雲海 路芙 恐怖熱線 20140303 

我諗你有少少誤解咗雲海個說法同例子,佢只係講出其中一個較易明同多人講嘅說法,問題重點唔係地心轉緊嘅溶鐵,而係地心吸力至今仍未有個夠合理和具說服力嘅理論和驗證,仲係眾說紛紜,而唔係舉例解釋地心溶鐵同地心吸力有關,明白嗎? 另外你講嘅所謂地球磁場產生之說,老實講,我有保留之餘亦唔多認同,當然,你所講係現今普遍嘅解釋,但我想請問聲...月球/殞石同宇宙上不同類型嘅星體都有磁場,難度全部地心都有大溶鐵嗎?據知月球係空心嘅,咁月球上嘅磁場點嚟?仲有磁場唔係只得星球上先有,好多物質甚至宇宙中嘅環境空間都有磁場產生,請問又點解釋呢? 我地嘅科學從錯謬中建立,淨係由宏觀理論去到微積分已經差異極大,大把我地認知嘅科學理論,程式數學,都只係我地針對特定情況套用,邊個肯定所講理論必然正確?持唔同意見好正常,但係咪應該留心人地講乜再駁好D呢?要挑剔雲海大把嘢話佢啦,洗乜偷換概念斷章取義?

Tse Po 閣下可知有云引喻失義? 舉一個錯嘅例子只會引起誤會, 咁就不如唔好舉喇。而且作為一個十年以上嘅聽眾, 實在聽左好多次, 如果有個朋友不停犯同一個錯誤, 你都唔去指出, 咁又點過得去呢? (當然作為一個普通聽眾, 未敢高攀話係雲海朋友, 但心同此理) 先不提熔溶金屬流其實唔係解釋物質點解會有磁場, 而係嘗試解釋地磁現象(包括磁極跳動、逆轉)嘅假說, 如果雲海話「到而家金屬流假說都未能滿足地解釋地磁現象成因」, 我唔會覺得有咁大問題。偏偏佢講錯為「地心吸力」, 咁就錯誤引導聽眾, 好似金屬流假說係講緊地心吸力咁(而且講左咁多年), 所以先至忍唔住要出下聲。 作為聽左雲海咁多年嘅人, 我都可以認為自己係雲海Fans, 作為支持者, 當然希望佢會有進步。例如佢咬字問題, 真係比起當年改善左好多, 咁係值得嘉許。但係有D資料性錯誤, 指出佢錯, 又有咩問題? 雲海自己都會不斷更正一D講錯過嘅資料架啦, 錯左下一次咪講返啱, 冇大問題咯。 唔需要一黎就上頭嘅, 大家以事論事。雲海最信奉就係訊息自由, 如果真係鍾意聽雲海講野, 就唔好一有人講少少同雲海相反嘅言論就話人「偷換概念斷章取義」。我只係糾正緊一個factual information, 而唔係駁緊佢個推論。 共勉之。