Abone OL: goo.gl/W99fFm
Copyright © ARB Şəki
Sayt: goo.gl/NfKDu5
Facebook: goo.gl/XVhVzG
Şəkililər ləqəbləri ilə tanınır adətən.. İndi təqdim edəcəyimiz sujetdə də ləqəbi ilə məşhur olan "qumbara" Tərlandan söhbət açacağıq. 8 döyüş yoldaşı şəhid olmasın deyə önlərinə atılan qumbaraya sinəsini sipər edən Tərlandan elə özünün qohumları danışacaq. Hansı ki, Tərlan şücaətindən bəhs edəndə ona inanmayıblar. İnanılacaq kimi də deyil. Ancaq Tərlan bunu edib və sağ qalıb. Təsəvvür edin qərar vermək üçün cəmisi bir neçə saniyəniz var. Ya hamı ölməlidir, ya da bir nəfər. Tərlan Həsənov düşünmədən döyüş yoldaşlarını xilas etmək üçün qumbaranın üzərinə uzanır. Partlayışdan sonra huşsuz qalır, dostları onun şəhid olduğunu düşünür. Ancaq xoşbəxtlikdən üzərində olan bronjilet və rabitə vasitəsi onun ölümdən xilas olmasına səbəb olur. Döyüş yoldaşları mərdlik salnaməsi yazdığı həmin vaxtdan sonra ona “Qumbara Tərlan” ləqəbini verirlər. Əslən Şəki rayonu Baş Zəyzid kəndindən olan Tərlan Həsənov uşaq vaxtlarında öz bacarığı, çalışqanlığı ilə seçilib. Texniki Universitetin məzunu olan Tərlan ali təhsilini başa vurduqdan sonra həqiqi hərbi xidmətə yollanıb. Çəkisi az olduğundan ona hərbi xidmətə yararsız olduğunu deyiblər. Lakin Tərlan təkidlə hərbi xidmətini keçmək istəyib. Həqiqi hərbi xidmətin başa çtamasına 3 gün qalmış isə vətən müharibəsi başlayıb. Tərlan da müharibənin ilk günlərindən döyüşlərdə iştirak edib. Bu nəslin Tərlanla yanaşı, daha 4 üzvü də vətən müharibəsində iştirak edib. Onlardan Azərbaycan ordusunun baş leytenantı Elsəvər Şirəlizadə Füzuli rayonu uğrunda gedən döyüşlərdə yaralanıb. Xüsusi raket kompleksində xidmət edən Elsəvər düşmənin bir neçə dayaq məntəqəsini məhv edib. Bəli, Azərbaycan Ordusu, igidlərimiz dastan yaza-yaza düşməni torpaqlarımızdan qovub çıxardı. Bu dastan Azərbaycanın şanlı tarixinə ZƏFƏR kimi yazıldı. İllər keçəcək, nə bu dastanlar unudulacaq, nə də bu dastanı yazanlar tarixə qovuşacaq. Azərbaycan daima onları yaşadacaq və fəxrlə anacaq...
#ARBŞəki #qumbaraTərlan #Tərlan
15 сен 2024
