#НартайАралбайұлы #NartayNews #НартайНьюс #nartaynews #Еңбекадамы
🔹Спикер: МАРАЛ ОСПАНОВА - атвокөлік бояйтын әйел.
Ұлттық статистика бюросының мәліметінше, Қазақстандағы автокөліктер адам тасудан әуелде ада болуы керек. Себебі олар әбден тозған. Қазір Қазақстанда 4 млн жеңіл автокөлік, 454 мың жүк көлігі мен 95 мың автобус бар. Стандартқа салсақ, темір тұлпардың талқаны шықпай, жүріп беретін уақыты - ең көп дегенде 10 жыл. Елімізде тіркелген жеңіл автокөліктердің 49%-ның зауыттан шыққанына 20 жылдан асқан, 21%-ына 10 жыл толған. Жаңа деп саналатын 3 жылға дейінгі жеңіл автокөліктердің үлесі - елімізде 6% ғана. Осыдан-ақ Қазақстандағы автопарктің мүшкіл жағдайын білуге болады. Әңгіменің ауаны утилалымға қарай ауып барады, бұл жайлы бағдарламаның соңында кеңінен тарқатайын. Осыдан үш ғасыр бұрын Майқы би темірден болар көлігің, темірден болар өлімің деп айтып кеткен. Тоз-тозы жетіп, төрт дөңгелегі төрт жаққа ұшайын деп жүрген көлікпен тас жолда ұша жөнелетіндер көп. Нағыз - қауіп, нағыз -салғырттық та сол. Дегенмен, таяқтың екі ұшы болатындай, ескі көліктердің көптігінен бизнес пен кәсіп түрлері де дамып отыр. Мысалға, сол машинаға құрал-сайман сататын базарлар әр қалада жетеді. Ал, сол қақалып, бір тоқтап, бір ырғалып жүрген ескі көліктерді емдеп алатын көлік жөндеу орындары да аз емес. Осы тұста бір айта кетерлігі, көпшілік «СТО»-дағының бәрін «Сергей» деп біледі, сол «Сергейлерге» сенеді. Басқа ұлт өкілдері техникаға епті, білікті келеді деген теріс «стеоратип» қалыптасқан бізде, мойындайық. Ал, негізінде көліктің кез келген маркасын шашып-құрай беретін мықты шеберлер қазақта да баршылық. Тіпті, ер азаматтар ғана емес, әйел адамдар да шамалы көліктің ауруын дөп тауып, жөндеп береді. Бүгінгі кейіпкеріміз Марал Оспанова сондай өнерлі жандардың бірі.
Марал Оспанова 18 жылдан бері көлік жөндейді. Ол темір тұлпарды да, тірі тұлпарды да жіліктейтін қасапшы. Малшының қызы болғандықтан, төрт түлікті қадірін де, оның бабын да біледі. Ал, негізгі мамандығы - тігінші екені айтылды. Бірақ, бойда бар қабілет түбі бір сырптқа шығып, өзін танытады емес пе? Жұбайының көлікті жөндеп жатқанын көріп, қызығып, өзі де лезде үйреніп алған. Сол хобби қазір кәсіпке, өнерге айлды. Марал шашы мен тырнағын бояғаннан гөрі, көлік бояғанды жақсы көреді. Біле білгенге көліктің кузовын қайта қалпына келтіріп, әуелгі түсін қайта жаңғырту қиынның қиыны.
Енді бағдарламаның басында айтқанымдай утиль алым тақырыбын сабақтайын. Ескі көлік азайса, «СТОлардың жұмысы тоқтап қалмайды. Көлік жөндейтін орындар болды және бола да береді. Ең басты мәселе көлік нарығын реттеп, қымбатшылықты, қолдан жасалған кедергілерді жою керек. Сондықтан, халықтың талабын мен мәжілісте де айттым. Олар: Қазақстанға шетелден кіргізілетін автокөліктердің шектік құны бекітілген кедендік сетканың бағасын төмендету; Алғашқы тіркеу бағасын түсіру. Қазір Қазақстанға әкелінетін көліктердің шыққанына 3 жылдан асса оған 1,8 млн төлеу міндетеледі. Осы мерзімді 7 жылға дейін созу;Утилалымның бағасын төмендету. Осы талаптар орындалғанда ғана елдегі көлік саласы серпін алып, халық таңдаған тұлпарын шертіп мінер еді.
“Еңбек адамы" елеусіз қалмасын! Биыл біз тұтас фильмдер сериясын жасауға бел будық. Басты қолдаушымыз AMANAT партиясы. Кейіпкерлеріміз қарапайым қызметкерлер, бірақ үлкен жүректі, еңбекқор, өмірге құштар адал адамдар. Бұған дейін экрандардан тек өнерпаздар мен шенеуніктерді көретін едік. Бұл дұрыс болмады, олқылықтың орнын толтыру керек. Біз соны мойнымызға алдық. Бұйыртса 40 фильм жарыққа шығады. Көріңіздер!
Интаграм: nartay_aralbayu...
Фейсбук: / nartai.sarsengaliyev
19 апр 2024
