#鄭欣宜 (Joyce)今晚(12日)假 #紅館 舉行尾場「Between Us 鄭欣宜演唱會2022」,張敬軒、COLLAR、Lokman@MIRROR等捧場,軒公興奮到企身扮心心,今晚的嘉賓是跟欣宜「異父異母低能巨孖寶」的 #許廷鏗,兩人合唱《好好戀愛》及《半份關心》後,兩人互笑。
欣宜:我哋唔夠專業,真係做唔到。
許:真係唔可以好哋哋同你唱一次深情嘅情歌。
欣宜:頭先一開口我已經想笑。
許:你笑咗啦,我喺台底都聽到。
欣宜(望着觀眾席):阿Ben又發功,「許廷鏗marry me」個marry me係畀你呀,唔係畀我呀!
許:嗰啲返屋企先講(大笑)
跟着許廷鏗感性說:「大家好,我嚟到Joyce呢個紅館,有少少唔知點樣繼續落去(忍淚)」欣宜:「唔得咁吖。」許廷鏗接着說:「可能我哋識於微時,太細個已經認識,喺呢個舞台上見到你係第二種感覺,噚晚我有嚟睇,見到你話:『唔係好sure自己係咪值得被愛!』」
欣宜激動掩面大哭,許接着說:「可能我見過佢高高低低,甚至同佢一齊走過,喺唔同場合,由新人開始去到頒獎禮,有啲時候你睇住我上台,有啲時候我睇住你上台,無論高高低低,我哋返到去都仍然喺大家身邊,呢個係最感動地方。」
17 авг 2024