بغض النظر عن نقاط الإستمرارية والكاست، اكثر نقاطك كانت مرتبطه بواقعية العمل وقله الكرتونية فيه مثل مسأله انهم ما يتوسعون بالعالم وان اي شخص يقابلونه خارج المكتب غالباً يكون طبيعي مو زي سكان بوني او ان التطورات بالأحداث محدوده بذا اوفيس، او حتى ان الشخصيات غثيثه وانهم يعرضون الشخصيات على انهم غالباً مجرد زملاء ومو اعز اصحاب زي باركس اند ريكس وعلى عكسك انا اشوف ذا الشي من اقوى نقاط العمل لو ما كان تقديمه يميل للواقعية ما كانت اللحظات الكوميدية بتعطي نفس التأثير على المشاهد وحتى لما يتطرق العمل لنكت كرتونيه او مبالغ فيها وقعها يكون اكبر على المشاهد لهذا السبب وعلى فكره انا اتفق معك في كون المسلسلين هم الافضل كوميدياً بس اختلف بتفضيلي لذا اوفيس فقط، وبعيد عن رايي الفيديو ممتاز مثل عادتك يا سعود من ايام المصارعة، وبالعكس اشوف قناتك هذي افضل بس اتمنى انك تستمر في التنويع فيها وما تحصر نفسك في مجال معين والله يوفقك وين ما كنت 🙏❤️
تسلم على هالكلام الحلو ❤️ كلنا متفقين على قوة هالعملين لكن النقاط اللي اختلفنا عليها ترجع لاذواقنا وهي سبب تفضيلنا لعمل على الثاني، الواقعية فعلا نقطة ميزت ذا اوفيس وخلته عمل مختلف عن المسلسلات الكوميدية اللي نزلت قبله وبدا ترند جديد بهالنوع من المسلسلات، بس اللي ما عجبني بهالنقطة هي اني حسيت انها كان فيها نظرة تشاؤمية شوي خصوصا بان محد من الشخصيات حقق اهدافه او طموحاته بالحياة عكس باركس وهذا من اهم الاسباب اللي خلتني افضله عليه
مقطع رهيب واخيرا يتكلم عن المسلسل المظلوم هذا عموما شفته كامل وبعدها ختمت ذا اوفيس كلهم رهيبين وكنت افضل ذا اوفيس بس كلامك خلاني افكر اختمه مرة ثانية بعد العيد
حب الناس لذا اوفيس بسبب انه واقعي ويسرد حياتهم كموظفين في رأس العمل (اللي غالبا يكون وقت طويل من يوم الشخص ) فيه مسلسلات كوميديه مميزه ماهي مشهوره واكيد منها Parks and Recreation خصوصا في الوطن العربي وهذا شي احبه فيك انك تتكلم خارج الصندوق (بالنسبه لنا كجمهور عربي ) الفيديو حقك حمسني اتابع المسلسل وكمان حمسني ارجع اتابع ذا اوفيس مره ثانيه مراجعه جميله صراحه. أخيرا شي ودي اقوله خصوصا اني متابع قديم لك ياخي سعود اعشق طريقه سردك بالفيديوهات واحب انك تاخذ وقتك كامل على اي فيديو تنزله في شي احبه في فيديوهاتك 5 ثواني من كل لقطه وتنوع بالفيديوهات سواء كان محتوى الفيديو حقك طويل مثل حلقات تاريخ المصارعه او 5 -10 دقايق و قصيره ودايم اشوف انك تاخذ وقتك في موضوع معين وما تطول فيه بشكل كبير لحد الملل وزيما قلت انك تدعم كلام بمقتطفات قصيره ما تحرق او تخرب . أتمنى لك التوفيق وسواء مستمر او قاطع راح نتابعك
الشيء الي يخلي الناس تحب ذا اوفيس كثير هو الكوميديا الي اشوفها تتفوق على الكل و الشخصيات النمطية العادية و الغثيثة واشوف جيمي و مايكل كانو الافضل وتعلقت فيهم أنا شفت 3 حلقات من بارك وما تحمست اكمله لكن بعد مراجعتك ومدحك بعطيه فرصة وأتمنى تكثر من التنزيل لأن مقاطع رهيبة في أي محتوى تقدمه
ذكرت الأسباب الي كنت دائماً عندي مشكله معها بمسلسل ذا اوفس .. وانه اغلب الشخصيات غثيثه و شخص واحد شايل المسلسل بدون ما يعطون قيمة او أهمية لشخصيات الثانيه واذا سووا ذا الشيء زي ما قلت بأنهم يدخلون قصة حب .. والملل بالوقت حلقه كثير احسه ويخليني صعب اشوفه حلقه ثانيه بنفس الوقت .. ومسلسل parks سمعت عنه مدح وخصوصاً مع قوة الممثلين بالمسلسل الي يعرفون كيف يضحكونك حتى لو كانوا غثيثين
