يالله شحال تفقصت على صاحبة القصه والله العظيم حتى بقات فيا ودمعو عينيا نتمنى من الله يدير لها شي تاويل ديال الخير الله يكون معك اختي والله يسهل كل امورك يارب يارب حسيت بيك بزاف والله
انا متتبعة في عمري 16 عام هادي عامين ولا كتر وانا متبعا القناة ديالك وسطوريات ديال الانستغرام🫶🏻❤️ ولي بغيت نقول لهاد البنوتة واخا انا باقا صغيرة في العمر بغيت نقول ليها تخدم عل راسها ومتبقاش سادة ليها الحياة كتستمر تحاول تخرج من المحيط لي عايشة فيه وتبدا حياتها من صفر أو واخا وليديها كانو سبب في تعاستها متحقدش عليهم وأكيد ربي غيكون مخبي ليها بزاف ديال الحوايج زوينين وغيعوضها على كولشي إن شاء الله ❤️❤️❤️❤️❤️❤️
اختي هناء نصيحتي ليك هي تخدمي على راسك و تكوني مستقبلك و حياتك...حيث الفكرة ديال الانتحار غادي غير تزيدي الطين بلة ..و انك تسدي على راسك فبيتك و تبقاي تبكي مغادي تغيري والو غير كتزيدي تمرضي راسك و مكديري حتى خطوة لقدام..نساي كلشي و بداي من الاول خدمي على راسك ديري علاش ترجعي..اما بالنسبة للأب ديالك طلبي ليه الهداية الله يهديه.. خليك ايجابية حبيبتي❤❤
باقه صغيرا نوضي شمري على ذراعك وخرجي من هذ الدائره لي أنتي فيها لأن السعاده غادي دريها بي اديك بحال نوع ديال باباك داز علينا الله ياخد فيه الحق الحياة مزال قدامك واحنا كنعيشو مره وحدا ربي معاك ابنتي
بغيت نكولك يا ختي أميمة شكرا على هاد القصص حيت بصيفطي مراهقة كنستافد منهم بزاف عرفتي لعقلية ديالي دبدلات حيت عارفة العواقب لمن بعد كنبغي نشكرك بزااف والله يجازيك بلخير ولا عندك شي درية الله يصلح ليك ❤❤❤
حياني ربي حتا سمعت بحال القصة ديالي غير انا مكنش طايشة كنت داخلة سوق راسي وعمرني تصاحبت مع شيواحد حيت عرفت انهم غي كيضحكو على البنات والحمد لله الان تزوجت ولقيت على من نحط الراس ونعاودليه كولشي هو با خويا كلشي من يتق الله يجعل له مخرجا ويرزقه من حيث لا يحتسب
ختى هناء الله اعوضك ما حسن ويهدي باباك وماماك حاولي تعمري وقتك وتقربي من الله وشدي فةصلاتك راه هي الملجأ الوحيد ديالك ان شاء الله نسمعو عليك خبار الخير❤
جاتني طفولة ديال البنت عادية حاجة وحدة اللي ماشي هي هاديك .. هي فاش كاتسمع نهار تزاديتي بداو المشاكيل .. مافهمتش فين كاين المشكل اذا باباها كايديها للمدرسة .. و فين كاين المشكل اذا ماعندهاش التلفون فاثانوية؟؟ انا براسي ماخداش ليا الاب التلفون حتى خديت الباك و كان ممنوع عليا للزنقة و كان مزير علينا وحتى انا كنت كانسمع اذا مانجحتيش غاتكلسي فالدار .. غير هو كاين اللي كاياخد هاد الهضرة كحافز و كاين اللي كاتجيه ناقصة و عنصرية بينك و بين الاخوة .. و ها انا ذا مهندسة و ممتنة لتربية ابي و أمي الصارمة .. اللي كون رخاو الحبل الله أعلم واش غانوصل لهادشي اللي وصلت ليه اولا تا انا غانقاطع على الدراسة ..
هناء ختي هناء نتي بنت زوينة قاريا واعيا تبارك الله عليك انتي كبرتي غخصك تاخدي قراراتك براسك غتخدمي صلي متبقايش تنتاحري الله معاك. ان الله مع صابرين ❤❤❤❤
السلام عليكم اختي اميمة شكرا لك بزاااااف على هذه القصص و العبر و كنبغيوك بزاف يا المؤنسة ديالنا😊 و ليك اختي هناء الله يصبرك و يكون معاك مايبقاش فيك الحال انك ختاريتي راحتك و راسك هذا اختيار مزياان بزاف بالعكس راكي صبرتي على الاذى ديال واليديك بزاف و 22 عام راكي صغيرة بزااف مازال الحياة قدامك و الابواب ديالها مفتوووحة من فرص ديال العمل و النجاح و كل خير ان شاء الله قلبي على شي خدمة بداي من الزيرو و واحد النهار ايجي الفرج اختي هناء الله معاك و كيشوف كلشي دبا يجيك العوض من الله سبحانه غير شدي فدينك و لا تغرك الدنيا و ملاذتها و الله يسهل امورك جميعها ويفرحك.
السلام عليكم ورحمة الله انا نصيحة الي نبغي نعطي لهاد اخت هناء هي انها تخدم وتجمع فلوس و اول حاجة ديرها هي تمشي تعمل حصص عند دكتور نفسي باش تشفى من داك شي الي دوزتو و تبدا بداية جديدة في حياتها و ان مع عسر يسرى
🥺🥺سبحان الله هاد بنت بحالي غير أنا معناتي كثر مع عائلتي مهم ختي هناء لي نبغي نقوليك كملي قرايتك وخدمي على راسك وكنحييك على هادشي لي درتي وقفتي فوجه باك على قبل نفسك 😢
نصيحة لي عندي لصاحبة القصة حاولي تحيدي من حدا باك واخا باك ولكن منافعك بوالو خصك تعولي على راسك و تخرجي من تحت جناحو و هادشي ميستاهلش تقهري راسك حيث باك مريض و غيمرضك الى تبعتيه كوني لالة و مولاتي قراي خدمي و ديري سكنة ديالك و متبقايش رافضة فكرة الزواج ربما زوجك يكون سند و عوض ليك
اميمية الجميلة ❤ قدوتي في الحياة ومؤنستي في جميع الأوقااات❤ دائما أستمع لكي بحب فعلا أحبك حبا لا حدود له غير ملاحظة واحدة ياريت تستعملى صوت موسيقة خفيفة لي كنت كتستعملي قبل مع القصص مع صوتك الهادئ
شكرا لك اختي على قصص التي ترويها ختي هناء خاصك تخدمي على راسك انك تطوير الذات ديالك اولا حاجة انك تحب نفسك ومتفكريش في الانتحار راه ماشي حل اختي وبحتي على العمل غدي ساعدك انك تندمجي مع الحياة الحياة كتسمر الله افرجها عليك ويفرحك ويرزق من حيت لا تحسبين
هاد القصة فكراتني فكلشي. الحرقة و القمع و الضرب و التعذيب لي تعرضتلهم ل 21 سنة قبل ماصافي نهرب و نخوي البلاد. تانا زوجني و كانت عمري ١٩ بزز و طرشني و قتلني بالعصا بش نمشي نگاليزي الوراق بش نتزوج و نقول اه. عملت العقد نهار الخطبة. و ملي خدمت فمدرسة خاصة حيت خرجني من الجامعه كنت كنتخلص خلصة بسيطة وكل مرة فراس الشهر كان كيقلب عليا و يقطع الهضرة بش نعطيه دك الخلصة لي كانت بين 1500 و 2000 درهم. عمري نسامحو الفرق بين الاب/ والد ديالي و دهناء ان ديالي ماكانش ملتحي ولا ملتزم ولكن كان معقد و عقدني فحياتي. انا حالياً مزوجة لي كنبغي ولكن للاسف ولو دبا باقي كيتسمسر فيا و كيبغيني نصيفط الفلوس و الا ايهضرو عليا بالخايب حيتاش هتشي لي كيوقع مع خاي لي خدام و كيصرف عليهم. و نهار تهرس و جلس من الخدمة مبغاش يسول فيه حيت ماعطاهمش الفلوس.
الله يفرج عليك ،واحد الحاجة لي غانقوليك من هادشي كاملوا ،بأنك خاصك ولابد أنك تصلي على النبي كل يوم بأعداد كثيرة وبتركيز ،وانشاء الله مهاديش تفوت صيمانة حتى تلقاي راسك تبدلتي ،وهادشي ماشي كذوب لي قلت ليك ،حيت راه عشتي معاناة كبيرة بزاف مع باك ،وكنتمنى تبعي هادشي لي قلت ليك وهاتشوفي واحد الفرق كبير الله إفرج عليك ويفتح ليك أبواب الخير ❤
Khtu oumaima goli liha bli rabi aya haja kydirha rah fiha khire o bli fiha whed msg liha o lhyatha o khas hedik so3obah kmla khsha ichj3oha o iqawiwha bch twqef 3la rajliha tqleb 3la khdema o tched tajriba kbira o dfe3 bara lbled ila kno homa mbghinhch tb3ed mn kolchi bch mtfkre tahaja mn mo3anat dylha o goli liha bli ahsen haja o aham haja f hyatna hiya sala goli liha tbqa dima qriba mn lah howa ghytabteb 3liiiha lmkn thed fjnbha ghykon lah dima m3eha o fjnbha o lah ifarajha 3liiik akhtu o inchallah tkon hyatek zwina mn hna lqodam ولسوف يعطيك ربك فترضى
صراحة هادشي جاني بحال شي فيلم ما عرفتش واش نصنفو فرعب ولا دراما أودي ديك ساعة ملي عارف راسو مقادرش يتعامل مزيان مع بنتو بلا ما يولدها بلعكس ولادنا ولا بناتنا خصنا نتصاحبو معاهم نشدو ليهم بخاطرهم نتبعوهم فالرأي ديالهم نصحو ليهم الأخطاء ديالهم بالتي هي أحسن ماشي نكرههوم فالحياة كتر ما هي أصلا مكروهة حتى يفكرو فالإنتحار هي حقا تحقيقا أنا فاهم التخوف ديالو على بنتو من حقو يخاف عليها حيت يقدر أي وحش يضحك عليها و ياخد منها ما بغا و يلوحها و لكن ماشي بديك الطريقة ديال القمع و التعجرف غدا أمام الله يتحاسب على هادشي وا الله يهدي ما خلق و صافي
هناء يا هناء خرجي خدمي او نساي داكشي لي داز عليك مسي غادي تنساي غادي تحاولي تبداي حياتك او نشاء لله غادي تبداي حياة خرة او بغيتك ديري فبالك واحد لحجة ديمن تكولي مع بالك دكشي لي معشتش فطفولتي غادي ايعيشوه ولدي دكشي لي تحرمة منو فطوفولتي مغديش نجرم منو ولدي هكا غادي ايكون عندك امل انكي غادي تعوضي كاع لي فات عليك مع ولدك ان شاء الله راكي مزال صغيرة مزال الحياة قدامك عيشها او بيني لاب ديالك انو كان غلاط فيك انتي مشي كيفما هوة تيشوفك او هدشي وخ مغديش ايكولو ليك راه هوة عارفو او تيكولو مع نفسو هير هوة انسان مغرور او هكا تيشوف لامور بنسب ليه هكا خاص تكون المرة وما بيتك تبيني ليه بلي لله مشي هكا وصف او مشي هيا هادي المرة تقمع او تحكر او يتفرص عليها حياة مبغتهاش هناء معرفتس كيفاش نوصف ليك اسنو كنحس ولكين بحل بغيت نقول ليك ديري شيحاجة انا مقدراش نديرها نوضي وقفي علا رجليك او كوني مرة او قادة لله ايسر ليك امرك او يسهلا عليك مصعاب طيري بجنوحك اوعلي لفوق راكي عصفورة حرة طمحي او حلمي او وقفي كولي انا انسانة حرة قريا او قادرة نحقق احلمي ديري ليمقدرناش نديروه حنا بزاف جنوحنا مهرسين خيفين نطيرو ونطيحو او ملقواش لي يجبر بلصة طيحة بداي نوضي بغيتك نهار تبداي تصفط وتكولي راني بديت او وقفة علا رجلي مع لله
الاحدات لي تتقول اميمة عندنا نيت فدار عيب دوي مع دري لبنات فاعلين تاركين فاسدات سمعتها مليون الف مرة ودري يعيش الحياة مكاينش لي يقول ليه شي حاجة المهم تعايشي مع الوضع و ربي راه غيعوضك اختي صلي و تقربي من مولاك و خدمي و ودابا يجيب الله ولد الناس تال عندك احبيبتي غير شوية دصبر. كل ابتلاء عطاه ليك الله خاصك تحمديه عليه هدا ماكان
اختي هناء الله كبير وباباك اكيد واحد نهار غايندم بالخصوص منين شافك دابا مطلقة وكالسة فدار... شوفي اختي صلي وطلبي الله ربي يسرليك فشي ولد ناس وخودي وقتك فالخطوبة تعرفي عليه وماتحكميش وشرطيها على باباك كوليه مابغيتش نعاود نطلق وهو اكيد ماغايديرش نفس الغلط ويعقد عليك لان٧ كان حسابو غير تعقدي غاتلقاي راسك تورطي وتمشي معاه لداركم مي شاف نتيجة ومانضنش هاد مرة غايزرب عليك بالعقد.... شوفي اختي حاولي تخرجي من هاد قوقعة لي فيها بانك دبري رياضة باش تحيدي افكار السلبية صلي طلبي الله يهدي باباك عمري وفتك بالخدمة تفر٠ي فيديوات غلم النفس..... واكيد واحد ساعة ربي غايحن عليك وراجل لول لي بغيتيه مافيهش خير لان كون ربي مكتبوليك اكيد كنتو غاتزوجو... نساي الماضي وبداي صفحة جديدة فحياتك من حقك ترتاحي للشخص لي غاتزوجي بيه مي ماشي ديما تحكمي على زواج من لول
شكراً اختي اميمة على المجهودات اللي كديري باش تقدمي هاد المحتوى الرائع ، احتي هناء بغيت نقولك وسمحيلي برغم من شخصية الاب و الام ديالك ولكن حتى نتي ماشي ضحية كيف ما كتحاول تبيني فالقصة المشكل انك من اول كنتي رافضة اهلك و شخصيتهم و هدشي اللي خلاك تمادى فالغلط ديالك و ديري علاقة مع داك الولد على اي حال حنا كلنا خطائين فالاول والاخير رغمة قساوة الاب ديالك الا انه الوالدين كيبغيو لينا غير الخير الله يوفقك و يفرج همك و يعوضك خير يا رب
حبيبتي هناء حاولي تصالحي مع راسك ونوضي خدمي على راسك وبني راسك براسك اما الأب ديالك لكلمة لي هنقول الله يهديك على بنتك انا فخورة بك انك مقبلتش تكمل مع دك سيد لأنك مهتكونيش سعيدة معاه وخا يعملك لي عمل❤❤❤❤
اختي انا متفهمة المعانات اللي وقعات ليك و لكن اللي مافهمتش هو علاش انت لاصقة فرجلين باك بايديك و سنانك ؟ ربما السيد اللي تزوجتي بيه كان اخرجك من المستنقع فين عايشة ربما ربي رسل ليك العوض ولكن انت مابغيتيش تفكي راسك. باك مريض واش كتسنايه ابغيك؟ راه عمرو ماغادي ابغيك ببساطة حيت ماقادرش ابغي حتى راسو . السيد متشبت بيك وقاليك نتسناك حتى عشر سنين و ميسور و و الصراحة مافهمتكش. شوفي خرجي من دور الضحية وشوفي حياتك.
بصاح اختي انا حال القصة ديالها تقريبا كان با متصلط وكيشك بزاف كلشي ممنوع علينا الخروج مبيا امتا غي انتزوج ههه والحمد لله تزوجت ولقيت راجل تقي فيه با فيه خويا كلشي الحمد لله
Hanae tiqi frassek o bghi rassek matsnay hetaa wahd ibghik eti qima l rassek o matsnay heta haja mn ayaa wahd rebi insha allah ayrzqak العوض rebi meaak o ealm elaa ayaaa hajaa deii llah qimi lile o rebi insha allah eumruu ma aynsaaak insha allah dabaaa rebi ifajihaaa o llah ihdiiihum elik llah ihdihum haja akhraa briitk teawli ela rassk khrji khdmii aprés jmeii flouss o khrji soukni puhditk hawli dehki rassk o tfrhii rassek kuni qwiaaa eafaaak o rebi rah meana matnsaaysh daba kulshi aytqad insha allah الله ارزقك العوض و الله افاجيها عليك الله ارزقك سعادة لا تنتهي الله معاك🥹❤️🩹
لي عارفة عليك أختي أميمة أنك غيورة على الدين ديالك ولكن سمحيلي نقوليك أن ديك التريكو ديال باربي لي لابسة راكي غادية فواحد الموجة كتروج لكول ما هو فساد من شواذ ومتحولون وعلاقات غير شرعية وكلام غير أخلاقي إلى غير ذلك من أوساخ التي ظهرت في الفيلم الذي يغسلون به أدمغة الشباب والأطفال ..... وأهدافهم أخبث من ذلك لا وفقهم الله ولا تركوا بسلام حبيبتي استمري على درب ثباتك ربما نراك يوما بلباس شرعي والتزام حقيقي إن شاء الله ❤