🔴 ከ ቶ ጠልሰም ጀርባ ያሉት ምስጢራት 

ጆሮ ያለው ይስማ ልብ ያለው ልብ ይበል... እናስተውል ከተኛንበት እንነቃ ዘንድ.. ለራሳችሁ ብላችሁ እስከ መጨረሻው አድምጡት!እየጨለመ ነው ፡፡ የጨለማው ንጉስ ጥልሚያኮስ በብርሃን የተፈጠሩትን የኣዳም ዘሮች ወደ ዘላለማዊ ቤቱ ይዞ እየነጎደ ነው ፡፡ አብዛኛው ትውልድ በበርካታ ምናምቴ ነገሮች ደንዝዟል ማለት ይቻላል ፡፡ ይህንን በመረዳት ይመስላል ቀጥተኛውን ጠማማ ፤ ነጩን ጥቁር ፤ ቅዱሱን ርኩስ እያደረጉ ሲያቀርቡ ተው ! ባይ ተሟጋች ዜጋ ያጡት ፡፡ ተቀባይ እንጅ መካች ትውልድ አለመኖሩ ዘመኑ መገባደዱን ያመላክታል ፡፡ በሬ ወለደ ሲሉ ለምን ? ብሎ የማይጠይቅ ትውልድ ስላገኙ
ልባችንን እንደፈለጉ እየጋለቡት ነው ፡፡ ብዙ የምናውቃቸውን ምልክቶች ኃያላኑ ቀድመውን ሳናውቃቸው እየነጠቁን ለሚፈልጉት አላማ ያውሉታል ከዛም እኛም ኢትዮጵያውያን በእንደዚህ አይነት ግዜ ተጠቅመነው ነበር ስንል ደግሞ ኃያላኑ ቀድመው ምልክቱን ተጠቅመው ሁሉን የእነርሱ ለማድረግ ይጥራሉ የዚህ ማሳያዎቹ ደግሞ እነ ስዕለ ኪሩብ ወይም ስዋስቲካ እንዲሁም ደግሞ የ ቶ ምልክቶች ወይም ጠልሰሞች ናቸው በነገራችን ላይ ከቶ ጋር ተያይዞ ደግሞ ብዙ ብዥታዎች ተፈጥረዋል አንዳንዱ አንገቱ ላይ እስከማሰርም ጭምር ደርሷል እውነት ቶ መስቀልን በአንገታችን ማሰራችን ተገቢ ነውን እንመለስበታለን ወደ በኃላ....... ዛሬ ዛሬ ደግሞ ኤልያሳውያን የሚባሉት ነቢዩ ኤልያስ መጥቷል ብለው የሚያምኑትም የሀሰት ዜናቸውን እያሰራጩ ይህን ጠልሰም ይጠቀሙበታል..... ቢሆንም ግን ከዚህ በፊት በመርሀግብራችን እንደቃኘነው ስዕለ ኪሩብን የናዚ ቡድን በመጠቀም የራሱ አድርጎ ቢጠቀመውም አሁንም ደግሞ ቶ መስቀልንም ቢጠቀሙት እኛ ግን እንላለን እነኚህ ጠልሰሞች የኢትዮጵያ ናቸው... አይደሉም የሚልም ሰው ካለ ኢትዮጵያን አያውቃትም እና ስለ ኢትዮጵያ እንደዚህ እንላለን
ኢትዮጵያ ማለት ልዩ ነው ትርጉሙ። ኢትዮጵያ ማለት “ለአምላክ የሚሰጥ የወርቅ ሥጦታ” ማለት ነው። ኢት=አምላክ፣ ፈጣሪ፣ እግዚአብሔር ማለት ሲሆን ዮጵ= ቢጫ ወርቅ፣ ውድ ወርቅ፣ ልዩ ወርቅ ማለት ነው። ኢትዮጵያ ማለት እኔና እናንተ በምናውቃት ልክ ብቻ ያለች ሀገር አይደለችም። ኢትዮጵያ ማለት ከምድር ሀገራት ሁሉ እጅግ ምስጢራዊና ረቂቅ ሀገር ናት። ሊቀ ነብያት ሙሴን የአመራርነት ጥበብ ያስተማረው ኢትዮጵያዊው ዮቶር ነው። ስለዚህ ለእስራኤል ከፈርዖን ነጻ መውጣት የኢትዮጵያ ከፍተኛ ሚና አለበት ማለት ነው። አዎ የዮቶር ርስት ውብ ሀገር ኢትዮጵያ ነች። ከባቢሎን ዘመን አስቀድሞ የነበረው ብቸኛው የሰው ልጅ ቋንቋ (ግዕዝ) የሚገኘው ኢትዮጵያ /ቤተ-ክርስቲያን/ ውስጥ ነው። ይህ ቋንቋ ዓለም እጅግ የሚያከብረው ትልቅና ቀዳሚ ልሣን ነው። ይሄንን ደግሞ ራሳቸው ምዕራባውያን ይመሰክራሉ። በዚህ ቋንቋ ብዙ እልፍ ድርሳናትና ምሥጢራት ተከትበዋል። ከገነት ከሚመነጩና ገነትን ከሚያጠጡ አራት አፍላጋት/ምንጮች/ ትልቁ ግዮን ኢትዮጵያዊ ነው። ግዮን ከገነት ይመነጭና ወደ ምድር ይፈሳል፣ ከዚያም የኢትዮጵያን ምድር ይከባል። ሞትን ሳይቀምስ ወደ ብሔረ ሕያዋን የተወሰደውና አዕምሮውን መቶ በመቶ(100%) የተጠቀመበት ብቸኛው የምድራችን ሰው ሄኖክ/ ኢትዮጵያዊ/ ነው እስከዛሬ ድረስ አዕምሮውን ሙሉ በሙሉ የተጠቀመ ምድራዊ ሰው የለም። የሰው ልጅ የአእምሮው ልዕልና የሚለካው በምድራዊ እውቀት ሳይሆን በሰማያዊ ጥበብ ነው። በነብያት እጆቿን ወደ እግዚአብሔር ትዘረጋለች የተባለች ብቸኛዋ ሀገር ኢትዮጵያ ነች። አዎ ኢትዮጵያ እጆቿን ወደ እግዚአብሔር ትዘረጋለች። መመኪያዋም አለኝታዋም እርሱ ነውና። ይች ሀገር ከፈጣሪዋ ጋር ልዩ ትስስር ያላት የዓለማችን ብቸኛ ሀገር ነች። ፈጣሪ በስጋ የተመላለሰባት ሀገር እስራኤል እንኳን የኢትዮጵያን ያህል ክብር በፈጣሪ ዘንድ የላትም። የቃል ኪዳኑ ታቦት መገኛ የታቦተ ፅዮን ማደሪያ ይህቺ ጽላት በጠቢቡ ሰለሞን የንግሥና ጊዜ የደቡብ ንግስት (ንግስተ አዜብ) ወይም የሳባ ንግስት (ንግስተ ሳባ) ተብላ በምትጠራዋ ንግስት ማክዳ ልጅ በቀዳማዊ ምኒልክ አማካኝነት ነበር ወደ ሀገራችን የገባችው። የእግዚአብሔር ልጅ እግዚአብሔር አምላካችን ኢየሱስ ክርስቶስ ከእናቱ ከድንግል ማርያም በተወለደ ጊዜ በኮከብ እየተመሩ ሄደው የእጅ መንሻ /ገጸበረከት/ ካቀረቡለት (ሰብዐ ሰገል) መካከል የኢትዮጵያው ንጉሥ ባዜን ይገኛል። መድኃኒታችን ኢየሱስ ክርስቶስ ሲወለድ መወለዱን በኮኮብ የገለጸላቸው ለእስራኤላዊያን ወይም ለዐረቦች አይደለም። ለኢትዮጵያውያኖች እንጅ። ይሄን ክብር ማን አገኘው? ማኅደረ መለኮት እመብርሃን ድንግል ማርያም በስደቷ ጊዜ በሰላም ኢትዮጵያ ያረፈችባትና በአስራትነት የተሰጠቻት እንዲሁም በተደጋጋሚ በልጇ መስቀል የባረከቻት ቅድስት ሀገር ቅድስት ኢትዮጵያ ናት::