Bass Line Official Audio Music
___________________________________________
A.o.A
Website
www.aoaofficial.com
instagram
/ aoa_249
Facebook
/ aoa.rap
Twitter
/ aoa_249
Tiktok
vm.tiktok.com/ZSJxxykHd
__________________________________________
HamoBeatz
instagram
/ hamobeatz
___________________________________________
مارق في الحلة وحايم
لي يوم يومين ما نايم
ده الحال ما ديمه ودايم
و الجو كان زابط غايم
ماف زول هنا بفهم جنك ما جنك معروف ما منك
ما حنكك كان دايما انك ما بتحنك بس حابنك
انا زول معروف هداف ابليس بي ضنبو ده شافني وخاف
انا زول مافيني خلاف الناس بتخاف من قلمي الجاف
حضرانة الدنيا معانا ونعسانه عيوني الفترانه
وهدانا السهر الهدانا وعزانا المزك البملانا
ما بنحب الحنك الحبة
القول في الراس بتكبة
ما الراس كان فاضي اتعبى
القلم العاصي اتربى
اديني اضانك حبة انا داير اديك معلومة
انا كنت بغني وحيد في جوف امي وكانت مصدومة
ده مصيبة الناس خاتينو
عارفنو وكان شايفنو
بدأ منو الراب الحي البحي الروح ما سنن سنو
بالزوق يا جنى بالزوق ..
كان جيت حا اجيك من فوق
انا حتى سكوتي فنون لو كان ادمنت ومليان شوق
ماني جائر ، ولاني حاير
متحف مدينتي ياخ حباب الجاني زائر
ما تكون مثالي بس ما تبقى الاتكالي
هوي ما تطلع فوق جبالي لو ما فهمت حالي مالي بالي ما ببالي
ما كلو بالي ، بس قليل الفنو عالي
مشغول خيالي لسه ما بديت مجالي
بالراب بفلق جوه الراس بقعد بعلق
بارد زي تلجة ماكنة ما تقع هنا البزلق
الخوه ثابتة ما بعيش بينا البفرق
صاحب الخيانة دايما هو البكون مقلق
ما جات بالساهلة جد
اتهد حيلنا هد
صبرنا وفي بلدنا يا الحبيب النار اشد
وصلنا فيها حد ، هدمنا فيها سد
قدرنا نبني روحنا ياها روحنا بلد
ياهو حالنا زاتو ، شباب مشرد والعجوز حلو ف عصاتو
اولادنا باتو في زنازين برضو فاتو لي بلاد في السكة ماتو شان يحيا الثمن حياتو
اعذرونا ، بنكافح في حقوقنا ما البلد بلد ابونا
ما برجعونا لي زمن فيو يلزمونا بي حياة الالم شعارها لو قادرين ديل يفهمونا
هي المزيكا ما بدت
ياداب برتب في الدفاتر يا ولد
انا راضي عن مسيرتي وعشت جلد
مصيرنا نحيا في النعيم بعد كبد
مصنوع من العدم ، طلعنا كم قدم
حكينا ما بكينا شان يدونا يا وهم
انا السودان الحالف الا يتبني
انا العزيز انا الفخور انا الغني
#bassline #aoa
22 авг 2022
