Assalomu alaykum va rohmatullohi va barokatuh. Bobirjon va Hayotjon umringiz uzoq bo‘lsin! Al Temur jamoasiga ofarin tasanno qoyil ishlaringizga fayz baraka bersin niyatlariz amalga oshsin ilohim. Tuproq olsangiz oltin bo‘lsin. Oltin boshingiz omon bo‘lsin. 68 yoshli pensioner hoji bobongizdan samimiy salomlarimizni qabul qiling. Ishlaringizga omad va zafarlar tilab qolamiz!
Муоз ибн Жабал розияллоҳу анҳу айтадилар: “Илм талаб қилиш - ибодат, уни ёдлаш тасбеҳ. Уни ўргатиш садақа, сарфлаш Аллоҳга яқин бўлишдир. У ҳалол билан ҳаромни ажратувчи белги ва жаннат аҳли йўлларини ёритувчи маёқдир”.
Абу Ҳурайра розияллоҳу анҳудан ривоят қилинади: Набий соллаллоҳу алайҳи васаллам: «Аллоҳга қасамки, мен бир кунда Аллоҳга етмиш мартадан кўп истиғфор айтиб, Унга тавба қиламан», дедилар».
Кимнинг дини бўлса, уни тўғри йўлга бошлайди, кимнинг ақли бўлса, уни ҳимоя қилади, кимнинг ҳасаби (қадр-қиммати) бўлса, уни ёмонликлардан тўсади, кимнинг ҳаёси бўлса, уни зийнатлайди, кимда буларнинг барчаси бўлса, у инсон барча фазилатларни жамлабди. Одобнома китобидан
Аллоҳ азиматларини (қатъий буйруқ ва амрларини) тутганни яхши кўргани каби диндаги рухсатни, енгилликни тутганни яхши кўради. Баззор ва Абу Яъло ривояти. Изоҳ: Худди азиматни тутганни яхши кўрганидек, Аллоҳ таоло Ўзининг раҳматидан бандаларига берган шаръий рухсатни, енгилликни олган мусулмон кишини яхши кўради. «Аллоҳ сизларга осонликни ирода қилади ва сизларга қийинликни ирода қилмайди», (Бақара сураси, 185-оят). арабик уз
Барака хақида.... У Аллоҳ таолонинг яширин қўшинларидан биридир. Уни бандаларидан хоҳлаганига юборади. Агар у мол-мулкка тушса, уни кўпайтиради. Фарзандга тушса, солиҳ бўлади. Жисмга тушса қувватга киради. Вақтга тушса узаяди. Ва қалбга тушса фараҳ-севинчга тўлади. Шайх Али Тантовий
Ҳазрати Али (розияллоҳу анҳу): «Болаларингизни келажак замонларга мослаб улғайтиринг. Чунки улар сизнинг даврингиз инсонлари эмас, келгуси даврларнинг инсонларидир» дейдилар.
Ибн Ражаб Ҳанбалий раҳимаҳуллоҳ. айтади: Риёнинг қалтис кўринишларидан бири: Бир киши одамлар орасида ўз айбларини санаб, ўзини ўзи койийди, асл мақсади ўзининг қай даражада тавозели эканини одамларга кўрсатиб қўйиш. Шу билан одамлар олдида обрўси ортади ва улар уни мақташади. Салаф уламолари риёнинг бу нозик кўринишидан огоҳлантирганлар.
Аввалари олим сўзларди, оми эса қулоқ тутарди. Бизнинг замонимизда эса оми сўзлайди, олим эса сўкиш ва озорларга йўлиқишидан қўрқиб сукут қилишга мажбур бўлади. Доктор Назол Иброҳим Оли Роший.
Авзоий раҳимаҳуллоҳ айтадилар: Дунё соатларидан бирор соат йўқки, албатта, қиёмат куни бандага дунёда ўтказган ҳар бир куни ва ҳар бир соати кўрсатилади. Кўрсатилган соатларнинг бирортасида Аллоҳни лоақал бир марта эслаб қўймаган бўлса, ўша вақтда нафаси бўғилиб, оғир аҳволга тушиб қолади ва хасрат надомат чекади. Энди қандай бўладики, кетма-кет ҳар соат ва ҳатто кунлар ва тунлар давомида бирор марта ҳам зикр қилмаган бўлса.
Ақлим ҳар кун товба қилар. Нафсим ҳар кун товбамни бузар. Иккисининг орасида қолган бир бечораман. Яхшиямки, Роббим, сенинг даргоҳинг бор... Жалолиддин Румий
Қалблар сирларнинг хазина, жавонларидир. Лаблар унинг қулфларидир. Тил бўлса, унинг калитидир. Ҳар бир киши ўз сирининг калитини эҳтиёт қилсин. Умар ибн Абдулазиз.
Али ибн Ҳусайн раҳимаҳуллоҳ айтадилар: Бир қавм Аллоҳ таолога қўрққанидан ибодат қиладилар. Бу тарздаги ибодат қулларнинг ибодатидир. Бошқа қавм Аллоҳга савоб умидида ибодат қиладилар. Бу тарздаги ибодат тижоратчиларнинг ибодатидир. Яна бир қавм Аллоҳ таолога шукрона ўлароқ ибодат қиладилар. Бу ҳурларнинг ибодатидир.
Тасаввуф шайхларининг биридан сўралди: "Нима учун ёши катта инсонларни ҳурмат қилинади?" Шайх: "Аллоҳни биринчи танигани учун". "Ёши кичик инсонга нима учун меҳр-шафқат кўрсатилади?" Шайх: "Гуноҳи ва маъсияти камлиги учун", деб жавоб берди.
Бир киши Умар ибн Абдулазизга: -Менга насиҳат қилинг, - деди. Умар ибн Абдулазиз шундай дедилар: -Солиҳ одамлар билан юриб, улардан манфаат олмасликдан ёки гуноҳкорларни маломат қила туриб, гуноҳлардан четланмасликдан ёки шайтонни лаънатлаб, унга пинҳона итоат қилишдан эҳтиёт бўл!
