مفيش ترشيح لنوع معين، الموضوع بيعتمد على الميزانية المتاحة معاك، وفي الآخر كلهم قريبين من بعض مادام استخدامها هيكون بس لكورسات أونلاين مش شغل فوتوجرافر بقى وواحد هتكون الكاميرا هي أهم حاجة في شغله...
@@ImanMMG لو عايزة براند كبير ممكن تجيبي سماعات JBL وسعرها من 120 جنيه إلى 800 جنيه لو عايزه سماعة مناسبة وتأدي الغرض، ممكن تروحي لأي محل موبايلات أو أجهزة إلكترونية وتجيبي سماعة متوسطة ب70 جنيه، وكل الماركات هتكون زي بعض في الحالة دي مش فارقة كتير.
لو سمحت انا بشرح لبنات الجامعة اونلاين بس مبيكونش مباشر انا بحضر الفيديوهات وبعدين برسلهم للطالبة ال تحتاجها بس المشكلة ان ممكن واحدة تاخد الفيديوهات تعطيها لباقي الدفعة وبالتالي انا بتضرر فعاوزة طريقة اقدر احفظ عليها الفيديوهات بحيث ان ال هتاخذ الشرح تسمعه هي على موقع مثلا ومتعطيهاش لحد
مفيش طريقة أكيدة ومضمونة للموضوع ده، بس ممكن تستخدمي جوجل درايف، بترفعي عليه الفيديوهات أو أي ماتيريال عموماً وبتقدري تحددي هتشاركيها مع مين. بس ساعتها هتحتاجي تاخدي إيميل البنت إللي هتشاركي الفيديو معاها عشان تقدري تضيفيها في قائمة الناس إلي متاح ليهم يشوفوا الفيديو ده. في اختيارات المشاركة بتحددي إنك مش بتسمحي للي هيشوف الفيديو إنه يحمّله، وبالتالي لازم يتشاف أونلاين. فـ كده الحل عشان البنت إللي أخدت منك الفيديو تشاركه مع صاحباتها إنها هتديهم الإيميل والباسوورد بتوعها، ودي مش حاجة سهلة يعني. * للأمانة بردو في برامج بتقدر تحمّل الفيديو حتى لو أنتِ مختارة إنه ميكونش متاح فيه التحميل.
هل في حل لمشكلة ان الطلبة اللي اشتركت ودخلت بتسجل الsession عن طريق تطبيقات تسجيل الشاشة صوت وصورة وبعدين بتبعتها لبقية زمايلها وهكذا في بقية المحاضرات .. بحيث ممكن الاقي اتنين او تلاتة هما اللي حاضرين والباقي مستنيين يبعتولهم تسجيل المحاضرة؟ وشكرا جدا لحضرتك على مجهودك
طبيعي بيحصل كده مفيش مشكلة. اللي بيحضر بيستفيد انه بيسأل ويشارك. اللي مش عايز يحضر ومكتفي بالشرح خلاص براحته. طالما مفيش من سياسات الكورس الحضور ومعلوش درجات فخلاص متزعلش نفسك. بس لو ده كورس لازم فيه ممارسة زي اللغة وضحلهم إن كده مش هيستفيدوا لو سمعوا بس ولازم يحضروا عشان يتكلموا. ولو في درجات اللي مش هيحضر مش هيكمل يبقى بردو قولهم ومينجحوش لو مجابوش الدرجة.
@@TEFLship لا ده مش كورس اكاديمي. ده كورس خاص خارجي وله مقابل مادي. الفكرة ان المشتركين بيتفقوا مع بعض واحد اتنين يحضروا ويدفعوا تمن المحاضرة ويسجلوا و يرفعوا الريكورد على الدرايف والباقي هياخد الريكورد منهم. فانا محتاج امنع التسجيل ده. كنت بسمع عن تطبيقات او منصات لها حماية ضد الموضوع ده ومش بتدي اذن التسجيل ولما حد بيسجل بيظهرله شاشة سوداء او يبقى مفيش صوت .. فانا بدور على منصات او تطبيقات زي ديه.. لو حضرتك تعرف حاجة زي كده يبقى كتر خيرك لو افدتني
@@القارئعلىشرفالدين هو ده إللي تم توضيحه في الفيديو ده وباقي قائمة التشغيل كاملة، لو لسه مشوفتش القائمة كلها، تقدر تشوفها على اللينك ده ru-vid.com/group/PLWebPKkjOKA8HdhRd2krq1Q0KWmqSpPfM
@@القارئعلىشرفالدين مش لازم تابلت رسم، ممكن تعمل عروض تقديمية على الكمبيوتر PowerPoint Presentation لو مش بتقدر تستخدم برامج الأوفيس وتعمل ملفات على الـ Word & PowerPoint ممكن تخلي الكاميرا متوجّهة على الكشكول إللي بتكتب فيه أو بتشرح فيه، وبالتالي إللي هيظهر للطلب هو الصفحة إللي بتكتب عليه بخط إيدك فكّر في بدائل بأقل تكلفة، مش لازم تشتري تابلت مخصوص يعني.
لو تقصد موقع نون، فـ هو مش لـ طلبة ثانوي بس، وتقدر تدخل على الموقع وتشوفه هتلاقيه بسيط وممكن تتواصل مع خدمة العملاء على الموقع وهيبسّطوا ليك كل حاجة بالتفصيل.
متاح الاتنين، على حسب احتياجاتك واحتياجات الحصة، لو هتحتاجي تعرضي حاجة من على الكمبيوتر زي مثلاً presentation أو هتكتبي حاجة وعايزاها تظهر للطالب... يبقى الأسهل ده يتم من خلال اللابتوب لو الموضوع هيكون مجرد شرح بالصوت بس، زي مثلاً تحفيظ قرآن، يبقى الموبايل كفاية.