«Սլավյանսկի բազար 2023» միջազգային մրցույթում Հայաստանը ներկայացնող և «Գրան Պրի» մրցանակի արժանացած երգչուհի Մաշա Մնջոյանը Sputnik Արմենիայի հետ զրույցում խոսել է իր ծննդավայր Գյումրիի, ընկերների և հարազատների վերաբերմունքի մասին։
«Եթե խայտառակ եղար՝ բոլորին ես խայտառակում, եթե հաղթում ես՝ հաղթում ենք միասին, բայց բոլոր դժվարությունները տանում ես մենակ», - ասել է երգչուհին։
Մաշան խոստովանել է, որ իր սիրտն ազատ է, բայց և հավելել, որ շատ դժվար է վստահում մարդկանց։ Շուրջ 5 տարի Ավստրալիայում ապրող և աշխատող Մաշան հպարտությամբ նշում է, որ նաև իր միջոցով Ավստրալիայում մարդիկ "Google" - ում փնտրում են տեղեկություններ Հայաստանի մասին։
Մաշա Մնջոյանը Sputnik Արմենիայի եթերում կարոտի մասին խոսել է «Մարտիկի երգը» կատարելով և կատակել գյումրվա բարբառով։
19 июл 2023
