你講得啱,知道「喜歡妳」背後故事嘅人少之又少,包括你! 呢首歌背後嘅故事相當浪漫及淒美! 話說當年 Kim 獨居於上海街某唐樓,一日,家駒帶住只寫了一半嘅新曲上Kim居企, Kim 伏在床上,家駒坐喺地下,用佢支紅色結他向Kim彈奏,介紹呢半首未有歌詞嘅新歌。家駒情意绵綿,望住Kim,然後就唱出「喜歡妳,那雙眼動人,眼睛更迷人…」幾句。 之後,家駒與 Kim 分了手,為咗懷念 Kim ,家駒完成埋餘下果半首曲,再填上表達歉疚嘅歌詞,於是就出現咗「喜歡妳」呢首歌。 因此,可以聽得出呢首歌係有兩個層次:過往嘅溫韾及今天嘅歉意。家駒將當日一番情話做主軸,然後用今天的悔意環繞着昔日嘅浪漫。兩個場境兩種心情互相穿插,正係家駒嘅心情,亦係呢首歌嘅神韻。
@@eric0709以上有關「喜歡妳」嘅來由故事,係由 Kim 自己親口所講,所以應該係千真萬確。 另外,仲有一啲花絮,原來,長久以來, 連 Kim都以為家駒寫呢首「喜歡妳」唔係俾自己,而係俾同 Kim 之後一齊嘅女友林楚麒,因為坊間一直都係咁講,搞到連 Kim 都相信。到幾年前,Kim 睇返清楚呢首歌面世嘅時間,對比家駒跟自己同林楚麒各自相戀嘅時間,先恍然大悟自己先係呢首歌嘅女主角。