කාංචන කුමාර ආරියදාස
2022.04.02
මාතලේ ප්රදේශයේ විහාරස්ථානවලට අභයදානය ලබාදීම සඳහා බව පවසමින් මස් කිරීම් සඳහා කිසිදු බලපත්රයක් නොමැතිව එළ හා මී ගවයන් 26 දෙනෙකු ලොරියකින් ප්රවාහනය කරමින් සිටී පුද්ගලයන් දෙදෙනෙකු ලොරිය සහ එම් සතුන් සමග සැකපිට 01 දින රාත්රියේ ගල්කිරියාගම පොලිසිය මගින් අත්අඩංගුවට ගෙන තිබේ.
ගල්කිරියාගම පොලිසියේ ස්ථානාධිපති ප්රධාන පොලිස් පරීක්ෂක ආර් .එම්. රත්නායක මහතාට ලද තොරතුරක් මත පොලිස් කණ්ඩායමක් ගලේවෙල කලාවැව පාර ප්රදේශ්යේදී මාර්ග බාධක යොදා ලොරි රථය අත්අඩංගුවට ගෙන තිබේ.
අත්අඩංගුවට ගන්නා අවස්ථාව වන විට මෙම ලොරි රථයේ ගවයන් ප්රවාහනය සදහා කිසිදු බලපත්රයක් නොතිබුණුු බවත් මෙහි එළ හරක් සහ මී හරක් 26 දෙනෙකු සිටි බව පොලිසිය කියයි.
හිංසාකාරී ලෙස ප්රවාහනය කරමින් තිබීම නිසා සතුන් දෙදෙනෙකු සිහිසුන්ව සිටි බවත් එක් සතෙකු ලොරි රථය තුළ ම මියගොස් තිබුණු බව ගල්කිරියාගම පොලිසියේ ස්ථානාධිපති ප්රධාන පොලිස් පරීක්ෂක ආර් .එම් .රුක්මල් රත්නායක මහතා පැවසීය.
මෙම ලොරි රථය ගවයන් ප්රවාහනය කිරීම සඳහාම වෙනමම සූදානම් කර තිබූ එකක් බවත් මෙම සතුන් වවුනියාව ප්රදේශයේ සිට කැලෑබද මාර්ගවලින් මාතලේට රැගෙන යන බවද සැකකරුවන් පොලිසියට ප්රකාශ කොට තිබේ.
එමෙන්ම පොලිස් නිලධාරීන්ට තොරතුරු ලැබී ඇත්තේ මෙම ගවයන් ගල්කිරියාගම පොලිස් බල ප්රදේශයේ නෙල්ලියගම ප්රදේශ්යෙන් ලොරි රථයට පටවා ඇති බවය
ප්රශ්න කිරීම් වලදී හෙළි වී ඇත්තේ තැනින් තැන මේ ආකාරයෙන් ගවයන් පටවාගෙන අලුයම් කාලය වන විට මාතලේට මෙම ලොරි රථය ළඟා වන බව ය
ගවයන් ප්රවාහනය කිරීම සඳහා උදව් කරන මාතලේ ප්රදේශයේ පදිංචිකරුවෙකු ගෙන් ප්රශ්න කිරීමේ දී කියා සිටියේ වව්නියාවේ සිට මාතලේට මෙම සතුන් රැගෙන ගොස් පන්සල්වල අභය දානය දීම සඳහා රැගෙන යන බවය
බලපත්ර නොමැති නිසා මෙම සතුන් ප්රවාහනයේ දී වව්නියාවේ සිට මාතලේ ට ගමන් කරද්දී රුපියල් ලක්ෂයක පමණ මුදලක් අතරමැදි විවිධ පුද්ගලයන්ට ලබා දී රැගෙන යන බව ඔහු ප්රශ්න කිරීම්වලදී හෙළිදරව් වීම විශේෂත්වයකි.
ගල්කිරියාගම පොලිසිය සැකපිටැකපිට අත්අඩංගුවට ගත් මෙම එළ හා මී ගවයන් 26 දෙනා ලොරි රථය සහ සැකකරුවන් දෙදෙනා කැකිරාව මහේස්ත්රාත් අධිකරණයට ඉදිරිපත් කිරීම්ට නියමිත බව පොලිසිීසිය සඳහන් කළේ ය
සිද්ධිය සම්බන්ධයෙන් ගල්කිරියාගම පොලිසිය පරීක්ෂණ පවත්වති .
6 окт 2024
