青馬黃蝦餌釣高價夢幻魚 

青馬真係一個神奇嘅地方，總係會帶比人驚喜。
除咗常見嘅青馬三寶石狗公、䱛仔同細鱗外，仲有季節性嘅貴價魚馬友、黃花，好好飛嘅黃翔、爛肉梳，耐唔耐又有一堆紅魚沙巴青斑三刀等等嘅放生魚，到近期唔知邊度游出嚟嘅大大條雞魚，真係包羅萬有，諗得到嘅魚都有機會釣到。
兩年前安叔教路用魷魚餌向青馬釣牙點黃腳已經感覺好特別，今次輝哥帶我地向呢D月份用黃蝦餌釣黃花，又係一個好新鮮嘅體驗。
題外話，原來不知不覺間已經有3萬人訂閱呢個頻道，冇漁獲冇剪接冇更新都竟然仲有一班觀眾同釣友支持，實在受寵若驚，感恩感激。
近呢一年都有釣友問做咩出咁少片，出少咗艇係一個原因，以前一個星期最少出一兩次，依家一月出到兩三次已經偷笑。另一個原因係開始對釣魚有D要求，加上釣魚好講求天時地利人和，漁獲唔理想嘅時候好多時都失去咗剪片嘅動力。
再次衷心多謝各位的支持。偉大嘅承諾唔敢講，只求不忘初心，繼續拍多D好片同大家分享 :)