#shraddhatv #seruwila
සේරුවිල ‘ශ්‍රී ලලාට ධාතු මහා පෙරහැර’ අති උත්කර්ෂවත් අයුරින් සේරුවිල මංගල රාජමහා විහාර පරිශ්‍රයේ වීදි සංචාරය කරනා ලදී. සධාතුක කරඬු වහන්සේ ශ්‍රී දළදා මාළිගාවේ මියන්රාජා හස්ති රාජයා විසින් වැඩමවන ලද අතර අලි ඇතුන් 12 දෙනෙකුගෙන් සහ නර්ථන කණ්ඩායම් සහ විවිධ අංග 70කින් පමණ පෙරහැර සමන්විත විය. නැගෙනහිර පළාතේ විශාලතම සංස්කෘතික මංගල්‍යය වන මේ උතුම් පිංකම සඳහා දස දහස් ගණනක් සැදැහැවතුන් සහ දමිළ, මුස්ලිම් ජනතාව ද බොහෝ පිරිසක් එක්ව සිටියහ.
සේරුවිල මංගල රාජමහා විහාරාධිපති පූජ්‍යපාද අළුදෙණියේ සුබෝධි ස්වාමීන්ද්‍රයන් වහන්සේ වරප්‍රමුඛ ගරුතර මහා සංඝරත්නයේ ආශීර්වාදයෙන් ශ්‍රී ලංකා ප්‍රජාතන්ත්‍රවාදී ජනරජයේ ගරු අග්‍රාමාත්‍ය දිනේෂ් ගුණවර්ධන මැතිතුමන්, තායිලන්ත තානාපති පොජ් හන්පෝල් මහතා ඇතුළු සම්භාවනීය පිරිසකගේ සහ නැගෙනහිර පළාත් ආණ්ඩුකාර සෙන්තිල් තොන්ඩමන් මැතිදුන් ඇතුළු රාජ්‍ය නිලධාරීන්ගේ සහභාගීත්වයෙන් පෙරහැර මංගල්‍යයේ සමාරම්භය සනිටුහන් වූ අතර සේරුවිල මංගල මහා චෛත්‍ය වර්ධන සමිතියේ ගිහි උපදේශක, කොළඹ කොටුව ප්‍රධාන මහේස්ත්‍රාත් තිළිණ ගමගේ මැතිඳුන් විසින් ස්තූති කතාව පවත්වන ලදී.
ගුවන් ගැබෙන් ඇද හැළුණු මල් වරුසා සහ සැදැහැවතුන්ගේ සාදු නාද මධ්‍යයේ මංගල මහා සෑ වන්දනාව පැවැත්වූ අතර ඉන් අනතුරුව මහ පෙරහැර වීදි සංචාරය කරනා ලදී. පෙරහැර මංගල්‍යයේ ප්‍රධාන නිළමේතුමන් වන සුදත් අන්නාසිවත්ත මහතා ඇතුළු නිළමේවරුන් සධාතුක කරඬුව බාරව ගමන්කළ අතර සේරුවිල මංගල මහා සෑ රජාණන් වහන්සේ රන්වන් විදුලි ආලෝකයෙන් ආලෝකමත්ව දෙව් විමනක සිරි මැවීය. උඩරට, පහතරට සහ සබරගමු සාම්ප්‍රදායික නර්තනයන්ගෙන් ද සාම්ප්‍රදායික දමිළ නර්තනයෙන් ද මෙම පෙරහැර සමන්විත වූ අතර ප්‍රථම වරට දමිළ බස කතාකරනා මුහුදුබඩ ආදිවාසී ජනතාවගේ නර්තනයන් ද ශ්‍රීමත් ලලාට ධාතූන් වහන්සේට උපහාර පූජා පිණිස පෙරහැරට එක්කොට තිබුණි.
Tel:+94 112 571 471, Fax +94 112 54 84 00
info@shraddha.lk / www.shraddha.lk
ශ්‍රද්ධා RU-vid චැනලයේ වීඩියෝ සදහා කතෘ අයිතිය ලබාගෙන ඇති බැවින් ඒවා නැවත RU-vid ඔස්සේ පල කිරීමෙන් ඔබගේ RU-vid චැනලයට RU-vid Copyright Strikes ලැබිය හැකි බව කරුණාවෙන් සලකන්න.
Kindly note that if you re-upload the videos from this RU-vid channel on RU-vid, you will receive "RU-vid Copyright Strikes" as Shraddha TV holds the copyright for those videos.
Shraddha Media Network - All Rights Reserved
8 сен 2024
