Маркум К.Асанбектин (Көлбаев) уюшкан кылмыштуу тобунун кыймылсыз мүлктөрүн конфискациялоо боюнча иштер уланууда, деп билдирди УКМК.
«К.Асанбек 2023-жылы мыйзамсыз кирешесин легалдаштыруу максатында Чолпон-Ата шаарындагы жүргүнчү ташуучу ишкананын 1 гектар жерин жеке менчикке алып, аны У.А.К. аттуу жакын тууганынын атына каттаган.
Сметалык баасы 21 миллион 315 миң сомду түзгөн жер Министрлер кабинетине караштуу Мамлекеттик мүлктү башкаруу агенттигине өткөрүлүп берилди», дейт УКМК.
3 июл 2024
