上月中《歡樂今宵》舉行聯歡晚宴，很多久違了的老友記聚首一堂，那張全體大合照，很重要。魏綺清特別由加拿大返港，她說，上一次出席是16年聚會，兩次都是擔任晚會司儀，「其實係想同啲舊同事見下面，我好鍾意修哥（胡楓），我成日都同佢WhatsApp，希望趁機會見下佢老人家。」魏綺清說，很多人都不在了，像譚炳文、余子明，「連祝文君都走咗！」
今年56歲的魏綺清，闊別熒幕多年，想當年中學畢業已被發掘當模特兒，之後考入商台做DJ，一頭長髮配上兩個可愛小酒窩，有電台「白兔仔」綽號。成為明星DJ後，出碟出書拍劇拍電影撈埋電視主持，卻忽然在94年移民加拿大，魏綺清說是「隱居」，在小鎮過着平靜安穩的人妻人母生活，每日像活在動物園，火雞、土狼、浣熊老是常出現。
在加國照顧家庭之餘，魏綺清亦在電台開咪，到了20年初，她原先打算退休，因為一個疫情，令她想留住一把聲音，做多一點，「同事都退晒休，我啲年紀都應該退，點知疫情開始，我聽到聽眾打電話嚟喊，嗰時未有疫苗，成家人中晒，唔知點算好！」於是魏綺清找了不少藝人朋友錄音打氣，「好似羅蘭姐話，總會打贏佢！」
這次返來，月底又回去，不過魏綺清說，正有回流香港計劃，「呢度話晒都係自己成長地方，以前我走，因為我覺得二十幾歲，去另外一個地方，開始另外一個生活，我要build up自己家庭，依家差唔多過一段落，我可以返番嚟，做一啲貢獻社會事，唔係話要搵錢，我意思係可以將幫加拿大華人嘅心，都可以返嚟做一啲嘢！」她說：「我賣緊樓㗎喇嗰邊！」
由打算退休到計劃回流，或多或少都與這一年間，魏綺清經歷了多位身邊親友的離開，其中她的姊夫、胞兄和母親都在一年間先後告別。喪親之痛的魏綺清，生活仍得繼續，覺得時日無多，想再做多一點點。
「白兔仔」都有傷心時，當年賣牙膏廣告「鹹得有道理」的魏綺清，嘗過五味人生，不只鹹，甜苦都有道理。
#魏綺清 #歡樂今宵 #加拿大 #移民 #香港 #shallwetalk
訪問連結1: mpweekly.hk/wLOVo
訪問連結2: mpweekly.hk/Wq19Y
-----------------------------------------------------------------------------------------
立即訂閱《明周》電子版：
bit.ly/3t1Jmmx
明周娛樂 www.mpweekly.com/entertainment
entertainment.mpw
明周文化 www.mpweekly.com/culture
mpw.culture
想食明周 foodiempw
foodie.mpw
INNER innermpw
in__ner
4 окт 2024
