Download the two-disc album from www.imanlouis.com
For any ordinary person who doesn't feel s/he is gifted in anything special.
ربنا إختار الضعفاء
غزا بيهم كل المعمورة
ويسوع قال طوبى لبسطاء
ودعاء وقلوبهم مكسورة
ومكانش التلاميذ عظماء
ولا نبلاء وجُمال الصورة
مكتبش الأناجيل علماء
والناس كت بيهم مبهورة
مبيدعيش الشخص الجاهز
بيجهز المدعــــويـن
بإستخدامه لواحد عادى
بيبن المجد لمين!
وأبطال الإيمان فى الكتاب
مكنوش شرفاء ولا كاملين
مشيئته يستخدم المزدرى
واللى كأنهم مش موجودين
يعقوب كان كـداب ومخادع
ويونان متـمرد مش خاضـع
سامرية عايشة حياة فانـية
و راعـوث أرملة ورحاب زانية
متى عشار وشاهد بـاطل
وداود كان يوم زانى وقـاتل
ليئة كانت زوجة مكروهـة
وثامار غـدر بيها أخوهـا
زكريا عجوز؟ إبرام أكبر
تيموثاوس شاب؟ أرميا أصغر
فينيقية بنتها مسكونة
والمجدلية مجنونة!
و إذا كان ربنا بيستخدم اللى زينا
يبقى ممكن يستخدم أى شخص
مارس حضورة وإسمع ليه
ثق فى كلامه بدون فحص
هو كمان عايزك تستمتع
وإنت بتستخدم مواهبك
إوعى تقلد ولا تنافس
دورك فريد والعالم محتاجلك
خليك مبدع مهما كانت
كلمات الناس محبطة ليك
خليك أصلى حتى إن ظهرت
الفكرة غريبة حتى عليك
يمكن تلقى مديح الناس
أو تتقلب الدنيا عليك
إللى يهم إنك تستخدم
الوزنة اللى عطاها باريك
كل اللى عليك إنك تقعد
تسمع روحه بيهمس ليك
وتسيبه يحقق بيك خططه
يظهر صورته وقوته فيك
15 сен 2024
