【要教育老人家精靈啲......還是教育業界人士謹遵專業操守🤬？】
銀行騙案，一單都嫌多！
「被」欠債350萬💸
月供2萬😨😨
兩老打算尋死......
---
事源上星期，大新婆婆條片出咗街之後......
fb.watch/o2ZOE...
---
又有另外一位前學生主動向我求助，我到現場時，開頭只係安撫兩位老人家，暫且緩和衝動嘅情緒、氣氛⋯⋯
深入了解事件之後，知道一件令人震驚、憤怒嘅事情！😡
---
事件經過--
2021年2月，某大銀行通知陳伯，話畀佢知有一個方法解決佢「⚠買唔到醫療保險⚠」嘅問題，有一個「保障方案」。兩位老人家到咗星x銀行之後，被游說買一份「定期存款」，銀行經理解釋其「🔥特別之處🔥」就是要由陳伯較年輕的老伴簽名，咁就可以每個月收到利息，「儲儲埋埋就可以有醫療保障」。
老人家兩位就即時用所有嘅儲蓄，合共150萬，簽咗幾十個簽名。當日仲有另一部門打電話畀佢哋，職員只係要求老人家每聽到一個問題，「見到佢點頭」嘅時候就答「清楚明白」🤯🤯。就係咁樣，不知不覺，佢哋連自己都唔知道每個月戶口畀人扣錢，到有一日銀行已經冇晒錢，收到銀行信，發現原來係一個貸款，而且要每月供款超過1萬元！💸💸💸
之後有一位好心人，從事保險行業，解釋畀兩位老人家聽，其實佢哋以為嘅150萬定期，並唔係乜嘢「定期儲蓄」，而係參與咗一個融資計劃，購買咗人壽保險（難怪陳伯本人唔可以簽名！）......
融資計劃需要畀150萬首期，再向銀行借貸350萬，去買一份價值500萬嘅宏x人壽保險。
10年後，到時86歲嘅老人家先可以得返本金，請問有咩作用？😡😡
---
我覺得呢份保險能夠成立，最出奇嘅地方就係一份虛報嘅投保人資料，我見到所有資料都唔係真確，而係銀行職員代為填寫，包括老人家平均每月收入6萬元，總資產2千萬。🤔🤔🤔
如果有2千萬，點會冇得買醫療保險？更唔使用定期收利息作保障啦！呢個邏輯應該唔難諗吧？
而家嘅情況：
兩位老人家陷入絕路😔
冇收入如何供款？仲要係五位數字？
更加沒有能力向親友借貸350萬還畀⭐展銀行贖返x利保險嘅融資人壽保單！
如果有人肯借比佢哋，佢哋依然都係爭人一身債！
供唔到嘅話，佢哋所有積蓄即時煙消雲散！
兩位老人家而家完全唔敢話畀已經離開香港嘅至親知道。
仲有一樣莫名其妙嘅事......
銀行打算賠償$35,000，但兩位老人家需要繼續維持份保單，仲要呢一世唔可以講畀任何人知！☠️☠️☠️☠️☠️
---
我哋可以做啲乜？
有冇人識得呢間銀行？
有冇其他資料提供？
有冇人識得呢間保險公司？
可否傳達訊息？
大家有冇啲意見可以畀陳伯？
就算冇希望，大家至少都要留言鼓勵叫佢哋一定要撐住......
---
呂校長代老人家向大家講聲：
功德無量！
#金融騙案 #虛假文件 #求幫忙 #呃老人家 #無陰功
27 сен 2024
