مع كامل احترامي يا نهيلة الى رجعتي معاه غادي تتعدى على ولدك و تضيعو و تسببلو ازمات و عقد نفسية فين بغيتي يكبر هد الولد فوسط كامل سام و كامل صداع و مشاكل فين هي الراحة و لا لحنان لي غادي تقدم لهد الطفل لي نقولك هو عز راسك يعزوك الناس و جلس تحت جناج باك و طلب طلاق و حق الولد فالنفقة
فعلا اختي تعليق قاسح وصحيح الولد يعيش عادي وطبيعي وفقير احسن مايعيش مع باه بأمراض وعقد نفسية 😢 وماشي ولدك اول واحد يكبر بلا باه كلشي الناس في الكومنتير كايقولو نفس الشيء
هدي وحدة من بزاف ديل البنت لي عايشين فهد ضروف الله يدرشي تويل ديل خير ليهم كملين هدك خوه ما عندوش الحق بش يضربها حسبي الله ونعم الوكيل ف كل واحد كيتعدا على بنات الناس
ختي نهيلة الله يكون معك و يعاونك على وليدك الله يحفظ ليك باباك و يخليه ديما واقف فظهرك و حاميك م شياطين البشر، بالنسبة لراجلك طلقي منو ما تزيديش تفكري حتى ثانية و لا ترددي عرفي انو الا رجعتي حياتك غتحول لجحيم لي ما غتقدريش تخرجي منو و غتخسري واليديك و ولدك غادي يشوف مو كتدل و كتضرب و كتسب كيفاش بغيتيه يكبر يا غيتعقد و يموض نفسيا يا غيتبعهم و غيحرشوه عليك و غيولس ضدك طلقي منو اختي وما تسمحيش فحق ولدك و نفقتو و السيد لي طلب ايدك طلبي ليه شوية دالوقت تسالي مع هاد المشاكل و ترجعي صحتك طاقتك و صلي صلاة الاستخارة و توكلي على الله لي فيها الخير هي لي غتكون ان شاء الله و ما تنسايش الا كانو كيتاصلو بيك و كيحلفو عليك و لا كيههدوك سجلي المكالمات ديالهم و اي حاجة من عندهم خليها لدواير الزمان تقدري تحتاجيها فالمحكمة
الحمد الله حيت ختاريتي باك فرحت والله حيت كون ر جعتي كان غادي تشوفي جحيم مضاعف الحمد الله حيت والديك وقفو معااك أو مكنوش متشبعين بأفكار خيبة على الطلاق
قصتي مشابهة ليها الا انو انا كانو كيعذبوني نفسيا تجمعو عليا لا عائلة راجل ومسابهم لا راجلي واخا كيشوف ظلم كيزيد مع واليديه اظلمني وخرجت بولد حتا هو عندو عام دابا دفع طلاق مور ما طيحو علينا باطل انا وواليديا ولكن بغا يربيني ويتراجع كي كيدير ديما واخ انا عمري اذيت شي حد ...الله ياخذ الحق لي شاف تعليقي يدعي معيا راه 6 سنين دالعذاب
Machaa Allah tabaraka Rahman ala babak benti ni3ma sanad Alhamdolillah theniti min ljahim talak machi nihaya lazem tbehti an chi haja ijabia dirasa aw amal min ajl mostakbal weldek Allah yehefdek w yehfed walidik
اختي اميمه تبارك الله عليك بزاف على هذه القصص الزوينين اللي تحطي لنا كنستافد منهم بزاف بالنسبه نهيله كنقول لك احبيبه ديالي كوني قويه وما تسامحيش في حق ولدك❤❤
نهيلة كنتمنى تقراي التعليق ديالي، عافاك طلقي منو عافاك ماتزيدي معاه حتى دقيقة رآه غادي تندمي حياتك كلها، و ولدك ماغاديش يشكرك الا انتي عشتي حياتك كاملها عذاب على قبلو، ما ضربيش تمارة باباك ف زيرو و فعرض الحائط، ربي كبير و غادي يدير ليك تأويل ديال الخير انتي خاصك طلقي ضروري و ياربي ياخذ لك الحق منهم، رآه باقي ليهم بنت مازال ما تزوجات و ديك ساعة يشوفو نتيجة ديال هادشي لي دوزو عليك
تحية كبييييرة لأب نهيلة و نعم الأب اللي كان سند لبنتو و ما تخلاش عليها و نتي ا نهيلة دعيه على نفقتك و نفقة ولدك واخا يدوز الحبس المهم ماتسمحيش ليه و ف الاخير حسبي الله و نعم الوكيل ف كل عائلة كيجيبو بنت الناس و يتكرفسو عليها
عرفتي آنهيلة من سمعت القصة ديالك عرفت بأنك من الناس الطيبين حيت سامحت أو حاولت تسامحي ليهم أو ترجعي لراجلك رغم كاع دكشي لدوزو عليك الله يصبرك و حقق لك كاع أمنياتك و يسر لك أمورك......❤🙂❤
نهيلة عفاااك الله يرحم واليديك مترجعاوش إذا كان بنك عزيز عليك حيت هذوك مفيهومش رحمة و ماعمرم غيتبذلو و عندك زهر كبييير جبرتي والديك وقفو معاك الله يخليهملك كنصحك من قلبي عن تجربة و الله المستعان❤
أول حاجة تاحياتي لهاد البنت لي قدراات تصبر لهاد العداب كااامل ولكن أختي الغلط ديالك هو حملتي واش أنت براااسك معدبة و بغااا تجيبي واحد الطفل يتكرفص معاك و هاداك السيد مااااشي رااااجل لي مخلي خووه يتحكم فييك الحمد لله ملي لقيتي عائلتك فكتافك و ماتسمحيش فحقك
راجلك اصلا من لول ماشي راجل لي يضربك و يخلي خوه يضربك و يصرفقك و يخلي مو تعدبك .ختي و إياك ترجعي ليه حنت هو مستحيل يتبدل غي غترجعي ليه غادي يرجع ل عادتو لولة و يدوزها عليك
هذا هو مجتمعنا المعاق فكريا تيربيوا الرجل على انه كلشى حتى لو كان مزلوط وخايب انه الرجل وبناتهم يبغيوهم فى الاحسن لكن بنات الناس كسبغيوهم خدامات كلشى على التربية والرجل هو ليكون راجل والديه فى الاحترام ومرتوا فى الاحترام ويكون قاد بالمسؤولية ماشى تحت السيطرة نتاع الام الرضى ماشى هو تكرفس بنت الناس وبعض الامهات بلاخص فى بعض المناطق عندنا راه خاصهم إعادة الادماج فى المجتمع كتولد كتصحب راسها غادى تخلدوا صافى دير وفعلا وترك الله يهدى ما خلق والانسان خاصوا يشوف قبل ميتسرع ويبزز بنتوا للزواج ويعمل صلاة الاستخارة ولدتها ماشى باش نبيعها ونتهنى منها تحية لجميع الاباء لواقفين صخرة وحيط مورا بناتهم
واياك اختي نهيلة ترجعي حيت داكشي لي خليتي لي غادي تلقاي او زيد عاد دابا عندك ولد معاه اي حاجة اديروها تقولي نصبر على وديت ولدي هادشي لي تقول ليك داب عن تجربة 😢😢😢😢😢😢😢
شحال من وحدة دابا سمعات القصة ديالك وتمنات لو الأب ديالها يدير عليها غي شوية من هاد شي لي دار باباك على قبلك الله يحفضو ليك مترجعيش ليه نهائيا وخودي حقوق ولدك وبداي حياتك قراي تعلمي صنعة ووقفي على رجليك
سعداتك أختي والله ربي يحفظلك وليديك 😢😢 سمعي لكلام لدربك مر يدربك ديمن عدي يخليوك وتكوني دايمن فحل جفاف أميمة امير دمتي متألق انشاء الله تبارك الرحمن الرحيم حتى انا من راي دياك نفقا من حق الولد ❤❤❤
ختي نتي لي كتقراي دابا راكي غزالة أوفنة باركة متعصبي على والو الحلم لي كتمناي غادي يتحقق ليك بإذن الله راه ربي أمره إذا أراد شيئا أن يقول له كن فيكون ، سيري أختي بغيت ربي يقول لأمنياتك كوني فتكون ويعطيك ليكتمناي الله يسهل عليك ياربي أحبيبتي أويعونك ياربي هذا العام يدخل عليك بالهناء والسعادة والغنى وتحقق الأمنيات بغيت لهلا يسد عليك شي باب الله إفتح ليك بيبان الخير ويرزقك الله الجنة ورضا الله و رضا الوالدين ربي يخليك ديما الفوق الفوق وتكوني محبوبة عند كلشي ياربي الله يرزقك الزوج الصالح لي كتمناي ياربي وإلا محتاجة الذرية الصالحة ياربي يعطيها ليك وينبتها نباتا حسنا وإلا كانو عندك وليداتك الله يخليهم ليك، لاكنتي حاملة الله إفك وحايلك على خير ،والا كنتي مريضة الله يشافيك لاكنتي كتقراي الله يسهل عليك و يجعل فقلبك فرحة وسعادة تنسيك كاع الألم والحزن لي عشتي ياربي❤
مترجعيش لزبل اختي راه والله ميتبدل ولو اطيح عند رجليك و يبقى ابوس فيهم راه ترجعي ليه اقدر اقتلك والا ادير فيك شي مصيبة سيير ربي حيذك من العداب و نتي بغيتي ترجعي ليه برجليك