Alalá nº 130 ESPECIAL "Noiteboa en Piornedo" - TVG 

Alalá nº 130 ESPECIAL "Noiteboa en Piornedo" - TVG
Emisión en Televisión de Galicia: 24-12-2009
Lugar de gravación: Piornedo (Os Ancares)
alala.crtvg.es
Para pasarmos xuntos unha Noiteboa especial ímosvos traer ata aquí, ata o curuto dos Ancares, ata o lugar de Piornedo. Será unha noiteboa desde a montaña e na montaña. Será como entrar nunha fermosas posta de Nadal: só que abriremos as portas das pallozas, prenderémolo lume, pasaremos pola cociña e percorremos pistas e camiños para atoparnos coa música. Porque non vimos sós, connosco veñen gaiteiros, charangas, e mulleres de voces marabillosas que van encher o Piornedo de música. Cantaremos panxoliñas, pedirémolo aguinaldo, e bailaremos con melodías que veñen tamén do outro lado da móntaña...ou do mar, e mesmo do outro lado do mundo. Esta noiteboa imos revivir algúns costumes xa esquecidos, ímolle quitar as arañeiras a lugares e historias de outros nadais que xa non existen. Non imos ter enormes escenario nin traxes noite cheos da abelorios; non vai haber villancicos cantados en inglés non van cantar nin Shakira nin os Jonas Brothers Nada diso, esta Noiteboa é moito máis auténtica, diferente, nosa. Tanto que xa empezamos a celebrala pola mañá, con alboradas e pasarrúas...¿e como a imos acabar? Iso é un misteiro...
Estará con nós Eduardo González, Justo do Rego, Faíscas de Solobeira, Os Jalos d´antioquía, Os Terribles de Donas, Xavier Blanco, Sonia Lebedysky, José de Gregorio e moitos máis.
Unha noiteboa de luxo, aquí, en Piornedo.