يعطيك العافية اخوي عمر راح اشاركك تجربتي سواء بالسلبيات او الايجابيات من بعد استعمالي 9 شهور لسيارة f150 لاريت اولا التكييف الحمدلله ممتاز جدا وهذا من اهم الاشياء اللي خلتني افضله على الرام العزل ممتاز جدا على سيارة من هذي الفئة ومن كثر ما السيارة معزولة حتى تسكيرة الباب تنرفز مرات تضطر تصكره بقوة عشان تتاكد ان سكرته بالنسبة لنقطة البنزين اللي ذكرتها ما اعتقد 7 دنانير خصوصي انا افولها ممتاز ب 7 وصحيح في افضل الاحوال تمشيني من 600 الى 700 كم .. واذا استخدمت مثبت السرعة بطريقة صحيحة على الخطوط السريعة ممكن تعطيك اكثر بعد .. على محرك بهالحجم وسيارة بهالوزن السيارة تعتبر اقتصادية جدا الداخلية جميلة بس للامانة الرام يتفوق من هالناحية بصورة واضحة بس هم مشكلة الرام شاشة العدادات مو ديجيتال كاملة وهالشي مميز بالفورد لكن بشكل عام الرام يتفوق بالداخلية الانارة واضحة جدا ومع اللفة تلف معاك يمين او يسار واذا كنت ماشي بدرب خالي من السيارات او مظلم عالآخر السيارة تشغل العالي اتوماتيكا ومن تقرب سيارة او ينور المكان ترد الانوار العادية شي واحد يتفقون عليه كل مصنعين الوانيتات الامريكية اللي اهو عدم وجود ثلاجة .. مادري شنو خسرانين اذا عالاقل خلوه ميزة اضافية بالموديلات العالية .. يعني لا الليمتد ولا حتى البلاتينوم فيهم هالميزة اللي ممكن تحصلها بأغلب السيارات العادية .. كذلك تلقاها بالجيبات الامريكية بس اذا يت عالوانيت بخلوا بالثلاجة مادري ليش بعض سلبيات السيارة اللي اهي اللفة الواسعة .. وايد شوارع وانا آخذ يوتيرن احاتي اصعد الرصيف او اضطر ارد ارجع واعطل الشارع معاي .. هالنقطة تضايق شوي شي ثاني مادري ليش سيارة بمواصفات خليجية ومع هذا فتحات ال 120 فولت امريكية .. تضطر تركب ادابتر عشان تستفيد منها هذي تجربتي الشخصية والسيارة اشوفها اختيار ممتاز وفيها مميزات تكنلوجية كبيرة يمكن بعض الناس يستغربون سعرها يقولك شنو وانيت ب 18 الف بس كمواصفات هذا سعر طبيعي ويستحق الدفع خاصة اذا قارنتها حتى بالجيبات اللي تتعدا اسعارها 20 الف مو بس الوانيتات من فئتها
@@_su168 انا هذي سيارتي للاستعمال اليومي .. يمكن الشي الوحيد اللي راح يضايقك الحجم وايضا طول لفة الاستدارة .. في بعض اللفات اليوتيرن تحس بمعاناة خاصة الشوارع الضيقة بس غير هالشي السيارة مخصصة اصلا للاستعمال اليومي
الاخراج والشرح روعه وممتع بجودة عالية ، بالنسبه يا اخ عمر للسيارة اشوفها وايد افضل من الي جربتها بامريكا وبالفعل انا عجبتني ووصلني شعورك وشرحك عن السيارة ، يمكن انا احب سيارات دودج اكثر دائماً لكن صار لي فضول اجرب هذا النوع من ال F150 قواكم الله ومنتظر دائماً مراجعاتكم بالتوفيق دائما للفريق كارتومايز
@@user-kn2ex9cr9i الرام خراباته مو كثيره بس الناس الي ما تفهم فيه لما. تصلحه تخربه وعندك مشكلة قطع الغيار ديما غير متوفره بس هذا الكلام بالنسبه للكويت وفي مشكله بالرام الجديد التكيف سيئ
الفورد اللاريت ماعليها كلام؛ والهايجين أفضل، لكن برضوو.. الحلو ما يكملش!؟ الفورد خطوطها الخارجية مو متوحشة زي السيلفرادو والسييرا ..ولا بقوة وتماسك تندرا تويوتا ،، اكسسواراتها الداخلية هي الأميز، لكن تبقى مش الهارد دوتي hard duty كالاخريات😋
عمر سؤال بكل صراحة ابي رد منك شنو الافضل بالنسبة لك فورد لاريت والا رام ريبل والثنتين نفس الموديل ٢٠٢٢ ؟ يعني ابي نصيحتك من ناحية القيادة والداخلية والخارجية
يعطيك العافية على الريفيو الطيب 👏👌، عندي سؤال لو سمحت، سمعت إن الموديل هذا لفة السكان فيه قصيرة، يعني يأذي بالفوق-تحت أو بالدوار، هل صحيح هذا الكلام بناء على تجربتك؟
لا يا الحبيب الاخ عمر صادق بشرحه ومراجعاته للسيارات ، يحرص ياخذ السيارات من المتابعين عشان ما يكون باحراجات مع الوكيل او الشركة و اعتقد كان واضح عمر لما ذكر الفروقات فا اتمنى تكون واقعي ولا تتكلم بهذي الطريقة بدون سبب وجيه
