鍾雨璇（O3）即將推出新歌《到底邊度有真相》，近日為新歌拍攝MV，更邀請來黃夏蕙（夏蕙姨）及阿儀一同出鏡。O3說：「今次邀請她們兩位是因為二人有一個共通點，就是都能在人生中開心地做回自己，這與新歌《到底邊度有真相》想帶出的信息很切合。」而MV拍攝期間，O3識做地為夏蕙姨送上熱奶茶，即場上契成為夏蕙姨契女。夏蕙姨開心道：「之前送過佢金飯碗，借呢次機會正式收佢做契女。」
新歌由大貓作曲及參與監製部分，並與Lily Hon 一同填詞，歌曲講述一個人想擺脫自己的過去，重新定義自己，卻陷入了自己創造的困境，無法言喻自己的心聲。現在社會反常，很多人為了生活，每天在做不是自己喜歡的事情。或許在另一個維度，自己能有截然不同的身份？人生太多未知數，與其悲觀，不如開心做回真實的自己，活好每一天，這正是O3今次邀請夏蕙姨和阿儀出鏡的原因。
夏蕙姨笑言：「我這次飾演一個工人，斟茶遞水而已。不過在另一個時空我卻是一個超人，做一些別人做不到的事。」而阿儀也是一人分飾兩角：「我飾演一個老闆和新娘。喺MV入面，O3唔聽話，我仲好惡咁鬧佢。」而O3於MV中也一人分飾兩角：「我一方面係個斯文秘書，另一角色係一個Punk Rock嘅女仔，兩個維度入面飾演截然不同嘅身份。而今次亦邀請咗兩位誇性別人士客串，以佢地嘅心境刻劃出勇敢做回自己嘅理念。」
談及今次MV，除了感謝大貓創作歌曲外，O3亦非常感謝經理人和導演：「MV拍攝的idea 係我同經理人兼好友Mei Ling 一起構思出來，更提議邀請夏蕙姨和阿儀，還有導演也構想了很多不同的場口，造就了今次MV拍攝，所以非常感謝兩位，也十分期待MV的誕生。」
#鍾雨璇 #O3 #到底邊度有真相 #MV
#夏蕙姨 #上契 #阿儀 #平行時空 #大貓
25 июн 2024
