因為音樂版權嘅問題所以之前嘅旅行影片都消失左係我頻道上面，呢段時間我會慢慢更新返所有消失既旅行影片，畫質可能相比之前有啲差，因為始終再重新剪接過可能會有啲影響，希望大家唔好介意我呢一個AV嘅畫質，希望大家可以再次支持同留言比我啦，將個留言永久保存係呢段影片裏邊，不便之處敬請原諒！，話咁快又到韓國旅行片第三集啦，唔知大家覺得第二集嘅內容豐唔豐富呢，因為我自己真係好鍾意第二日嘅行程，又有景點又瘋狂吃貨簡直係開心到不得了，第三集嘅內容唔係話好豐富我覺得個重點係個晚餐同埋又係瘋狂夾公仔，今次都係算係去一個旅遊景點，但我知道而家好多人都唔會再去樂天世界啦，今次係我第一次去樂天世界，因為我自己真係唔係好鍾意玩機動遊戲嘅人，但我覺得人一世物一世黎到韓國點都要去下嘅，雖然我玩唔到太刺激嘅機動遊戲，但係我絕對感受到當中嘅喜悅，係樂天世界嘅途中係我人生第一次見到落雪嘅場景，嗰一刻真係世界級開心，畢竟都係我第一次去感受落雪嘅天氣，之後約埋兩個朋友一齊去食韓國蒸氣海鮮鍋，新道林站海鮮鍋好出名我想知去都食唔到，今次真係一試難忘，佢嘅貝殼類真係好多，如果唔係黑洞嘅話真係要考慮下唔使叫咁多份量，因為佢嘅青口真係有100隻或以上，同埋佢個湯真係好鮮甜，所有海鮮都好新鮮，再加上韓國一月二月份比較凍出面仲落緊雪，真係食海鮮鍋就最好不過，食完就去弘大到食雪冰，雪冰我之前都有去介紹過，佢既冰係牛奶去做真係特別香，士多啤梨味已經係去到我必食嘅味道，再食咗個芝士芒果味真係世界級滿足，大家如果食飽飽嘅話不妨去弘大站既雪冰店，咁多間分店呢一間係收得最夜嘅一間，而且我哋最後嘅目的地就係瘋狂夾公仔，大家又一直睇開我旅行片都知道我好鍾意嘅公仔，今次韓國真係夾到癲左，雖然我哋真係夾左好多錢但係真係好開心，弘大真係有好多嘅公仔嘅鋪頭，如果大家唔想咁早返酒店瞓覺嘅話夾公仔真係一個消磨時間嘅好方法，希望大家鍾意我地第三集嘅分享，今集嘅內容唔係話好豐富，但系我真係好開心，希望你都感受到我當中喜悅啦，星期五晚七點半第四集再見，睇完記得將你嘅感受留言話俾我知將個留言永久保存係呢段影片裏邊，留下一個回憶比我第時睇返，記得睇埋我第四第五集啦，星期五晚再見
歡迎為我的影片提供字幕
令我既影片可以有更多人認識
我會萬分感謝的
www.youtube.com...
◎Instagram: Iam.manson
◎Eamil:manson_yee@yahoo.com.hk
◎Facebook Page: / iammanson-146338142059...
Expedia合作贊助
✈+🏨【香港出發】2位成人首爾自由行機票+酒店 3日2夜低至4折優惠由！bit.ly/2BzFux6
🏨首選首爾酒店優惠HK$539起每晚！bit.ly/2GqnTuV
✈特價首爾機票連稅由HK$1,500 起! bit.ly/2rLyaP4
🌇 想玩得刺激記住買南怡島及小法國全日遊連午餐啊！bit.ly/2GpHsDR
21 окт 2024
