#lps #lpsnews September ni 3 khan Chief Minister Pu Lalduhoma chuan Pi Verinda Fike, Regional Director, Indo-Pacific, US Trade & Development Agency (USTDA) chu a office-ah a kawm a. Mizoram tana hmasawnna hna thawk ve tura sawmin a rawtna te athlen. Chief Minister hi Pu Jonathan Lalremruata, OSD to CM chuan a tawiawm a ni.
Chief Minister hian Mizoram tan project lian tham eng engemawzat an sawipui a, chungte chu USTDA hian a sector changtu bik department-te a en fiahtir ang. Bawh zui zel tlaka an ngaih te chu a thlawnin master plan te, project readiness plan te siam sak thei tih thu Pi Verinda Fike hian a lo hrilh a, USTDA aiawha India ram enkawltu bik pawh be nghalin, hma lo lak pui turin a hrilh a ni.
USTDA hi US sorkar ta niin khawvel hmun hrang hrang ah development works an thawk thin a. Infrastructure and services, Clean energy and Power, Transportation, Information and Communications technology leh healthcare sector-ah te hna an thawk nasa hle. An hnathawhna fund te hi loan anga kalpui lovin grant in aid angin an kalpui a, sum a tumsak mai bakah a thawktu tur thlengin an ngaihtuahsak vek thin a ni.
18 сен 2024
