Ağalıda daha 25 ailəyə evlərinin açarları təqdim olunub 

Ağalıda daha 25 ailəyə evlərinin açarları təqdim olunub
Bu gün səhər saatlarında Bakı şəhərindən köç karvanı ilə Zəngilan rayonunun Ağalı kəndinə yola düşən 123 nəfərdən ibarət olmaqla 25 ailə öz doğma yurduna çatıb.
AZƏRTAC-ın bölgə müxbiri xəbər verir ki, kəndə qədəm qoyan ailələr Şərqi Zəngəzur iqtisadi rayonuna daxil olan Cəbrayıl, Qubadlı və Zəngilan rayonlarında Azərbaycan Respublikası Prezidentinin xüsusi nümayəndəsi Vahid Hacıyev, Qaçqınların və Məcburi Köçkünlərin İşləri üzrə Dövlət Komitəsinin əməkdaşları, həmçinin digər rəsmi şəxslər və Ağalıya daha öncə köçən ailələr tərəfindən böyük coşqu ilə qarşılanıb. Daha sonra ata-baba yurdlarına qayıdan keçmiş məcburi köçkünlərə mənzillərin açarı təqdim edilib və ailələr yeni evlərində yerləşiblər. Bununla da Böyük Qayıdış layihəsi çərçivəsində Zəngilan rayonunun Ağalı kəndinə ümumilikdə 133 ailənin, 649 nəfərin məskunlaşması təmin olunub.
Copyright ©
-------------------
/ azertag
/ azertac
/ azertac
t.me/azertacnews
azertag.az/