اشكرك اخوي على التقديم و افضل تقديم باليوتيوب السيارة قوية وهي تنفس طبيعي فكيف لو شركة لكزس يحطون لها سوبرتشارج او تيربو بتصير قنبلة لكن هالاشياء تقلل من عمر المكينه على كلام المهندسين
استاذ خالد بصراحة اشعر انك من افضل مقدمين تجارب السيارات واسلوبك جميل وكلامك يعكس شخصيتك .... السيارات اللي تختارها كلها مافي كلام عليها بس عندنا طمع عليك حابب تجربنا RCF
يا اخي الله يوفقك و ييسر امرك اسلوبك جداً جميل و راقي و فعلاً انت تركز على مواصفات و استعراض المميزات بالسيارة بشكل يهم المتابع او الشخص اللي بيشتري السيارة اسلوبك جداً مختلف عن باقي القنوات المتخصصة بشرح السيارات و عجبتني يوم شرحت مميزات الوكيل ما بعد شراء السيارة اضافة الى شرحك لسعر قطع الغيار الله يوفقك و ييسر امرك وبالتوفيق دائماً اخوك من البحرين
اللكزس وسيارات تويوتا عموما فيها نظام VSC اللي يتظمن نظام التراكشن كنترول(TC) .. اول ضغطه تفصل لك التراكشن كنترول اللي يمنع التواير الخلفيه من الدوران الحر لكن لما تضغط لمدة 10 ثواني يطفي نظام VSC اللي هو يحافظ ع ثبات المركبه فكل الحالات على سبيل المثال على المنعطفات لما السياره تفقد تماسكها يبدا نظام VSC بتفعيل الفرامل على العجله الفاقده للسيطره وابطاء عمل المحرك قليلا والنظام يعمل بالاعتماد على ABS . ولا ننسى انه GS الجيل الرابع تحتوي على فور ويل ستيرنغ اللي يساعدها على دخول المنعطفات بسرعه اكبر من المنافسين الثانين وتمسك بشكل اكبر كأنها دفع رباعي. حلقة اكثر من رائعه .. جزاك الله خير الجزاء استاذ يوسف❤
احمد الكعبي معي. اخته ٦ سلند ر ٢٠١٦ كنت ماشي وسوناتا ما خلاني ادخل مع مدخل يدعس ولحقته وصل مدخل وهدى كثير انا ما هديت ماشي مدخل بسرعه ١٢٠ كيلو ومدخل ٧٠ كيلو مفروض ثباته عالي
تقرير جميل ورائع بس يعاب عليه استخدام الكلمات الانجليزيه بكثره وهي ممكن تترجم بسهوله للعربي مثال الانجن رسبونس بيرفكت .... ليش كذا؟ استجابة المحرك ممتازة ... سهله ونفس المعنى غير هذي ماعندي اكرر اعجابي في تقاريرك والله يوفقك
عافاك الله دايم تسعدنا وتتحفنا بتقاريرك وتجاربك وتصويرك ومعلوماتك وطريقه شرحك 👌🏻انت انسان موهوب وفقك الله اخوي يوسف .. دمت في رعاية الله ولجميع من شاهد الفديو
اخوي البدايه اشكرك على الريفيو الجميل ... واكثر شي حبيته انك جبت قطع الغيار واتمنى تركز على القطع الاستهلاكيه لانها تهم المستخدم اكثر مثل الفرامل و الفلاتر و الكفرات سيور المكينه البواجي الخ .. عندي ملاحظه بسيطه بخصوص الجدول اللي حطيت منافسين السياره .. بخصوص ارقام المرسيدس اتوقع انت حطيت فئة AMG بدون S المفترض تحط اعلى فئة في جيمع المنافسين علشان يكون الواحد على بينه من جميع المنافسين في اعلى المواصفات والفئات وشكرا ً لك ..
انت حطيت اعلى فئة في لكزس في فئة الاسبورت حتى لو كانت فئة وحده المفترض تقارنها بمنافسيها بأعلى فئة , والشغله ماهي محابه او ظلم هذا انتاج الشركة , واذا هي اعلى هذي مشكلة الشركة المنتجة ماهي مشكلتي كصاحب ريفيو ,,, على العموم يعطيك ربي الف عافيه يا غالي والى الامام .. تقبل فائق احترامي وتقديري
السياره جميله بكل مواصفات ذكرتها .. واللي اجمل منها او اجمل من اي سياره تعرضها .هو اسلوبك الرهيب وشرحك الوافي كفو الله يطول عمرك يايوسف وماتقصر ربنا يوفقك ياالسمي
ابدعت يبو يعقوب تقرير جدا جميل ..واكثر شيء عجبني جدول المقارنه بين المنافسين ابداااااع ..استمر والله يوفقك في تميزك عن الاخرين من كل النواحي.. 👍فعلا معلوماتك وتقاريرك والحلقه بشكل عام اللي يحتاج يشتري سياره وبيغى يعرف عنها ..
اول مره اتابع فيديو 50 دقيقة كامل من غير ما امل صراحة انت مبدع جدا اسلوبك وشرحك ماشاء الله دقيق ومفصل وواضح يعني تفوقت على حسن كتبي مع احترامي له بمراحل
أولاً يا ريت تجربة RX350 لأن اللي جربوها مدحوها و نتمنى واحد يمحصها مثلك.. و قارنها بالشيروكي سبميت ثانياً لايكات و حسنات.. لروعة التغطية وكثر ما تقول ما شاء الله.. و يا ليت تذكر أنها نِعم تستوجب الشكر ثالثا أكيد مثل كل من شاهد تغطياتك يعحز البيان و اللسان عن الشكر..
شكرا لك أخوي المهندس يوسف شرح جميل وأسلوب راقي من أفضل الشباب في هذا المجال ماشاء الله تبارك الله وإلى الأمام وبالتوفيق والاقتراحات راح أرسلها لك على تويتر
السيارة قد سقتها اسبوع .... ممتازة ورايعة وممتعة ... لكن بصراحة لقيت فيها عيبين قاتلين جدا .... الاول سعر السيارة مقارنه بدودج هيلكات يعتبر غالي مع ان اللكزس تميل للفخامه والهل كات تميل للقوة المفرطة بس الفرق كبير بالسعر العيب الثاني ... قطع غيار السيارة مبالغ فيه جدا جدا جدا .... يعني لو لا قدر الله تسوي حادث وماعندك تامين شامل ... صدقني ماراح تصلحها لان قيمه الاصلاح تجبلك موتر جديد القطع مبالغ فيها جدا وخاصة بالخليج .... شمعات فوق العشرين ... الخلفيه فوق 17 الف ... الهوبات واقمشه الفرامل حول 7800 ريال ... هذا عيوب السيارة غير كذا السيارة قليله خراب وممتازة .... وللمعلوميه كلامي عن تجربي شخصية .... واشكر المهندس القحطاني على ابداعه المتواصل .... جعلك سالم ياقحطاني
Alaa Alazhari انا اشوف القطع غاليه في أكثر السيارات عندك الجينسس شمعات تقريبا ب15 الف ريال وكان عند واحد من الزملاء مرسيدس فياقرا 600 القماش الأمامي بحدود 2000 ريال فإما القطع في أغلب السيارات مبالغ فيها جدا
استغرب منك بالدقيقه 9:17 ما استنكرت وانتقدت سالفة السبير الي ماخذ نص الدبه ... فقط قلت "ماخذ حيز" وكأنه شي عادي ... الصراحه شي يفشل هذي حتى اذا بتسافر لحالك بشنطتين كبار ما بتشيلهم!!!
حياك أستاذ يوسف انا اشكرك كثير ع الفيديوات بس أستاذ الله يحفظك صار كثير اطلب منك فيديو السياره انفنتي كيو اكس 70 اس الشكل الجيب سوينا حلقه مفصله عنها الله يحفظك
السلام عليكم ورحمة الله..شاهدت فيديوات عديدة لك اخوي يوسف واشكرك ع طرحك ومجهودك ووجهات نظرك الي غالبا في محلها ...وجهة نظر بسيطة ارجو تقبلها بصدر رحب ومن محبة والله ...اولا المحتوى الطويل جدا ممل للمشاهد ..ربع ساعة الى ثلث بالكثير اشوفه مناسب ان امكن ..المصطلحات الاجنبية تستعملها بكثرة..كلانا مهندسين ونتحدث غالبا الانقليزية لكن في وقتها فقط...انصحك باستخدام المصطلحات العربية اولاً ثم ترجمتها ان اردت..وفي فيديوات عديدة بعض المصطلحات قد لايفهمها المتلقي وان فهمها حتى فالعربية اولى .لغتنا الام عزيزة علينا مهما كان...هذه وجهة نظري البسيطة ارجو تقبلها بصدر رحب :)...اجمل تحية لك اخوي يوسف
+yousef algahtani والله انت ي يوسف لو تشيل الموسيقى راح تغطي على عرب جيتي وامثالها والله سكرا صراحه مجهود اللي تقدمه جدا مميز و ممتاز بس عيبك الوحيد الموسيقى واللي يايديني يعطيني لا + يايوسف لاتعتمد ع اللايكات
