Alalá nº 179 "Treixadura II" - TVG
Emisión en Televisión de Galicia: 18-05-2011
Lugar de Gravación: Cambados
alala.crtvg.es
Treixadura cumpre vinte anos de historia e completa a muiñada. Pecha co novo disco o ciclo de catro que dedicou a cada un dos versos da copla “Unha noite no muíño, unha noite non é nada, unha semaniña enteira, esa si que é muiñada”. E neste último traballo, “Esa si que é muiñada”, teñen especial presencia as voces do orfeón, que forma parte xa de pleno dereito de Treixadura. Músicos e voces fixéronse inseparables no disco anterior e agora, xuntos, fixeron un disco no que ademais do repertorio dos mestres gaiteiros e das cantigas populares quixeron explorar outros ámbitos da música tradicional que sémpre lles pareceron cheos de posibilidades: a música das bandas e a das corais.
Un disco con moito de composición propia no que contan coa colaboración de Rodrigo Romaní, da banda de música do Rosal e dos catro coros decanos de Galicia: Cántigas da Terra da Coruña, Cantigas e Agarimos de Santiago, Toxos e Froles de Ferrol e Coral de Ruada de Ourense. Pezas cheas da alegría e do sabor tradicional que caracteriza a Treixadura cos que seguro que nos van a poñer a cantar a todos de aquí a que empecen unha muiñada nova.
(opción 720p)
6 мар 2016
