سعاد ختي الله يفرحك أختي أو الله يرزقك كل ما كتمناي شوفي هذا شهر الغفران من أحسن تردي ليهم دوك لفلوس أو تسامحي معاهم و لكن حافضي على تيقار باش تبقا العلاقة مزيانة أو الله يسهل عليك أختي
دابه العواشر عطيهم لراجلك يعطيهم ليك و قولي ليهم بأنك مسامحهم في الأشهر الكريمه و ماتعطيهمش لراجلها ييدك بيديه خلي راجلك حتى يتجمعو و يعطيهم ليه قدامهم و يقول ليهم باللي هي مسامحه
اختي انا جاوني هاذو لفلوس ديالك راه تعداو عليك و ضربك ما تعطيهمش ليهم غادي يرجعو عوتاني يجبدك و ياك تگولي الحقيقه و احسن حاجة صدقيهم اختي و تهناي و طلبي الله يسمحليك
بصراحة الكلام لي قالت اميمة كلوو صحيح، و من الاحسن ترجعي الفلوس لراجل لوستك، و في نظري تعطيها ليه قدام مراتو مشي تلاقاي معاه و لا تعطيها ليه بينك و بينو، باش ميلسقوش ليك عوتاني شي خيانة و يطعنوك في شرفك، و آخر حاجة خلييك قوية و متمسكة بالحياة غيير على قبل راجلك و وليداتك
مترجعيش الفلوس غاتباني نتي لي ظالمة وخا هوما تعداو عليك من الأحسن تصدقيهوم بنية اغفر ليك الله وخا فالواقع من واحد الناحية يستاهلو لي درتي ليهوم حيت هوما بقاو مدخلين ليك فحياتك وبغاو إحگرو عليك والسلام
الله اسر ليك الأمور بنادم اعرف الخطوط الحمراء وصاف والاحترام كما كالت أميمة رجع لفلوس لراجل ولا سولي اهل الفقه مزيان هوما لغادي انفعوك محدك مصرفتيهومش والله اغفر ليك ويغفر لينا جميعا يارب والله اهدينا
رايي ان لفلوس حقها ياك تنازلات على دم وجها والضرب لي كلات ووو كون تابعاتهم غيخسروا محامي وو وتعويض والحبس اوا راه حقها هدا نضري حقها واخداتو بطريقتها بلا ما توصلهم للحبس