超譯試當真 #戴帽英雄 #裝傻的Locker #今日香港

豪媽媽都話埋一份🤣🤣

發帝果段真係好好笑😂

多謝試當真專登拍條片支持葉劉🙏

保安唔錯

嘩，如果可以同試當真四大女神都拍過拖，豪哥嘅死都算係不枉此生喇😂😂😂

好好睇😢

豪哥係咪學過詠春呀，痴手幾好ＷＯ

Thx

阿發對眼睛真係好明亮🤩

一條片有齊YanB,CACA,慈同Ellen. 必需要讚~

個Meaning好似三更之回家🥺💕

開台以來最高筆直嘅CG就係隻蛋度

安心出行🙌

捍衛自己既原則

每天外你多一些但係最后都係因為頂帽而分手😂

要堅持

久違的觀塘外景

3:53 難做既咪...唔好做囉(反枱)

試當真真係好撚野 salute

有Ted!

原來嗰日經過法院真係豪哥 見到豪哥熱到滿頭大汗 辛苦曬

this is the way!

最後開估真係雀巢👍👍

今次實Q，律師，考車師傅都有戲，讚

庭狗打得好爽。電捧🤣🤣🤣。豪哥好L慘 但仍然好好戲。ern9. 以為佢會華超上身：走呀~,我叫你走呀~🤣

呢集人多, 場景多... 大製作 😁

守護蛋精靈😂

大CASTS片 全個試當真9成幕前幕後都出哂場

5:47 少年警棍之離身獨劈

阿發真係好好戲

Respect

故事大概是這樣： 有一隻燕子在豪哥哥頭髮上生了一隻蛋，豪哥哥也是愛鳥之人，不忍心燕子媽媽沒有地方孵蛋，便借出自己的頭髮幫燕子媽媽孵蛋，又用帽子為蛋中鳥兒遮陽，直至鳥兒出生為止，也就解釋了豪哥哥為何一直沒有除下帽子。可是還未來得及等待鳥兒出生，豪哥哥就死於非命！😔

Ellen個look咁正冇人講 我講

0:05 第一眼以為 明星生活阿馬太福音 過咗嚟一齊同你哋玩

溫室箱：I m joke to you？（除非冇錢買）

Ernest 好靚仔

lawyer 好出個角色，可以設為常設^.^

路飛都係為左頂草帽打生打死👒

豪哥flashback pov shot嗰度係咪參考神經俠侶最尾陳奕迅追賊嗰個scene lolllll

自反而縮，雖千萬人吾住矣！

好搞笑！

比人戴帽就戴帽啦😂😂😂

未睇先like

今日係2021年11月1日，向堅持唔用安心出行的人致敬

估唔到每天外你多一些仲有彩蛋睇 5:39

原則很重要

好有共鳴，我地都有想守護嘅野响個帽（心）入面，係寧死都要捍衛

部掃把佬真係好型

🙌🙌🙌

迂腐同堅持只係一線之差。

Good

安心除帽

最後首配樂係咩歌？好L正

一開始個長髮男好靚仔

5:24 豪姐姐引路

𠄘太郎的日常😂

歐洲電影格式，好高質

我既理解係,無論點逼點打點講,都唔會為左利益而除帽,為左守護帽內既自由鳥...

草帽路飛

乜嘢關係都好 如果要夾硬衝破人哋嘅原則 關係就會破裂