ആയിരം സ്വപ്നങ്ങൾ നാം കണ്ടു അടുപ്പം വളരും പൂവാടികളിൽ ഇന്ദുലേഖയും ഇന്ദു മുഖിയും തിളങ്ങും ഈ സ്വപ്ന തീരങ്ങളിൽ നാം മോഹം തേടി കൈകോർത്തു നടന്നു മിഴികളിൽ,മൊഴികളിൽ നിറയും പ്രണയം എനിക്കായി നീയേകിയ സമ്മാനങ്ങൾ ഏദൻ തോട്ടത്തിൽ പൊൻകനിയായി സാമീപ്യമേകും സായന്തനങ്ങളിൽ
ഓർമകൾ മുൾക്കിരീടമേകും ഒരിക്കൽ മോഹിപ്പിച്ചതെല്ലാം വൈകൃതമായി തിരികെ വന്നാൽ വാനിൽ വിടരും നക്ഷത്രങ്ങൾ പോലും വേദനയാകും ഗതകാല ഓർമകൾ വിരിഞ്ഞ പൂക്കൾ കൊഴിഞ്ഞ കാലം മുന്നിൽ നിറയും മായാരൂപങ്ങൾ മഞ്ഞിൽ, മഴയിൽ മായാത്ത ചിത്രപടങ്ങളിൽ
നീ പാടൂ പ്രണയ ഗീതം, ഞാനേകിടാം നോവിൻ ഈണങ്ങൾ ഓർമയിൽ വിടരൂ സ്വപ്നമായി, മധുരമായി ഒരു പൂവായി ഉണരൂ വസന്ത ദേവത നീ നക്ഷത്രമായി തിളങ്ങി നിന്നു മനസിനുള്ളിൽ നാണം നിറയും മുഖമുള്ളൊരു സുന്ദരി കാലത്തിൻ തിരശീലയിൽ സുന്ദരം നിൻ മുഖം കവിത പോൽ തിരു മധുരം ദർശനം പോലും അലങ്കാരമില്ലാത്ത അത്ഭുതമായി ആഗ്രഹമായി, എന്നുള്ളിൽ നീയെന്നും പുളകത്തിൻ നിറവസന്തം പൂവായി നിറയും സുഗന്ധറാണി