Writing and performance: Abu Ali Video Production: Lasept Director: Ahmad Abualrub DOP: Leith Hammouri Executive Producer: Hosne Jamel Music Production: Al sheikh Production Abu Ali: / osamaali.ar Lasept: / lasept7
الكلمات: كبرت في العزلة ف السواد قلبي مالي لجأت للفرح قلّي غير الحزن ما لي معلّقة آمالي، حبر ورق راس مالي بغيب يعني بعاني ف متسألنيش شو مالي لأ اسألني كيف حالي وشو السبب مشاعري فَترَت في المخيّم بنت عندي انتحرت من فَترة والثانية.. والثالث.. جيل جديد بروح لأ مش قصدي ع المشوار قاصد تطلع منّو الرّوح ع الهاوية حرفيّا بقدرش اتصنّع ذرّة مش حغنّي عن سعادة وانا بموت ألف مرّة كإنّ ف حلقي مداخِن ف الكلام بطلع سوداوي جيب أعظم طبيب نفسي ولك خاف حالتي يداوي خبط راس في الحيط، حتّى يخفّ الضّغط ربط انفاس في الخيط، حتّى يخفّ النّبض ما بنوقّف ركض، من بلاد الكَبت الشاي عن روح أحلام ليش ع النار ينحطّ بعدين بقلّك جيل جديد ما شفتوش إشي وهوّه ماسك جوب ويد مخلّيه سعيد منتشي تحكيش باسمنا وتحكيلهم انك معانا اقنعوني كيف معانا وهو بعمرو ما عانى بغيب في الاكتئاب جوّا العزلة سكِّر باب بميل ع الكتاب بمسك قلم قلبي ذاب بتذكّر اللي ساب، بحمد الله على الراب لانّو لمّا الكُلّ غاب لقيت اشي يهوِّن عذاب×٢ كتبت ورق، قدّ ما كبتت أرق الدنيا بحر هموم وانا بس شاطر بالغرق والموت بركض وراي.. وانا ماشي على مهلي حكولي اعتزل ما يؤذيك؛ ف تركت أهلي ونزلت ع الشوارع. مشيت لانتهيت فشّي سقف انام تحتو، ف فهمت شو يعني بيت ارتميت جوّا عزلة تعليمي وراي رميت كل صحابي فاتو الجامعة.. وانا فتت بالحيط فش معي حقّ الحبر والضّغط في راسي كثير ف ضرّبت إيدَيّ، طلع دم، كتبت فيه ف انت ما بتسمع همي، حرفيا بتسمع دمي ولك بدي افجّر راسي بس ما بدي تزعل إمي أبو علي ما تغيبش بنحبك بكفي هبل وانا همومي زي ديوني؛ الاثنين أكبر من جبل ف إذا غبت مش حكون بختبر صبري ادعيلي بالسلام وسيبي وردة على قبري بغيب في الاكتئاب جوّا العزلة سكِّر باب بميل ع الكتاب بمسك قلم قلبي ذاب بتذكّر اللي ساب، بحمد الله على الراب لانّو لمّا الكُلّ غاب لقيت اشي يهوِّن عذاب×٢ ما اخترت أكون العاطل هيك المجتمع جبرني ولما انكسرت لحالي ما لقيت اللي جبرني ف تحكيش ليش معصب يعني وانا مُستاء هاذ الراب فن شارع صاحبي مش عرض أزياء عشرين سنة لحالي.. عشت فيهم وحيد مش من فراغ حكيت اني سولو فش شريك ولما جيت. احبّ فعلا كل مشاعري نادوها خلّيتها بنت قلبي وهي راحت قتلت أبوها وانا شايل هم كادحين مش فاضي انِّي أحزن في حاجات اهمّ منك اعطيها اهتمام وأسأل زي إنو هيني بتدمَّر، زي إنّو راح المستقبل بنوكل زفت على الريق وياما شفنا الاعطل عرقت من جبيني حتى عملت عندي مسبح اشتغلت في الباطون حتى صار عظمي المسلح آلة.. بس مشاعر بدي اسيب الفقر واسرح مبدِّل عقلي بقزاز ف كل فكرة منّي بتجرح بظلّ أقسى. لسا معلّم جرح مبارح مش قادر انسى. ف بحكيلي لا تصالح ف إذا غبت مش حكون بختبر صبري ادعيلي بالسلام وسيبي وردة على قبري بغيب في الاكتئاب جوّا العزلة سكِّر باب بميل ع الكتاب بمسك قلم قلبي ذاب بتذكّر اللي ساب، بحمد الله على الراب لانّو لمّا الكُلّ غاب لقيت اشي يهوِّن عذاب أخوك/ي أبو علي في المبنى