Karaoke 3:42
237 Nd. Heuc Mbuo Zuangx Mienh Daaih Hopv
1. Heuc mbuo zuangx mienh,
m’sieqv m’jangc bieqc naaiv daaih.
Hopv yungz maengc nyei wuom,
maiv nzengc haaix nyungc.
Maaih haaix dauh haiz ganh jaang nqaatv
bun wuov dauh daaih hopv, lingh wuonh
nyei yungz maengc wuom, kungx Ziouv
Yesu ganh ceix bun hnangv.
2. Heuc kouv naanc mienh,
ga’naanh nyei mienh, oix gaanv daaih.
Heuc yietc zungv daaih naaiv,
hitv kuonx baengh orn.
Haaix dauh zoux hnyouv suonc nyei mienh,
daaih hoqc hiuv duqv Ziouv Yesu,
nyei zien leiz yaac haih nzaaux
duqv mbuo nyei zuiz-nipc nzengc.
3. Ziouv ceix tin-dorngh,
nyei njien-youh bun sienx nyei mienh,
naaiv nyungc njien-youh, yiem
wuov Tin-Hungh daaih.
Se gorngv maaih haaix dauh qiemx zuqc,
bun wuov dauh gaanv jienv bieqc daaih,
suonc hnyouv nyei lorz, heuc Njoux
Ziouv Yesu tov Ninh tengx.
4. Heuc siouc kouv mienh,
ga’naanh nyei mienh, zipv lai hnaangx.
Heuc meih nyanc lai hnaangx,
maiv nzengc zinh nyaanh.
Weic haaix diuc zuqc nzengc zinh nyaanh,
maaiz dongh maiv haih tengx hnyouv nyei
gengh maiv lamh longc. Tin-Hungh
ceix longx nyei ga’naaiv bun.
Background: www.videezy.com/
14 окт 2024