مرحبا أختي .. بالنسبة ليا أفضل طريقة لتعلم التلميذ فجميع المستويات هي البطاقات .. كتبي ليه الأرقام و الحروف فالبطاقات و خليه يبقا كل نهار يقرا بطاقة فيها حرف و بطاقة فيها رقم .. حتى يحفظهم عاد بدلي ليه الحرف و الرقم .. حتى يكملهم كامليين و فالاخير ديري ليه خلطة الحروف .. يعني عطيه جميع البطاقات و خاصو يهز واحد و يعرف أشمن حرف هذاك .. و نفس الطريقة حتى فالأرقام
واقيلا انا هههه شكرا جزيلا سواء كنت انا او اخت أخرى فعلا نظام المآسي.عافاك ممكن تورينا طريقة تزيين القسم. ولكن اختي اما تمظي 31 الى قراو كلهم خاص الوقت
حتى نكمل القسم فالتزيين و نشارك معاكم .. بالنسبة للقراءة راه الحروف كايوليو حافظينهم .. واخا يكون عندك حتى 40 فالقسم .. كايقرااو بالزربة .. و أنا كانفضل نبدا ليهم بالقراءة هي الاولى عاد الدروس .. التلميذ إلا ماكانش كايعرف يقرا .. كي غايدييير يفهم الدرس .. سو كانعطيهم الوقت الكافي فين يقراو عاد كانبداو و الحمد لله تنكمل معاهم المقرر كامل و كايتعلمو يقراو مزياان
اختي الله يجازيك بخير الطريقة المناسبة باش نعلم اولادي العربية و القران الكريم انا مغتربة في بريطانيا اولادي السن ديالهم 8سنوات 9سنوات 4سنوات الله يجعلها في ميزان حسناتك
أحسن طريقة هي البطاقات .. الا جيتي للمغرب شري ليهم ديك اللوحة القرائية بالعربية .. أو دخلي غير لليويتوب تلقااي بزاف ديال الفيديوهات لتعلم اللغة العربية و القرآن الكريم ..
هادوك ماشي عواد .. غير ملفات نيت و تانياهم على شكل عواد و دورت عليهم سكوتش .. المجلة الحائطية كاديري فيها مواضيع عندها علاقة بالوحدة لي وصلتي ليها + صور على الأنشطة لي كاديرو بحال المسيرة و السلامة الطرقية ... الخ
حتى أنا كان عندي القسم فالأول مشروك ولكن كنت كانعلق فيه و ندير فيه لي بغيت .. و حتى واحد ماكيقيس ليا شي حاجة .. ولكن دابا كانفضل نخدم بوحدي كانبقا مرتاحا اكثر
أنا مانقدرش نصور راسي كانشرح الحصص .. المراحل كاينين فالجذاذة .. الحصة الاولى (ما قبل القراءة ) تايكون فيها ملاحظة الصورة و العنوان .. ربط الصورة بالعنوان و التوقعات و كايقراو النص .. الحصة الثانية (أثناء القراءة ) كايقراو النص و يجاوبو على التمارين ديال أفهم و أحلل .. الحصة الثالثة ( ما بعد القراءة) تايكون الاستثمار و التركيب
جهد مشكور أستاذة، لكن في المستوى الخامس،يجب على التلاميذ القراءة بطلاقة، و التلاميذ الذين لا يستطيعون التعرف على الحروف، يجب عزلهم في قسم خاص، كما جاء في المدرسة الرائدة والله أعلى وأعلم
حنا مزاال خدامين عادي .. ماعندناش الرائدة باش نعزلو التلاميذ بوحدهم .. و المشكل كايطلعو من المستويات الاوخرين ماكايعرفوش يقراو و إلا ماقراوش ما كايفهموش الدروس
