7 қазан күні Еңбекші ауылдық кітапханасының ұйымдастыруымен Қазақстан Республикасының Халық қаһарманы, Берлиндегі Рейхстагқа жеңіс туын тіккен батыр Рақымжан Қошқарбаевқа 100 жыл толуына орай "Қазақтың қайсар ұлы" тақырыбында тұлғалық сағат өткізілді.
Мақсаты: елі мен жері үшін ерлік көрсеткен ата- бабаларымызға тағзым ету арқылы жас ұрпақты отансүйгіштікке баулу, өз халқымыздың тарихын құрметтей білуге тәрбиелеу, 1941-1945 жылдар аралығында болған Ұлы Отан соғысы және сол соғыстың тарихи маңыздылығы туралы мағлұмат беру.
Ербол Сыпатаев атындағы орта мектептің кітапханасында әр жастағы оқушылардың және кітапханашы Еңлік Ержанқызының қатысуымен өткізілген бұл шарада кітапханашы Назгуль Кулачарқызы соғыстың алғашқы күндерінен бастап-ақ Кеңес халқы жан тәнімен Отанын қорғағанын, әрбір ауыл, әрбір қала неміс басқыншыларымен аянбай шайқасқанын, 1945 жылдың 30 сәуірінде жеңіске бірнеше күн қалған кезде Рақымжан Қошқарбаев пен Григорий Булатов Берлиндегі Рейхстагқа Жеңіс туын тіккенін, биыл Рақымжан Қошқарбаевқа 100 жыл толып отырғанын әңгімеледі. Шара барысында кітапханамыздың тұрақты оқырмандары 6 сынып оқушылары Шопан Қарақат пен Рақыман Азамат батырдың өмірбаянымен таныстырды.
13 окт 2024
