қпан айының 8-і күні Жамбыл Ақылбаев атындағы мектеп-гимназиясының ардагер ұстазы, ҚР білім беру ісінің үздігі, «Ы.Алтынсарин» төсбелгісінің және «Еңбек ардагері» медалінің иегері, білікті ұстаз Нұрбекова Қайкен Нұрбекқызының «Тарихқа тұнған туған өлкем» атты 9-11сынып оқушылары арасында III аймақтық ғылыми-практикалық конференция өтті. Конференцияға Қ.Нұрбекқызының ұлы Мейрам Қуанышұлы және магниттік мектеп оқушылары zoom платформасы арқылы қатысты.
Конференция барысында «Туған өлкенің киелі жерлері», «Тарихқа тұнған өлкем» «Ауданымыздың экологиясы», «Тағылы қорымы», «Ұлтын сүйген ұлы ұлы жүрек» және «Ахметжан қажы Жүсіпұлының қилы тағдыры» т.б тақырыптарда жобалар тыңдалды. Директордың бейіндік ісі жөніндегі орынбасары, педагогика ғылымдарының магистрі, педагог-шебер Б.А.Түсіпханова, тарих пәні мұғалімдері А.А.Шарипова, Е.Т.Қызылов және Б.Е.Ахметовтер жобаға қатысушы оқушыларға әділ бағаларын берді. Жалпы конференцияның бірінші кезеңіне 23 оқушы қатысып, Қазақстан тарихынан алған білімдерін сынақтан өткізсе, екінші кезеңге 23 оқушының қатысуымен 19 жоба қорғалды. Екі кезеңнің нәтижесі бойынша жеңімпаздар анықталды. Жүлдегерлерге 1,2,3 орындар мен ақшалай сыйақы табысталды. 1 орынға 10000теңге , 2 орынға 7000 және 3 орынға 5000 теңгеден сыйақы тағайындалып, жеңімпаздарға атаулы медальдар табысталды. Олар: «Ауданымыздың тарихи тұлғалары» бағыты бойынша Жамбыл Ақылбаев атындағы мектеп- гимназиясының 10-сынып оқушылары Н.Балхашбаева мен Ұ.Қойшыбаевалардың бірігіп қорғаған жұмыстары жүлделі 1-орынға ие болса, Дарья жалпы білім беретін мектептің 9-сынып оқушысы А.Ахметбекова пен Нұра ЖББМ 9-сынып оқушысы Н.Өмірбек 2-орынға ие болса, Ы.Алтынсарин атындағы тірек мектебінің 11-сынып оқушысы Н.Жашкеев, Жамбыл Ақылбаев атындағы мектеп- гимназиясының 9-сынып оқушысы М.Нұрмағанбет және 10- сынып оқушысы А.Тлеуханова 3- орынға ие болды.
5 сен 2024