10 اسرار لإنشاء أعمال ناجحة منذ البداية .. الأسرار الذهبية بين يديك مع سميح القباني 

اسرار لإنشاء أعمال ناجحة منذ البداية .. الأسرار الذهبية بين يديك مع سميح القباني 10
يا جماعة أغلب المشاريع الجديدة و الناشئة عم يكون مصيرها الفشل بتعرفوا ليش ؟؟
مو شرط السبب يكون فكرة المشروع بحد ذاته و إنما اهمال 10 نقاط اساسية ومهمة و من الصعب نحقق النجاح بدونها
خلينا مباشرة بهذا الفيديو نتعرف عليها لنحقق النجاح والتميز بأعمالنا الخاصة
بس قبل ما نبدأ لا تنسوا تتكرموا علينا بالاشتراك بالقناة وتفعيل الجرس وتشاركونا آرائكم ضمن التعليقات
النقطة الأولى : لازم تتخلص من الديون بأي شكل من الأشكال لأن الديون عبء عليك ومانها بصالحك وبتشتت انتباهك عن الأمور الهامة وبتخليك دائما بحالة قلق وتوتر
النقطة الثانية : لازم يكون عندك خطة قوية ومحكمة
عفكرة أغلب رواد الأعمال وقت بتسألن شو خطتكم لمشاريعكم ؟ بجاوبوا خليها عالبركة والله بيسر وهاد المفهوم خاطئ وبسبب فشل المشروع حتما
لهيك لازم يكون عندك خطة استراتيجية تدعمك وتوضح لك الطريق الصح لتوصل للنجاح بإذن الله
النقطة الثالثة : لا تكون مغرور وتفكر إنو بتقدر تعمل كل شي لحالك
يعني لازم يكون عندك فريق عمل قوي ومتكامل يعني لازم تدور على الأشخاص يلي بكملوك وتتعامل معن كشركاء وليس كموظفين وهذا الشي رح يساعدك كتير لتحول أفكارك لأعمال ناجحة
النقطة الرابعة : لازم تكون شاطر بإدارة نفقاتك
يعني ما تخلي أرباحك أول ما بتتحقق تكون تغطية لمصاريفك الخاصة الترفيهية وحاول تحافظ على الأرباح وتعيد استثمارها بالشكل الصحيح
النقطة الخامسة : حاول تتعلم من أخطاء الآخرين يعني لازم تستفيد من تجارب غيرك وما توقع بنفس أخطاءهم
النقطة السادسة : لا تكون مغروم كتير بالمنافسة
يعني ركز على تحقيق أهدافك أكتر من تركيزك على المنافس لإن التركيز على الهدف بحققلك التميز بين المنافسين
النقطة السابعة : انتبه توقع بفخ المماطلة والتأجيل
يعني لازم تبدأ مباشرة بتحقيق أهدافك وتركز عالأشياء المهمة وتبتعد عن الأشياء يلي بتمنعك من اضافة قيمة أو فائدة إلك
النقطة الثامنة : تعلم أسلوب البساطة والحس السليم
مع الأسف أغلب رواد الأعمال بيفتقروا للبساطة والحس السليم وقت بدن يبلشوا بمشروع جديد يعني بيبحثوا عن مشاريع بعيدة عن اهتماماتهم وقدراتهم
النقطة التاسعة : خدمة العملاء
لازم نفهم دائما إنو العميل هوي المحور الأساسي لعملنا لهيك لازم نركز على تلبية احتياجاته و اهتماماتو لنضمن الولاء إلنا والاستمرارية بالتعامل معنا
النقطة العاشرة : ضروري تحدد مين جمهورك المستهدف بدقة
يعني ما يكون عملك التجاري بيستهدف نسبة بسيطة من المجتمع او يكون عرض منتجاتك وخدماتك لشريحة محدودة
وتحاول تكون فكرتك قابلة للتوسع والتمدد لشرائح مجتمعية كبيرة بالمستقبل
و هلأ إذا حبيت الفيديو وعجبك لا تنسانا من دعمك إلنا بالإشتراك بالقناة و اللايك والتعليق لنستمر بخدمتكم دائما وإلى اللقاء يا أصدقائي
#تجارة
#اقتصاد
#مشاريع_ناجحة
#مشاريع_مربحة
#الاسرار_الذهبية
--------------------------------------------------------------------------------------------------------
نتشرف زيارتكم لصفحات فكر وانطلق على مواقع التواصل
--------------------------------------------------------------------------------------------------------------------------
Follow:
/ fakkerwentalek
/ fakker_went. .
wa.me/905366353850