作詞：葉佳修
作曲：葉佳修
鬥陣彼時甜蜜
tàu-tīn hit-sî tinn-bi̍t
可比牛郎佮織女
khó-pí Gû-lông kah Tsit-lí
無疑你來離開
bô-gî lí lâi lī-khui
親像嫦娥飛上天
tshin-tshiūnn Siông-ngôo pue tsiūnn-thinn
思念珠淚點點
su-liām tsu-luī tiám-tiám
化做茫茫湘江水
huà tsò bâng-bâng Siong-kang tsuí
心愛的你在天邊
sim-ài--ê lí tsāi thinn-pinn
敢知阮有偌想你
kám tsai gún ū guā siūnn lí
月娘島上的月光暝
Gue̍h-niû-tó siōng ê gue̍h-kng-mî
猶原遮爾媠
iu-guân tsiah-nī suí
可惜身邊無你通相隨
khó-sioh sin-pinn bô lí thang sio-suî
將阮滿腹內的情絲
tsiong gún buán-pak-lāi ê tsîng-si
拜託予向天的水杉箭
pài-thok hōo hiòng-thinn ê tsuí-sam-tsìnn
希望你
hi-bāng lí
有時陣也會來想起
ū-sî-tsūn iā ē lâi siūnn-khí
月娘島
Gue̍h-niû-tó
有我咧等你
ū guá teh tán lí
6 июн 2021
