30 天在 43 呎香港劏房獨居生活（該房又名：香港市中心國際共居空間）｜ 

問問大家：假設你月入 HK$20,000，你會否付 HK$4500 住這間 43 呎「香港市中心國際共居空間」嗎？😎😎😎

8年前28歲搬左出劏房住，就是父母離婚沒有得選擇。當時月入$17000，要比$7000租250尺都很辛苦。係one studio 所以空間唔算太差。住了8年今年要搬了，幸好租金沒有加！因為人工都加了不少，所以可以脫離劏房行列了！各位年輕人要加油！雖然可能現在你們要辛苦住劏房，但總有一日，你們可以有能力住一些更好的地方！

原來咁多人都住過劏房😮我人生中都住過三間劏房… 2015年25歲 因家庭問題第一次一個女仔搬出黎住180尺套房 $4500新界 住左8個月 當時人工得11000-12000😂靠積蓄租房 後來入不敷支而且覺得太孤獨 就搬返屋企…..😢 **呢一間劏房難忘惡事:我試過一個人面對好大群一到成半隻手咁大既小強, 呢個心理壓力仲大過金錢壓力>< 2017年28歲 同一問題又頂唔順 搬去同以前同一區（新界）劏房 90尺 $3800 因為呢次間套房無論係環境價錢地理位置都幾理想(岩我)，雖然細但都足夠一人住，所以一住住左三年😂 同年仲識左（依家既老公）仲同佢一齊住左兩年呢一間90尺劏房 放張梳化床，後來兩人訓一張3尺既床肉(冇床打地舖)😹 **呢一間劏房難忘惡事: 一開頭一個人一搬入去住時, 我隔離果間房住左一對情侣, 晚晚凌晨就大嘈交大叫好似索左K咁, 我試過凌晨3點報警, 之後好驚佢地過黎尋仇, 好在後來房東趕走左佢地~先有返安樂環境~ PS其實到依家我都慶幸有住過呢間套房，有我不少既回憶，有一片好開揚既窗.... 2021年33歲 打算結婚，所以搬左去同一區大少少既（劏房）128尺有lift $5400 不過一入住樓下就大裝修裝搭棚左一年😢 雖然大左，但感覺比上一間套房差，而且仲貴左。呢間劏房住左一年感覺呢一年好難捱。 2022年，34歲 突然收到自己係十二年前排既公屋通知審查（今年結婚加左老公名） 同年，為左通過審查，老公被迫辭去工作。 同年，成功通過審查，派左公屋一間（仲要係新起既公屋），只不過係要誇區搬去一個完全唔熟識既偏遠地區生活😅感覺好似移民咁。🎉231尺 新樓新裝修 2022年 我人生第一次叫做擁有自己一個瓦遮頭🎉 所以好感恩好珍惜, 仲記得當日收到有屋通知感覺好似發夢, 因為當初我從來都冇唸過, 我以為我會一世住劏房.... 這是我的故事

分享下：我大概12年前同男朋友搬出嚟住劏房，住左一年，2個人訓張3尺都唔夠既摺床，啲劏房鄰居成日又食煙又飲醉酒又打交又半夜發酒癲…警察就晚晚比人call上黎, 之後同男朋友忍唔住就搬走左。從此幾乎每年都要搬一次…雖然無再住劏房但住係香港咁多年，住過最大間都只係得250尺，但只要肯努力其實都唔一定無機會。 最終同男朋友7年前，完全無屋企人幫過一蚊之下買左我地既第一間屋（都係得 200 尺）再碌下碌下 而家同老公（當時既男朋友）移左民 住緊間有1600尺既屋仔 所以永遠唔知將來會點樣…但一定要咬緊牙關撐住💪🏻要相信第時一定會變得愈來愈好，劏房只係一個過程，唔係永遠，香港人加油💪🏻

演算法帶咗我嚟呢度，差唔多17分鐘嘅片睇晒，成條片無冷場剪得好好，好佩服你可以住足一個月去體驗生活。喺呢個環境生活，有得倒數30日嘅話都叫做有一絲希望，如果要沒完沒了咁住一定會好絕望 🥲 已經訂閱咗，去慢慢睇下你啲舊片先

本人24歲 我上年自己搬左出嚟住,因為我老豆好鍾意執垃圾,屋企有老鼠同曱甴，忍左好多年冇辦法了唔搬。 而家自己住唐樓1劏3 ，雖然生活開支大，但其實環境對身心真係好重要。

呢間係蘋果宿舍，（深水埗區）大大話話都住咗兩年幾（當時18歲)我係住雙人房$3800（每月）住一樓開窗就望正西九龍中心，識到好多外國人😂不過入邊嘅衛生環境真係好差，晚上放工返去都有啲曱甴仔係啲床隙爬上去鏡嗰度。二間嘢都有人走去其他樓層（有啲樓層係男女分開但係個門框上面係有寫嗰一層嘅密碼）上去偷人食物。 而當其時我都曾經試過發生其他外國嘅男人走咗嚟我個層，跟住我返屋企想強姦我，冇記錯嗰個係韓國男人！ 對面有個大商場其實已經好好附近又可以有洗衫舖，商場價錢平又可以買到生活日常用品又可以平價食飯又飽肚：唔需要求啲乜嘢啊。 影片入邊，上格床下格係書枱，我嗰年依間房要俾$4000 ，有菲律賓姐姐會洗廁所嗰啲嘅但係一過咗某個時間浴室就會冇熱水，Wi-Fi就有免費嘅廿四小時冷氣！ 就算點樣評論都好佢哋都會刪留言，自從上一次有一間房着火之後上咗新聞，我嘅留言就俾人公開咗出嚟放喺影片，我只係想講返公道同埋真實嘅事實 業主都系同對面蘋果商場一樣

2014 年屋企破產，自己要幫屋企還債 + 搬出去住。當時好慶幸有個識左好幾年又自己住嘅朋友，就係咁同佢夾租左四年。當年月入萬一鬆啲，除返開月租 5000 左右。 2017 年我同同屋都搵到另一半，要分開住了。同女友搵左間唐樓嘅細獨立單位，喺 Mario 住嘅位置附近，就係咁屈左喺 200呎嘅空間四年。 煮唔會煮得好好，因為無抽油煙機。洗衫基本上拎落洗衫鋪，當時一袋衫一星期 13kg 左右一次，每個月大約比 $450 去洗衫。 而最大問題係寬頻，唐樓好多時得 8M/30M 嘅水平，對於要倚賴電腦生活開工，係完全唔夠用，尤其當有 freelance 時。 幸運嘅係僱主每年加嘅人工都好好，月入萬七 (取三年平均數)，月租 7500，我比 $5000。 2020 年疫症年，租金有微微降低咗，但同年做左七年嘅公司決定離開香港。就係咁零收入下，我拎住少少長糧，入新界去左租比以前一倍大嘅居屋，當時月租 10500，我比 $7000。 2022 年對上間屋因業主裝修問題，生約情況下都要陪錢趕我哋搬。而慶幸 2021 年已經搵到新工作，freelance 又開始穩定。喺咁嘅情況下，毅然租咗村屋，連天台，可用空間約 600尺。月租 $14500，我比 $9000。月入都好左好多，4~6 萬 (視 freelance 情況) 我好認同 Mario 所講，出嚟住先會思考屋企係乜，生活想要乜。而物理上，空間會好阻礙發展，尤其係想法。 你可能住到成千尺嘅時間，覺得好似無乜用。但當你走入得一二百尺嘅空間，你就會發現你能夠做嘅嘢好少，好多時需要將"活動"去"外判"。 如果你問返我今日可唔可以走返去二百尺嘅空間，我一定答唔得。但我好感激喺二百尺渡過咗三年，嗰幾年比我有動力去做今日嘅自己。 37 歲，香港

你係倒數一個月，而真正住嘅人係會擔心有無下一個月，有時係業主加租，有時係自己份工不保。而且早早出門，夜晚夜返，餐餐外賣，呢啲心態都會影響居住的一切

接近兩年前28歲，因為真係頂唔順屋企，所以決定搬出嚟。 第一間係西營盤嘅Sharehouse $4500：一間房／40呎左右，淨係放得落一張床+書枱；但係對當時嘅我來講已經超級足夠，加上超靚嘅西斜、8分鐘公司步程距離同埋會一齊去打波新識嘅外國roommate。生活係幾咁美好，可惜我哋個間sharehouse只可以租一個月，業主要收番嚟賣。 有諗過返屋企住，其實果時自己有間房，有少少空間；但係只係返去食咗一次飯，就知道根本冇可能係屋企住，於是就係一個星期內睇樓，簽約、搬屋。 最後選址係鰂魚涌怪獸大廈嘅其中一個望英皇道嘅劏房，月租$6300；大概130呎左右既長方形空間，有街景／乾濕分離／勉強叫做一房一廳嘅間隔。 原本以為終於可以有自己嘅個人空間，但係估唔到先係惡夢嘅開始。因為屋企冇位放洗衣機，所以要落樓下洗衣店洗衫；原本諗多啲做運動，但係最後只係想減少污糟衫，所以變成少出街、少運動、少出汗。 然後慢慢因為覺得自己係住劏房，所以開始會不期然咁有少少自卑；慢慢人都唔係幾想見，有時直頭唔想出門口，因為唔想隔離鄰舍知道自己住劏房。但係講緊嗰時一個月其實自己搵緊五萬蚊一個月左右，係果度住嘅一年裡面，不停問自己點解當時要為咗慳咗幾千蚊咁樣作賤自己。 一搬入去嘅第一個月，樓上開始裝修，一裝就3個月；然後第二個月打波椎間盤突出，幾乎郁唔到，明明可以wfh，但係每日都係要忍住痛返office，因為屋企樓上噪音根本難以忍受。 然後因為生理加上心理，慢慢個人有少少抑鬱；同女朋友關係變到非常差，出街時諗起陣間要返屋企就已經覺得好攰；而如果同佢兩個一齊係屋企又覺得好壓抑，所以開始不停飲酒+零食，基本上每晚都會飲，一係一支紅酒，一係兩罐啤酒；總之每晚都一定要醉醉地先覺得而家嘅生活係bearable。 所以身體自自然然受罪，我諗3個月內重咗接近10kg，成個波咁；而12月聖誕節前夕亦同女朋友鬧大交分手，完全係意料之內嘅事。 然後相安無事咗一、兩個月，樓上樓下（隔一兩層）、英皇道又裝修；然後去到5月1號，椎間盤再次突出，今次真係郁唔到；急症、訓床接近一個月，每日痛到撕心裂肺，不停出汗，然後休克。 果時想做嘅唯一一件就係去出面感受陽光，去戶外好好咁行一行，望一望藍天；但係果時連起身去廁所都個10步路都吾一定做到，有次太痛，勉強起身屙咗落個水樽度，之後暈返落床。整整一個月離開床嘅時間應該唔超過24小時，個刻先明白健康嘅可貴。 直到5月尾喚作床褥，終於開始起到身；6月生日，前女朋友（因為病咗所以開始照顧我）book咗南丫島嘅airbnb慶祝，行入airbnb嘅一刻，我先發現原来一個正常嘅屋企係可以咁樣嘅，原来屋企有自然光射入嚟係咁舒服嘅，原來係屋企可以行走係咁重要嘅，原來兩個人係屋企淨係坐係梳化晒太陽都可以咁舒服嘅。 伴隨住quit job，搬入南丫島呢個決定變得順理成章，7月搵屋，8月同女朋友復合搬入南丫島；再望返曾經個一年嘅劏房生涯，真係百般滋味在心頭。 我好慶幸自己可以有選擇逃離個種生活，我好慶幸搬離咗之後個人身心慢慢開始健康返，同埋慢慢開始成為自己想成為嘅人，雖然無時無刻生活係香港都係帶住無限嘅迷惘 lol。 1:42pm 19/01/2023

2016年因為想同女友要私人空間，所以搬左出黎住，因為當時人工得13000左右，只可以簡套房住170呎左右，7500蚊租（港島旺區）最後住左唔夠一年因為地方太細住到有小小抑鬱（本身住800幾呎）同埋經濟出現問題，所以各自搬返自己屋企。 到左2018年真真正正儲落小小錢，搬左去同區300呎左右單位（12000租金）同居直到2022結婚到有埋BB啦。 直到依家2023年終於再搬同區450呎單位1家3口住，所以大家都要努力為自己有好既居住環境爭取👍🏻😌

「有要求有睇法，先會迷惘」呢句好中 共勉🤜🏽🤛🏽

18歲 同屋企人關係唔好，成日都係因為屋企使用而嗌交，嗌咗好多年，都不被尊重。 終於有機會可以搬走同嫲嫲訓，但責任係要照顧嫲嫲。搬咗過去嫲嫲到，生活壓力少咗，讀設計嘅我多咗好多空間做嘢，自己嘅時間表都鬆動好多。 有咗男朋友之後，有時會去佢度訓，佢屋企唔大，同屋企人住，但好有家嘅感覺。我哋會為訓得唔舒服而鬧交，但亦會遷就。同佢屋企人亦都相處得好舒服，完全同自己屋企好大分別，有事好好提出，好好商量。 近排突然要從嫲嫲屋企搬返原本屋企暫住一個禮拜，第一晚返到屋企已經開始俾人鬧。無奈嘅我只好向男友家借宿呢個諗法，但就係因為向父母提出借宿呢個理由而又產生爭執。已經厭倦及無力同佢哋拗嘅我向父母交代我去咗男友家借宿後成個人鬆晒。 借宿令我同男朋友更加多嘅溝通同了解，亦更俾我搵到家嘅溫暖，多咗同佢地溝通，願意為家作出調整，讓步同付出。 想講，屋企幾大都好，同住者唔溝通，唔禮讓，唔體諒，唔調整，都係磨滅大家嘅關係。相反，屋企有幾細都好，搵到你對家嘅要求，唔好屈就自己最緊要

當年29歲一個女仔搬出黎 劏房7k 月入25k 150尺洋樓 有埋洗衣機 廚房煮食 最唔慣係安排時間做家務 開始覺得有d錢係唔可以慳 抽更多時間做運動 調理心身靈健康 離開父母後情緒好左好多 無乜病痛 然後就愈搵愈多錢😂

6年前（早幾年）人工唔到20k, 用5K 租深水埗唐樓120尺套房(有閘、靚樓梯)，住左年半兩年。隨之人工增長，再8.8K租太子250尺洋樓，一房一廳獨立單位，都幾開心，終於有間房、客廳。但住左一年頂唔順樓上噪音滋擾，唯有搬去新界西。結果用9K 租屋苑兩房一廳，350尺，附近有海濱公園，交通便利，住左三年生活質素大大提升，租金仍然佔收入三四五份之一左右。 而家… 過兩日又準備搬，因為要收樓、榮升做業主喇！🎉 仲要一手新樓，兩房一廳，club house 超靚😬 好期待！ 生活，係選擇。人窮，志氣唔可以短！年輕時候，你擁有既空間狹小，更加要化成動力，積極努力向上，思維同心態改變命運！ 住套房劏房，就更加要出去見人、多做運動紓壓，日日面對家徒四壁，真係死左病左、患抑鬱症都冇人知！ 就算好景，都要積谷防饑，同埋幫助社會其他有需要既群體！

咁岩推介見到呢條片，呢個主題好正，一層劏到17個單位好係好無良，分享下我自己，今年3x歲，月入$2xxxx，2年前離開母父搬出去，租緊錦上路3xx尺村屋地下，1房1廳，2個人住，門口可以泊車，$7300，港鐵站步行7分鐘，係冇市區咁方便，起碼唔係劏房先，空氣又好d，揸車返工係遠小小，不過搬出黎之後真係自在好多

應該係第一次喺呢度留言 想講一樣嘢，條片好畀心機，好唔吝嗇，製作、題材、生活都相當花時間先完成到，好難得喺呢個咁功利嘅RU-vid世界都有你呢種咁樣犧牲去做片。 換著其他channel會點做？ 先做一條預告片或開live，公告全世界即將會有呢樣體驗，然後將30日至少分3條片咁出… 不過你都有一樣嘢可以改善，唔夠deep，有啲捉到鹿嘅感覺 例如，你話「終於明白點解啲人流連唔返屋企…」呢樣係好值得再講深入啲。 又例如深入講下你呢個年紀遇到嘅生活難題等等，好多嘢可以再深入講多少少，分享自己內心世界多少少… Anyways, appreciate!

鍾意你拍這個系列的idea, 要離開舒適圈去親身體驗其實都辛苦嘅, 你要加油呀!

謝謝您的分享，我是台灣人，有去過香港，確實有被香港狹小的住宿空間驚訝到，我也因此更珍惜與感恩自己在台灣擁有的好環境😊

有d議題就算講到口臭，都依然有人關注，因為問題一直未解決。 支持你ge新系列！💪💪 就算幾鍾意旅行，去過幾多地方都好，無論咩原因要旅居、移居生活都需要好大勇氣（我都係黎到德國先體會倒. 共勉之

最近有諗過搬入去住，諗住淨係需要一個位瞓覺，應該冇問題，但係睇完呢條片即刻打消念頭，唔該孝仔😂

前陣子 一個人住用$4800租新蒲崗唐4，140尺全吉屋連獨立廁所，可以煮嘢食。我感欣係香港市區租房有咁嘅質素真係好好彩

香港真係啊.... 不人道，區細就唔好俾咁多人入去啦！人住嘅地方仲細過狗住嘅。

香港人 25歲 但對我嚟講呢間屋已經好好 原生家庭環境極差 好多人想像唔到程度 因為媽媽有精神病 間屋變咗垃圾屋 係真係連踏嘅地下都無 叫做一個棺材直瞓嘅位都無 無洗衣機雪櫃冷氣 熱水都無 已經習慣用手洗衫 煲水沖涼 完全無所謂最基本正常生活 所以本身生活好住呢啲就受苦 對我已經好好

同大家分享下，我今年19歲，讀緊HD，租左荃灣某間工廈劏房嚟住，本身係為左想自己體驗獨立生活同埋遠離家庭上既紛爭，所以我決定搬出嚟住，而家半工讀緊，的確，自己搬出嚟要諗好多野，但係同時擁有自己既私人空間其實係好重要，雖然呢度得80尺，但係已經可以滿足到我平時想做既野，唔同人有唔同人既生活，但最緊要清楚搵到屬於自己最舒服既生活模式就得

呢個地方我之前都有拜訪過，係因為有位美國朋友租咗係呢度住，好難想像佢作為一個住慣大屋美國人居然接受得到，佢間房仲細過你呢間一開門就係床，慘過監房。香港嘅住房問題真係太惡劣了。個社會完全扭曲晒，個個人都忍受唔到高屋租，但個個都搏命想做業主收人租。

好難頂🤢香港人啲咩生活，點解一啲住成兩千呎，一啲幾百呎住咁多人，好似無中間咁

25歲香港人 你嘅生活體驗係我嘅生活日常 一邊睇你啲片一邊浮現翻我一開始搬出嚟嘅感覺出嚟 你講嘅所有都同我一開始一模一樣 幾鍾意睇 加油拍多啲

24歲去日本wh真係周圍訓 搵工都搵包住既 好同唔好都係回憶 26歲去澳洲肉廠 人多試過10個人一間屋 1間雙人房700Aud 一齊返工一齊放工 放工一沖梁最後2個就只得凍水 28去韓國地下室 one room 35萬won同你條片差唔多感受 冬天濕氣重 大片發毛 後來29搬到1房1廳之後就返唔到轉頭 30去加拿大鄉下依家4年間 500Cad 2層3房2廁十分舒服 可惜要去城市生活啦

10年前放棄1.8萬收入，選擇了$6000觀塘工廈頂層，有lift,300尺實用並獨立廁所，還有L型大窗，創業開公司及住宿，與貓做宿友，維持了6年，生活水平比43呎共居空間好10倍，基本上冇任何限制，廁所乾淨，獨立冷氣，對付隔離噪音問題，我會開大自已對大喇叭，蓋過隔離的噪音，除了漏水問題，單身人士住得非常舒服,還可以經營公司，到現在已有自已家庭及物業，還依舊租緊同一個單位做倉及貓舍，亦面對10年前的漏水問題😂 總結：同一價錢我一定選擇面積較大的工廈劏房

今年40啦！從細就跟父母住板間房劏房，早就習慣左。我20歲果年就買樓，就想俾屋企人住好啲改善生活質素。選擇極短年期，好早就供完😊

有樣嘢和你相似，我洗手若要按到水喉開關，我也會左手兜着水洗沖ㄧ下右手手指，洗澡也是穿着拖鞋，雖然自己家我清潔得很乾淨，但仍受不了赤腳企入去，所以我不去泳池游水😂😂 已訂閱，開鐘仔了😁😁✌✌

HK$4500 住這間 43 呎??傻了...住久都憂鬱症..還會得肺癌...搞不懂被房東吃死死..

分享下: 2019年我27歲同屋企人嘈大交，我當時同屋企人住緊村屋3樓連天台(合共大約1400呎)，當時對生活環境真係100分滿足，但因為真係頂唔順留係屋企所以決定同女朋友搬左出黎觀塘一間劏房住，月租$8000冇洗衣機。當時業主話另外一間房住左2大人2細路，點知住落發現係3大人3細路，基本上佢地唔洗返工，加上疫情爆發基本上個幾個小朋友日日唔洗返學嘈到拆天同日日煮飯爆炒啲味攻哂入我間房，真心覺得好難受。好彩冇幾耐佢地搬走左。只後搬左個鬼佬入黎住又係另一個惡夢，佢只係會凌晨12點後先活動同經常凌晨3-4點大聲講電話，基本上佢一講電話我地就唔洗訓。有一次佢勁大聲講電話我真係忍唔住出左去同佢講唔好咁大聲，佢竟然答我"I don't fucking care", ok冇問題我同業主講，業主都係唔理。過多一個月約滿同女朋友搬左去土瓜灣獨立單位。個一年覺得錢反而唔係最大問題，最大問題係好多嘢住劏房根本控制唔到。但我興幸有劏房個一年體驗令我成長左唔小，亦都唔會比自己以後再別無他選之下再住劏房。

唔係加拿大讀書咩

我記得我月入$17000 時，我租了一個$4500 三百多尺－房單位，住得好舒服，那時未到2000年。香港人很不幸，之後這麽多年，基本的民生需求住屋市場成為了投資炒賣市場，無奈地政府沒有好好管制。到現在，有能力住香港的人，只剩下有錢人。有能力又未𠕇錢的人，只能選擇別的地方。一個好的政府，應該使當地人安居樂業，發輝所長，而不是使富人愈富，窮人愈生活困難。

都想分享下 21歲時搬出黎住，個時$3500 住80尺唐5樓劏房獨立廁； 25歲搬咗$6000住110尺有𨋢劏房獨立廁3分鐘行去mtr； 依家27，近排搬咗$7500住210 尺少少偏遠私樓，開放式 其實想講嘅係其實三個地方我都幾鍾意，只要係有個空間比自己唔駛諗其他野，幾時想落街行個圈睇下海都得，番到去唔駛假惺惺對住人已經好開心

Mario. 你的片越來越有高水準。好實在 好睇。四處尋找拍攝。千萬不要挨壞自己

我是大陆人，30岁，在英国生活，感觉年轻时会想要自己住，但是现在觉得有一个空间大一些的房子会很重要。谢谢您的分享，感觉忽然意识到自己的小家还是很棒的😁至少有洗手间和洗衣机不用和别人共用

(借未婚夫ac留言） 我原先係因爲家庭問題，需要boundaries，當初未有能力就先寄住在未婚夫家中，後來時間長左，同未婚夫家人相處問題開始浮現，我地決心搬出來，一開始大家沒好多積蓄，就蓄多兩三個月，我地好好彩，好快就揾到村屋，村屋一開二，一房一厠，地下有天井，150/180-200呎左右，月租5000蚊，兩人對分，之後我地做好空間規劃，有living area同kiitchen area，又有laundry area，衣食住行都沒問題，又唔影響我地蓄錢，我地後來都認爲搬出黎係我地人生做得最好的決定，搬左出黎一年左右，收入同工作都穩定左，我地同四大長老的關係都好左好多，尤其係我同我父母，我地今年7月終於可以結婚了。今年我地me 23，him 24嵗，之後都有能力同打算租大少少地方，我地都負擔到，想行落去一定要顧好心理健康同做好理財，唔好衝動同做好長遠計劃會好好多。祝願各位可以archieve到自己想要的。（sor for 1999)

深圳.35平米.300多平方尺.远离市中心.停车费.水电费各种物业费加起来要大概2000RMB差不多等于2145港币. 这种劏房让人有一种窒息感.有幽闭恐惧症的人可能会很害怕吧？ 有没有人考虑过香港上班来深圳租房这种可能性？这样算下来其实应该可以省不少钱出来. 但是每天的通勤来回需要花更多的时间.有舍有得嘛. 大数据给我推送这个非常有意思的视频.只是体验一下倒也无妨. 但是要我住这里一两年甚至四五年或者更久我会疯掉的. 即使我的精神世界很强大,感谢分享如此充满乐趣又接地气的一种体验.

好鐘意你呢個系列，呢30日辛苦喇❤ 希望你拍自己鐘意嘅片，做自己鐘意嘅事，唔需要為滿足別人而勉強自己！ 因為欣賞你嘅人，就係欣賞你獨特嘅想法同埋忠於自己👍 Mario 加油呀！😊💪

（可怜人有可恨之处）这一句i 话真有意思，正常香港人除外。香港就在谷歌地图要放大很多倍才能发现的地方， 人口不到1000万的小地区 居住环境已经恶劣成这样 。多说多强调点本土文化呀！多说点环保呀！睡觉都成问题还说（本土文化 环保🙄）被香港地产商掠夺成这样还不清醒。🙄（马来西亚这里发展商建的公寓成本价在60到100美元每方尺）视规格而定，100美元规格已经是豪华配套完全装修那种 类似酒店那样拿行李就能入住那种。马来西亚这里的发展商一般只会在成本价加15％到30％卖出，香港的发展商是加好几个1000％才卖，还是限量掉你胃口那种饥饿销售法。

大家今晚7:00入嚟一齊睇新片，我到時會喺度同大家一齊吹吓水，你哋準備好劏房生活未呢？😂😂

39歲 自己住160呎大概一個月$7000 ，月入22000，住左啲到而家2年，香港租金太貴，希望之後可以更好既居住環境，各位都加油👏🏻

呢間講到咁好聽 co-living space，其實只係共用廚廁的劏房😂 $4500市區，應該可以有好啲選擇。不過短租係難搵啲。

$4500 + $2500 co working space = $7000, $7000 you have much better choice la. $2500 co working space is cheating la.

我係一位退休老人家，共用洗手間是最不能忍受（細菌感染），香港磅洗衣物都係用凍水，若別人有皮膚病，就慘啦！地方細其實唔係大問題，私隱和隔聲會影響睡眠質素！香港的石屎森林，租金貴，是人間煉獄😮

根本是自己貪方便，自己拿來，新界大把$4500 二百尺，又嫌三嫌四遠

謝謝你分享這個體驗！這個年代，年輕人真係要加陪努力才可能有機會跨階層，共勉之💪🏻💪🏻💪🏻期待看你這個系列❤

老實講，點解香港咁多人同父母同住？貴咯。 你話窮？香港既收入係發達國家黎講唔算差，但同房價比例相差實在太大。 睇呢度留言，都會知唔係咁多人有幸可以同父母同住。

點解加拿大讀讀下書又返左黎，再去旅居，好似做乜都半途而廢咁，去英國又係，希望呢個系列做得長啦

你可以體驗一個月..日子一樣過的很好,是你的經濟能力比真正住劏房的人要多

我好鍾意呢個題目。因為我本來一個人去旅行都偏向住太空艙，或者公用浴室個種。但長期住嘅話，同層如果有啲傻嘅隔離鄰舍，我相信會困擾或者抑鬱。 如果同家人關係無乜特別差，當然都係揀同家人共住。以你呢個空間，一個人搬出去，都係會心靈空虛。

係香港唔係work for life......係work for survive🙄🙄🙄

前年20歲 都係租深水埗劏房住 好彩租到有電梯彩光好！ 有獨立廁所同埋細細個廚房仔 100呎🤣 租$5300 第一次搬出嚟住 住得都幾開心！！！！！

好鍾意呢種生活體驗嘅片，當年就係「沉迷」睇你同Momo喺英國充滿生活感同生命力嘅片❤ 多謝你成日拍啲好高質嘅片俾觀眾，亦希望你享受一連串旅居生活，期待分享！ 被公司調職，初嘗東京生活嘅我，一齊喺異地拼搏啦💪🏼

多謝你咁有勇氣1住住左1個月香港擋房拍片比我地睇。 我覺得屋企要係1個安樂窩，要有基本生活需要（衛生，衣食，空間）而唔係淨係1個床位。 自從2x歲嘅我黎左澳洲working holiday之後再決定喺度生活，試過住share house, backpacker覺得1個人真係好需要me time. 所以我會揀搬出黎自己住，但唔會係呢間😂

一定同父母住 自己搬出去開支大多麻煩 冇想像中咁好

在广州，城中村房租1500CNY，刚毕业工资6200CNY，这种城中村好处是离公司近，周围都是美食市场之类可以买到新鲜食物，就是周围房子比较密集，自然光线不是很够，不过房面积大一点，1500价位的装修算好一点的了，有差一点的是1000～1200都有，希望给大家一些参考。

業主真系好無良心，劏成17間，賺到盡….一火警，你話點算….再者，舊樓樓宇已經老化，再甘劏，樓宇結構又會有大問題

27岁，东莞人，如果屋企和租屋，估计都是会拣出去租屋..中式家庭真的好难顶TAT，买包薯片在屋企都要偷偷吃😮‍💨

《西九龍中心》對面。前人勸喻：『 千間房屋、半張牀，萬頃良田、半斗米！』

成日都話做人最緊要知道自己既位置，知道自己點解咁做，不用交待太多。自己人生自己負責。正所謂道不同，不相為謀。我明白你經歷緊人生一個艱難時期，想清楚才出發，只要日後回望，不後悔，就無悔於當初既自己，足矣！人生有很多可能性，加上世界變化太快太多，好好活在當下。共勉之！

2500租張枱，你都算係有錢人

好真實同貼地既分享，即使係香港人都唔係個個有呢種能耐接受呢種體驗，多謝實測分享所感所想，高質👍🏻

最怕係衛生問題，飛曱甴又或者嗰啲床蝨........唉⋯⋯😂己訂閲了你加油💪

感恩 你們沒有怨恨 反而自強不息 希望富商有良知 不要賺到盡 會反思惠及他人 更希望政府能善待年青一代和 弱小的基層💞

我一直都同屋企人一齊住，空間都可以講還可以，直至上年自己買左樓，其實我月入都只係25000，住係香港既大家加油 16:59

多謝Mario將我帶入一個我之前瞭解甚少既領域，好佩服你既勇氣，希望你可以繼續做住自己鐘意既事，加油！

想講一下，可以係淘寶買USB小風扇，買把大size嘅，有啲仲有插頭兼風扇可以擰頭 係狹小的空間，對於自己吹，冇冷氣都頂到下 好過3 400買把鴻運扇，搬屋帶住走又麻煩 唔貴，幾十蚊，生活指數up up

睇完你之後，我感恩自己當初下決心決定離開香港🇭🇰係香港搵15000,痴屋企人住，都唔夠錢用😢車費同食飯都好貴

香港，8年前已經因為同屋企人吾岩而搬走。由每個月$3000同FD夾份租間房仔住，到住$1500一個月包水電，環境勁差既SSP 真板間房（真係有好多癲既），再去到為左近番工係老銅租太空倉（$3000一個月包水電）幾年但好彩既係D室友會去廚房閂門食煙所以訓教無乜太重煙味（有D質素既室友真係好好彩）。到最後依家呢幾年都叫做終於租番個似樣D既套房百零呎$6400水電另計，先至夠膽比朋友同同事仔上黎一齊食野玩下。以前住太空倉果D既果段日子，個人真係完全無自信亦都怕比人知自己住呢D地方，成日搵藉口推走佢地。😞😞😞 一個月平均都係搵緊萬五六到，但自己住係會自由好多，但真係要保持適當社交，吾係個人會痴線🫣

Omg, I was not prepared for how good this video would be 😭👏🏼 This felt so right, like the Mario that took us on a sardine-packed Lunar New Year train. But a better, more mature, dedicated version that asked some interesting, deep questions. You really did that. You stayed 30 days, in a 44ft2 room, for a 16 min video. Damn. I honestly would watch a 30 minute cut. I can't get enough. The Malaysia videos are going to be EPIC!!

台灣人真的無法想像，住宅跟陽台一樣大小！ 感覺比監獄還小！

分享下前2年小弟搬過觀塘100呎左右唐2樓，有獨立廁所，涼衫系一種最煩腦既事，每次都要開窗趴出去仲要自己買張梯系出面先搞得掂。兩個人住月租5000+水電5600起。 搬出去住都系體驗幫助到自主獨立等等。 申利：28歲，搵21000

香港不是正常人住的地方，只適合富豪。

睇完好正 結論冇咩錢唔好喺香港買樓

旅居呢個topic 好正 你幾時要返去讀書？

租房最介意係間房有冇自己的獨立洗衣機,因為共用洗衣機,有D人會放對鞋入去洗,還有D你諗唔到既污糟野

旅居體驗的確可以放眼世界，不一樣的體會，了解不同國家不同人的生活態度，無論生活富與貧，辛苦與否，一切盡於心態。我也住在馬來西亞已半年，每天都用學習心態去改變生活，期待你分享這一個月在大馬的生活，看看你面對的是不是和我一樣。

呢條片同春運一樣咁多人睇 係因為真係好似同你一齊住左一個月，一齊經歷咁 居住議題又係香港人好關心既 好睇 又好哀傷

我從來不知道，狹隘的空間可以把人限制成那樣，真是辛苦主播，一個月。。。

Momo 呢？ 唔係大家都起加拿大讀書㗎咩？點解又香港又馬拉旅居嘅？

間房真係可一不可再…21-27歲時自己一個人LA往360-600呎覺得okay，現在差不多40比較宅所以要夠空間先得。見到你頂咁耐，勁！年輕人加油👏

3年前月入2萬多D, 住6500蚊 150尺劏房, 但有洗衣機+雪櫃。我覺得住既地方唔可以太屈就, 空間太唔舒服會影響心理健康同工作表現

期待你既新系列 以旅居既視覺去體驗世界 🤣我可能會寧願同人夾租都唔想搬去一個咁壓迫既環境 對個環境無安全感歸屬感又點會住得舒服同開心 btw啱啱ugrad仲迷惘緊前路

來生不做香港人。

多謝，確實想知唔同地方嘅人過這樣的生活體驗，希望高官們睇吓，多返啲同理心，認真做吓嘢！

有天台都仲要係房食煙 😅

我是马来西亚人，每次看到香港的蜗居真的觉得很疯，我自己住550呎的屋子都觉得有点小，但香港人告诉我550他们可以住一个家庭了😱

我34歲 搵2萬9 一個月，屋租$6000 劏120呎，還債$16000，自己仲要幾大使亂花錢，生活係過得緊張啲，但有自己空間真係差好遠，起碼有自己鍾意既設計，香味，瞓覺都係自己一個都幾舒服😂 除左漏水問題，成間房其實幾好，運氣都唔錯，自己一個人搬出黎終於正視到自身問題，終於想為自己增值同為前途著想，雖然（蝸房），但有好有唔好啦

條片真心好好睇 佩服你既勇氣 🤪 你同momo要繼續加油

我都唔知你點解你要住依度,個度又多人攞綜緩同有好多痴線佬,同個度啲人多傾計會自己都痴線埋

真實香港生活体驗😂。努力拍多點影片！期待你在馬來西亞的體驗

住的太差太小了，看的触目惊心，好压抑

呢條片真心好睇 同你差唔多年紀 早幾年都搬離左父母 慶幸自己都有個安樂窩❤ 你帶埋私家枕頭過去 我第一下係諗 劏房個到會唔會有蝨😂

我係60幾嘅老豆,剛好有2子女,屋企太細,女已搬出去住,仔剛畢業未來亦會離開香港,多謝你拍段片等我知實况,期待其他國家影片。

Share 下自己係大陸同埋加拿大兩邊嘅居住體驗，其實冇乜唔同😂 年25 廣東佛山👉🏻加拿大Edmonton 兩地都有share rent 之後自己住1bed room。兩邊成本分別係1100CNY，1200CAD。放工或者落堂之後都係返自己間屋度煮飯，邊讀都唔想去。

廿幾歲嗰時，住過太空艙，都住過劏房。 有試過室友要傾 project 傾咗成個凌晨，但因為人哋做正經嘢，就費事叫人收聲。都有試過同室友們玩啤牌，其中有室友又會煮埋大家嘅晚餐一齊食。生日會一齊唱生日歌食蛋糕。都有遇過整水電好勁嘅室友。 惡劣嘅室友當然都有，只可以講室友好唔好，真係好緊要！ 都有試過用佢哋本身提供嘅枕頭被床褥，但真係唔啱身，但我冇話可以返屋企拎番自己嘅野咁好，但又冇錢去買新，然後要上網買二手，我一個女仔成張床褥由港島搭地鐵搬返去九龍。 因為其實有得呢一個生活，都冇錢嫁啦，所以就算共用洗衣機係污糟，我都盡量唔會拎出去洗，因為真係好貴。然後啲衫就好難乾 會有陣味，但你想放上天台曬呀？放工返嚟，落在一場大雨之後 你又要再洗過。真係要攞出去洗，乾洗時間係用黎食飯，洗衫時間係去買日用品，唔會淨係坐喺度浪費時間。沖涼洗衫食嘢買日用品所有時間每一日都要絞盡腦汁去安排。 好多地方都係唔包水電，夏天嘅時候會好焗好熱，但大家都唔想開冷氣，嘥電費。 其實你嗰度算乾淨㗎喇，當你真係遇到有床蝨嘅時候，就真係恭喜你喇。 我當初都有睇過apple，但係太貴喇~