நீங்கள் கூறுவது உண்மைதான். ஆனால் அதில் மிக முக்கியமான ஒரு விஷயம் ஒளிந்திருக்கிறது. மார்க்கண்டேய முனிவருக்கு ஆயுள் முடியும் தருணத்தை எதிர்பார்த்துக் கொண்டிருக்கிறான் எமன். அந்த ஆபத்திலிருந்து தன்னை ஈசன் காப்பாற்றுவார் என்று தவத்தில் இருக்கிறார் மார்க்கண்டேய முனிவர். எமன் வருகையை ஆபத்து என்று எல்லாப் பெரியோர்களுமே பாடி வைத்துள்ளனர். எதிர்பார்ப்பு-எமன் வந்து நம் உயிரைப் பறிக்க சரியான தருணத்தை எதிர்பார்த்துக் கொண்டிருக்கிறான். அறிவுடைய மனிதனின் எதிர்பார்ப்பு- எமன் சீறி வருகின்ற தருணம் அவன் கையிலிருந்து என்னைக் காப்பாற்ற வேண்டும். வேண்டினால் மட்டும் போதாது;அதற்கான ஒரு செல்வத்தையும் சம்பாதித்துக் கொள்ள வேண்டும். அது பொருட்செல்வமல்ல.
