Song from "Viidon sieiddit" album. (c) Petrichord Records, 2019. Vinyl is now available, order it from info@uksiproductions.com!
Music video produced, filmed and edited by Antti Väre.
Special thanks to Petteri Laiti, Karhunpesäkivi/ Sammeli Salonen, Jari Palonen.
"GUOVŽA LEA LIHKKAN - BEAR HAS AWAKEN"
Lyrics: Ailu Valle
Composer: Tatu A
Mix: Tatu A
Master: Uyarakq
Lyrics in Northern Sámi:
[Intro: Yoik]
[1. VERSE]
Sii leat doarvái min hárdán, mii vardit, eanni vardá
Goas ja geasa beaivi goardá vel, dárkilit ofelaš várdá
Man sii leat iktimin, báktevuođus loktemin
Bákteloamus boktimin, báktečuolus buktá oktii min
Buohkaid singuin, muhto dál šat dušše oktii
Ná lei čullon, čállon, áigi juo nu ollu gollan, ahte ii leat šat minguin dinguin
Lea šat dat gii guoktiluššá ja dat gii bikšu
Dat gii juohkása guoktin ja duššá ja dat gii dikšu
Goabbá don leat, leabbát muhto it olat
Luhčareabbá, láhtte čábbát muđui borahalat vuoi almmidolat
Guovža gullá, ii šat veallá, darfi ii šat lullá
Vuovddis jullá, olgogollát olmmoš ballá
Muorjegálgu golláš buollá, muoddáádjá dolla čuollá
Gula oktii maid mun dál dajan ovdalgo moallanit bávttit ja moallanit dávttit
Oallásit gávttit dorvvu guvlui, guovža lea lihkkan
Amma it áiggo dál ollásit mollat maid ollásin
Ammal don áiggot dál eallásit ollásit árvvu sajis arvvu guvlui guovža lea lihkkan
[Chorus]
Roassu roassus go russo dollavárit
Guovža, guovža.. guovža lea lihkkan
Ii šat várri hávdádit hári dego gollan gári
Guovža, guovža.. guovža lea lihkkan
Logenári álbmábut áiggi ja nama olis
Guovža, guovža.. guovža lea lihkkan
Dat diehtemeahttumat mat duvvaluvvan áigá dolin
Guovža, guovža.. guovža lea lihkkan
[2. VERSE]
In veaje vuoigŋat dán mirkko šat, veaje guldalit dán skoala šat
Haksit dán guohpa ja smáhket dán guohca, dovdat iežan čađa buohcan šat
Suodjalan iežan, suodjalan oappáid ja vieljaid, mun dieđán
Geat leat suodjalan mu agiid čađa, nagirmára sisa dan dieđu mun čiegan
Gamus navddan mii lea oahpis, mii lea amas
Mii lea čoahkis ja mii lea fas veagal gaikkoduvvon rabas
Hávssan gii bissu čoahkis namain
Ja gii fas áiggi mielde laddan stoarpmaid čađa rabas daid čanastagaid haga
Lean meafardan miljon biekka čađa fallehit váimmuin
Ožžon fámuid eatnama čiekŋalasas ja allelis áimmus
Dát albmaáimmus lea mu ađa ja váimmus
Ja fápmu váibmosis gievrrat go váimmusfápmu sieiddi vuolde áimmuin
Galbmasamos skábmaáiggiid skuhrrán čađa skálvvi
Hálan mášolašvuođain, oađđán lean duhát dálvvi
Ja go fas lihkan, nieguidan ipmiliid varain báktái čálan
Leat boktán beađu mii gohcá čiegus dieđu man seaktin doalan
[Chorus]
Roassu roassus go russo dollavárit
Guovža, guovža.. guovža lea lihkkan
Ii šat várri hávdádit hári dego gollan gári
Guovža, guovža.. guovža lea lihkkan
Logenári álbmábut áiggi ja nama olis
Guovža, guovža.. guovža lea lihkkan
Dat diehtemeahttumat mat duvvaluvvan áigá dolin
Guovža, guovža.. guovža lea lihkkan
[3. VERSE]
Gargasiid bárggas, árggašit čottagarggat
Fargga lahkonit njárggat, árggas maŋŋonit gárggas
Dušši huššas baluin njunnálagaid njirdomii duššástuvvat
Hávkatkeahttá, čáskatkeahttá, buhtástuvvan oaččástuvvá
Ohcagoahtit luohttámuša, ođasmahttit vuođu
Luođu goađus starggas eana julggiid vuollái boađus
Muođut ruokságohtet, gávdnogohte ruovut
Buotvuođas luođuid buotvuhtii čatnasan dakŋasiid vuolde šoavui
[Chorus]
Roassu roassus go russo dollavárit
Guovža, guovža.. guovža lea lihkkan
Ii šat várri hávdádit hári dego gollan gári
Guovža, guovža.. guovža lea lihkkan
Logenári álbmábut áiggi ja nama olis
Guovža, guovža.. guovža lea lihkkan
Dat diehtemeahttumat mat duvvaluvvan áigá dolin
Guovža, guovža.. guovža lea lihkkan
5 окт 2024
