Subscribe To Mazzika Channel | إشترك علي قناة مزيكا
bit.ly/Mazzika
Abd El Halim Hafez - El Masaolya | عبد الحليم حافظ - المسئولية - حفلة
#Abd_El_Halim_Hafez - #El_Masaolya | #عبدالحليم_حافظ - #المسئولية
• Lyrics : Salah Jahin | صلاح جاهين
• Composition : Kamal El Taweel | كمال الطويل
• Music Arrangement : Kamal El Taweel | كمال الطويل
• Lyrics | كلمات الأغنية :
آديـك أهه خدت العضوية
وصـبحت فى اللجـنة الأسـاسية
أبو زيد زمانك ، وحصانك
الكلمه ، والخـدمة الـوطنية
ودى مسـئولية
دى مسئولية عزيزه عـليا
معـزة الروح ، والـحرية
معــزة العسكرى لسلاحه
واكتر ، لكين أنا ايه وحديا
مفيـش أنا ، فيه احنا يا صاحبى
أنا وانت ، وانت ، وهو ، وهيه
علينا نعمل لاشتراكية
من كلمه حلوه ، للقمه حلوه
وبيت وكسوه ، وناس عايشين
آدى القضية
- مفيـش محال ، والعزم معـانا
والعـلم بينور دنيانا
والفكـر بيجسـم أحلامنا
قـدامنا ، شـايفينها ، وشـايفانا
شـايفيـن رايتنا ف حضن النسمة
مـرفـرفــه بستـاشــــر نجـمـــة
على مـدينة عـربية
معـرفــش مـن أى الأقـطـار
حرية ، واشتراكية ، ووحــدة
مكتوب حروفها بمليون ورده
على صدر بلده عربية
معـرفش من أى الأقطار
صناعة كبـرى ، ملاعـب خضـرا
تمـاثيـل رخـام ، ع الترعة ، وأوبـرا
فى كل قرية عربية
دى ماهيش أمـانـى ، وكـلام أغانى
ده بـر تانى ، قصادنـا ، قريـب
يـا معـداويـة
ريسنا ملاح ، ومعــدينا
عامل وفلاح ، مـن أهالينا
ومنــا فينــا المــوج ، والمـركـــب
والصحبـــه ، والــريس والزينــــه
نفـوت على الصحرا ، تخضر
نشقى ، خدود الناس تحمر
والمسئولية ما بين أحضـاننا
مقاديـف ، تقربنا مـن البر
أصغر مهمه ، برضـك مهمه
دى الثورة همه ، وذمة ، ودين
وانسانية
أحلف بقـرآنى ، وإنجيلى
بهدف عظيم ، دايما يناديلى
بالمعركة ، وسهـرها
بالقاهرة ، وقمرها
بالقاهـرة اللى ما حد قهرهـا
احلف بكل بطل فى عمل
بالفلاحين ، بالعمل
بالفن اللى بيدينا أمل
وبالجنود على كل حدود
وبالميثاق اللى جعلته منارى ودليلى
أحلف بكل صبى ، وصبيه
بعيونهم الحلوه العربية
بجمال ، وجرح قديم فى جبينه
أحلف وأعاهد أعيش مجاهد
والرب شاهد إنى أمين
عالمسئولـية
نحلف يمين بالله تعـالي
نحـلف بقــوتنا الفعالة
الاتحـــاد الاشتــراكى العـربى
نختاره مبدأ ، ورسالة
ومسـئولـية"
• New Releases - الجديد من مزيكا
bit.ly/Mazzika-New-Releases
• / mazzika
• / mazzika
• / mazzika
© 𝟐𝟎𝟭𝟯 𝐌𝐚𝐳𝐳𝐢𝐤𝐚.
• 𝐓𝐨 𝐥𝐢𝐜𝐞𝐧𝐬𝐞 𝐭𝐡𝐢𝐬 𝐦𝐮𝐬𝐢𝐜: 𝐥𝐢𝐜𝐞𝐧𝐬𝐞@𝐦𝐚𝐳𝐳𝐢𝐤𝐚tv.𝐜𝐨𝐦
• 𝐂𝐨𝐧𝐭𝐚𝐜𝐭 𝐌𝐚𝐳𝐳𝐢𝐤𝐚: 𝐢𝐧𝐟𝐨@𝐦𝐚𝐳𝐳𝐢𝐤𝐚tv.𝐜𝐨𝐦
27 май 2013
