離晒地自由行: 塔斯曼尼亞篇 第3集 

離晒地自由行: 塔斯曼尼亞篇 第3集 #Benedict塔斯曼尼亞豪遊推介
最後一集啦！我最最最最想同大家介紹嘅行程就係呢個 Seafood Seduction！由香港出發到旅程開始，我一直最期待嘅就係呢個體驗。由早上9am到5pm，一整日嘅海鮮豪食旅程，呢一間流動餐廳以大自然作為餐廳嘅背景，船長駕駛住遊艇帶我哋去到唔同嘅地方表演即刻潛水捉新鮮海膽同埋鮑魚，即開即食，由蠔、海膽、鮑魚、三文魚到龍蝦，你講得出嘅海鮮都有！黎到Tasmania絕對要 book！
除咗海鮮之外，Hobart 呢個大城市仲有一個必去景點 - MONA，我會形容佢為一個好潮嘅博物館，擺放咗好多好型同天馬行空嘅創作品。
如果你同我一樣無酒不歡，嚟到 Hobart 同樣可以參觀唔同家族式經營嘅小酒莊，飲飽食醉準備離開上飛機前仲可以去探下全澳洲只係喺塔斯曼尼亞先可以見到嘅 Tasmanian Devil！佢哋真係超級可愛！下次去Tasmania記得住我條Route玩啦！