2023 йил Ўзбекистон ва Европа раҳбарлари ўртасидаги мулоқотлар фаоллашгани кузатилди.
Расмий Тошкентнинг Европа пойтахтлари билан мулоқотларининг фаоллашишига Мирзиёевнинг бир умр ҳокимиятда қолишига йўл очган конституциявий референдум ва европалик кузатувчиларнинг ўзи танқид қилган баҳсли президент сайловлари ҳам тўсиқ бўлолмади.
Россиянинг Украинага босқини боис, йил давомида Марказий Осиёга дунё эътибори ортаркан, Ўзбекистон ҳукумати минтақада ҳам фаол кўринишга ҳаракат қилди.
Президент Мирзиёев Ғарб пойтахтларига бирин-кетин сафарларида, Кремлнинг ошиб бораётган босимидан ҳимоя, ўсаётган ташқи қарз юкидан қочиш учун дастак излагани айтилди.
Буларнинг ҳаммаси Ўзбекистонда сўз ва матбуот эркинлигига босимлар, танқидчи блогер, фаоллар ва мухолифларга қарши таъқибларнинг кучайиши, ҳокимиятнинг юқори доираларидаги коррупцияга доир янада кўпроқ фактлар юзага чиқиши манзарасида юз берди.
🔴 Ozodlik kanaliga obuna bo'ling! 👉 t.me/ozodlikkanali
🔴 Bizga xabar yo'llash uchun 👉 t.me/ozodnews
2023-yil O‘zbekiston va Yevropa rahbarlari o‘rtasidagi muloqotlar faollashgani kuzatildi.
Rasmiy Toshkentning Yevropa poytaxtlari bilan muloqotlarining faollashishiga Mirziyoyevning bir umr hokimiyatda qolishiga yo‘l ochgan konstitutsiyaviy referendum va yevropalik kuzatuvchilarning o‘zi tanqid qilgan bahsli prezident saylovlari ham to‘siq bo‘lolmadi.
Rossiyaning Ukrainaga bosqini bois, yil davomida Markaziy Osiyoga dunyo e’tibori ortarkan, O‘zbekiston hukumati mintaqada ham faol ko‘rinishga harakat qildi.
Prezident Mirziyoyev G‘arb poytaxtlariga birin-ketin safarlarida, Kremlning oshib borayotgan bosimidan himoya, o‘sayotgan tashqi qarz yukidan qochish uchun dastak izlagani aytildi.
Bularning hammasi O‘zbekistonda so‘z va matbuot erkinligiga bosimlar, tanqidchi bloger, faollar va muxoliflarga qarshi ta’qiblarning kuchayishi, hokimiyatning yuqori doiralaridagi korrupsiyaga doir yanada ko‘proq faktlar yuzaga chiqishi manzarasida yuz berdi.
#ozodlik #uzbekistan #yevropa #yangiliklar #europeanunion #rossiya #mirziyoyev #2023yakuni
24 дек 2023
