انا عندي 6سنين زواج لبستهم مرة في حياتي لي ديتهم كامل مديتهم نهار لبستهم قالي راجلي راكي تعيفي بيهم على خطرش انا عندي سيلوليت وعندي شوية لي فاريز وجعني ونا عروسة من لتم وانا نحس بنقص حاقرني ويضل ياعير فيا ويمعني عليا يقولي انا عندي صحابي وتزيديلو دراهم مايخرجش مع وحدة بحالك. وخلي وخلي راني نتعدب ربي لي عالم راني صابرة على جال مكانش وين روح معندي حتى أحد كي نشوف هكدا يوجعني قلبي ماشي راني نحسد نتفكر كلشي جاز عليا علي كل حال ربي يهني كل وحدة ويعمر حجرها . حبيت برك نزيد هادي انا عايشة معاه كي لخاوة هوى في بيت ونا في بيت يقولي خليتك هنا على جال اولاد انا عندي زوج ولاد رانا صبرين وخلاص حتى. يلحق الأجل ونرتاح راني عيت غير ربي لعالم حبيت نرتاح دعولي
والله ياختي قصتك بكاتني صح 💔 شحال واعرة الرجل كي يحقر المراة ويحسسها بالنقص في أنوثتها والله ياختي ياحليلك وراكي صابرة معاه تربي في ولادك إن شاء الله أجرك عند ربي ماتبكي موالو يجي نهار وربي ياخذ فيه الحق كي متخافيش ولوكان أنا منك غير ندير ريجيم وسبور ونشيان ونزيد نزيان ونرميلو الما بصح قلتي معندكش وين تروحي أصبري وخلاص ووكلي عليه ربي ....بصح ديري حاجة في بالك بلي لازم تحسني من روحك وتطوريها متريحيش هكا ومتسمعيلوش كي يقلك مجاتكش شابة الحاجة بالعكس ألبسيها وزيني وماكيي ومعلابالكش وريلو بلي عايشة لروحك وتحططي لروحك لأنو هذا مريض نفسي هذا شخص نرجسي يديرلك هكا بلعاني باش يلقا غرضو مع النسا برا