Broers en susters in Christus, eerstens die woord - teenstand - die woord beteken ook konflik, of mense wat jou opponeer - maw van koers af wil bring. So bevind ons onsself dikwels in 'n wêreld wat gevul is met uitdagings en teenstand. In die Bybel kry ons verskeie voorbeelde van God se kinders wat onder druk geplaas is, maar wat staande gebly het deur die krag van hulle geloof en hul fokus wat hulle op die Here was. Een so 'n inspirerende voorbeeld is die verhaal van Nehemia. Hy wat te midde van aansienlike teenstand sy fokus behou het en getrou gebly het in sy taak wat God hom gegee het. Ons Skriflesing gee vir ons 'n baie sterk boodskap oor hoe om staande te bly wanneer ons teëstand ervaar.
25 сен 2024