Adenoid nima va ularning simptomlari qanday!
Аdenoid - burun-halqum bo‘shlig‘ida joylashgan bodomsimon bezning yallig‘lanishi va kattalashishidir.
Bodomsimon bezning asosiy vazifasi himoya hisoblanadi. U organizmga kiradigan bakteriya va viruslarga birinchi bo‘lib to‘sqinlik qiladi. Infeksiyaga qarshi kurashish uchun ko‘plab immunitet hujayralarini ishlab chiqarishni boshlaydi va hajmi kattalashib boradi. Bolalar uchun bu odatiy hol. Infeksiya yo‘qolishi bilan yana o‘z holiga qaytadi. Аgar bola tez-tez kasal bo‘lsa, adenoidlar doimo yallig‘langan holatda bo‘ladi va kichrayishga ulgurmaydi, aksincha kattalashib boradi. Natijada burun yo‘lini to‘sib qo‘yadi va to‘liq nafas olish imkonsiz bo‘lib qoladi.
📌 Sabablari:
• tez-tez shamollash;
• zaif immunitet;
• allergiyaga moyillik;
• yashash hududining noqulay sharoitlari - chang, chiqindi, gazlar.
📌Аlomatlari:
• burun orqali nafas olish qiyin yoki imkonsiz bo‘ladi, bola og‘zi bilan nafas oladi;
• hid bilish qobiliyati pasayadi;
yutish bilan bog‘liq muammolar - tomoqda narsa turgandek bo‘ladi;
• talaffuzda o‘zgarish, uxlaganda xurrak otish, notinch uyqu;
• bosh tez-tez og‘riydi, e’tibor pasayadi, maktabda fanlarni o‘zlashtirish pasayadi.
✅ Davolash
Kasallik dori-darmonlar bilan va jarrohlik usulida davolanadi. Birinchi navbatda, dori vositalari bilan davolanadi, bunda antibiotik, vitaminlar, organizmning allergik holatini kamaytirish maqsadida antigistamin preparatlar beriladi. Burun antiseptik vositalar bilan chayiladi, fizioterapiya muolajalari o‘tkaziladi.
Davolash yordam bermasa, kasallik rivojlanaversa, jarrohlik usulida davolanadi, maxsus moslama yordamida kasallangan adenoidlar olib tashlanadi.
#adenoid #vegetation #simptom #аденоид #вегетация
🔗 Ijtimoiy tarmoqdagi sahifalarimiz:
• Instagram: dr.asqarashurov
• Tiktok: vm.tiktok.com/ZSeX7Qr9U/
• Facebook: Dr-Asqar-Ashurov-107020098536975/
18 янв 2022
